A orde do 23 de abril de 2007 (DOG nº 84, do 2 de maio) pola que se establece o procedemento e os requisitos para acadar os acordos sobre a taxa de estabilidade en sectores de actividade, establece no artigo 3º os sectores produtivos que poderán ser obxecto de acordo sobre a taxa sectorial de estabilidade, para os efectos de determinar as taxas de estabilidade inicial e mínima destes sectores para poder acceder aos incentivos establecidos na orde da Consellería de Traballo que regule o programa de incentivos aos plans empresariais de estabilidade no emprego, dispoñendo no artigo 6º que os citados acordos serán obxecto de publicación no Diario Oficial de Galicia.

Por outra banda, o artigo 5º establece o prazo dun mes desde a data de entrada en vigor da orde para asinar todos os acordos sobre a taxa sectorial de estabilidade, prazo que se considera insuficiente tendo en conta o ámbito de aplicación da orde que se estende a todos aqueles sectores de actividade en que exista un convenio colectivo sectorial, inclúa ou non unha cláusula sobre a taxa de estabilidade no sector.

Consonte o anterior, a Dirección Xeral de Promoción do Emprego

ACORDA:

Primeiro.-Publicar a taxa de estabilidade inicial do sector e a taxa de estabilidade mínima que deberán acadar as empresas do sector coas contratacións que se realicen no período outubro 2006 a setembro 2007, establecidas nos acordos recollidos nas actas: acta 1/07, do 7 de maio de 2007, para o sector de industria téxtil e da confección, acta 1/07, do 8 de maio de 2007, para o sector de hostalaría, acta 1/07, do 14 de maio de 2007, para o sector de agricultura, acta 1/07, do 15 de maio de 2007, para o sector de comercio, e acta 1/07, do 24 de maio de 2007, para o sector de construción, que constan en poder do Consello Galego de Relacións Laborais e que son as seguintes:

Segundo.-En virtude do establecido no artigo 49º da Lei 30/1992, do 26 de novembro de réxime xurídico das administracións públicas e do procedemento administrativo común, ampliar o prazo establecido no artigo 5º da orde do 23 de abril de 2007 para acadar os acordos sobre a taxa sectorial de estabilidade, ata o 19 de xuño de 2007.

Santiago de Compostela, 25 de maio de 2007.

Álvaro Ansias Bacelar

Director xeral de Promoción de Emprego