Mediante Resolución do 28 de maio de 2007 (DOG nº 107, do 5 de xuño) convocáronse, en réxime de concorrencia competitiva, as seguintes liñas de axuda da base reguladora dos incentivos a proxectos de investimento empresarial:

1. Proxectos de investimento tecnolóxico das Pemes (Procedemento IG103-artigo 5.1º.2.).

2. Proxectos dirixidos a mellorar a organización das Pemes mediante a consultoría de proceso e implantación de ferramentas de xestión e cadros de mando (Procedemento IG104-artigo 5.1º.3.).

Publicándose ademais do prazo de presentación de solicitudes, os créditos asignados a elas, tal e como se establece no texto desta base reguladora.

A citada base reguladora dispón tamén que en cada convocatoria se establezan as reservas de créditos específicas para os proxectos dos municipios das comarcas de Ferrol, Eume e Ortegal e para os municipios da Costa da Morte, e de conformidade coas facultades que teño conferidas

RESOLVO:

Primeiro.-Dos créditos publicados mediante Resolución do 28 de maio de 2007 (DOG nº 107, do 5 de xuño), correspondentes a proxectos de investimento tecnolóxico das Pemes (Procedemento IG103-artigo 5.1º.2.) e a proxectos dirixidos a mellorar a organización das Pemes mediante a consultoría de proceso e implantación de ferramentas de xestión e cadros de mando (Procedemento IG104-artigo 5.1º.3.) resérvase prioritariamente un 10% destes para proxectos localizados nas comarcas de Ferrol, Eume e Ortegal e outro 10% para proxectos localizados nos municipios da Costa da Morte, que figuran nos anexos III e IV, respectivamente, das bases reguladoras dos incentivos económicos do Igape (DOG nº 59, do 23 de marzo).

Segundo.-No caso de que os proxectos aprobados non esgoten o crédito reservado, o remanente aplicarase aos restantes proxectos.

Santiago de Compostela, 5 de xuño de 2007.

José Antonio Delgado Arce

Director xeral do Instituto Galego de Promoción Económica