Advertidos erros na referida resolución, publicada no DOG nº 101, do 28 de maio de 2007, procede facer as seguintes correccións:
-Na páxina 8.790, substitúese o contido do artigo 6º, polo seguinte:
«Artigo 6º.-Prazos de realización dos investimentos, de disposición e de reembolso e amortización anticipada da operación financeira.
6.1. De acordo con estas bases, poderán ser financiados os investimentos realizados con posterioridade ao 1 de xaneiro de 2007.
O número de disposicións e/ou a súa contía mínima poderá pactarse libremente entre a entidade financeira e o prestameiro.
Previamente á utilización dos fondos da conta específica, a entidade financeira requiriralles os prestameiros a documentación (facturas, contratos, certificacións de obra, etc.) que acredite a execución do investimento.
A disposición dos fondos aboados do préstamo e a realización total dos investimentos deberán efectuarse antes da primeira amortización do préstamo, para o que o prestameiro solicitará a carencia de amortización necesaria dentro do límite establecido. Se existisen fondos pendentes de utilizar na conta específica, unha vez transcorrido este período, deberán destinarse a amortizar o principal do préstamo, e non se computarán para os efectos de préstamo subvencionable.
6.2. O prazo de reembolso ás entidades financeiras das operacións acollidas a estas bases será de 5 anos nas operacións da liña 1, e entre 5 e 7 anos nas liñas 2 e 3, incluído ata 1 ano de carencia na amortización do principal en todas as liñas, períodos aos que se poderán engadir os días que transcorran desde a formalización ao último día do trimestre ou mes en que se produza a amortización.
6.3. A operación financeira poderá ser amortizada sen custo de forma anticipada, total ou parcialmente, por vontade do beneficiario. As amortizacións anticipadas parciais que, se é o caso, realice voluntariamente o beneficiario poderán aplicarse a reducir, en igual contía, as cotas de amortización restantes ou ben o prazo de amortización da operación».
-Na páxina 8.791, artigo 7º, engádense os seguintes puntos:
«7.6. Achegas ás SGR. Os prestameiros deberán realizar, se é o caso, a achega para adherirse á sociedade de garantía recíproca que corresponda.
7.7. Garantías da operación. As operacións formalizadas ao abeiro destas bases contarán co aval dunha sociedade de garantía recíproca polo 80% do importe do financiamento. As entidades financeiras e sociedades de garantía recíproca implicadas non requirirán outra garantía adicional máis que as persoais da/s propia/s persoa/s que promovan ou desenvolvan a actividade empresarial e/ou os seus socios. Os cónxuxes, ou parellas de feito do/s promotor/es ou socio/s poderán figurar tamén como cotitulares».