Dentro das actividades programadas para o ano 2007, e conforme as funcións atribuídas pola Lei 1/2007, do 15 de xaneiro, de creación da Academia Galega de Seguridade Pública, anúnciase a celebración dun curso de actualización en materia de estranxeiría, que deberá desenvolverse conforme as seguintes bases:
Obxectivos.
-Dar os coñecementos necesarios en materia de estranxeiría, situacións conflitivas con estranxeiros, para que os policías poidan atallar e resolver os posibles problemas que se lles poidan presentar na rúa.
Destinatarios.
O curso vai dirixido aos membros das forzas e corpos de seguridade.
Inscrición.
A inscrición dos participantes será totalmente gratuíta.
Prazas.
30 prazas.
Solicitudes.
1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo.
2. O prazo para a presentación de instancias rematará o día 30 de maio de 2007, ás 14.00 horas.
3. As instancias deberán enviarse á Academia Galega de Seguridade Pública, sita na avenida da Cultura, s/n, 36680 A Estrada (fax: 986 59 00 28); ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso realizarase durante os días 5, 6 e 7 de xuño.
O horario será das 9.30 ás 14.00 e das 15.30 ás 19.30 horas, cunha duración de 25 horas lectivas.
Contido.
I. Observacións xerais sobre migración e estranxeiría.
II. Réxime comunitario e réxime xeral de estranxeiría.
III. Documentación de estranxeiros.
IV. Actuación operativa en materia de estranxeiría.
V. Documentación de españois: DNI e pasaporte.
Relación de admitidos.
A relación de admitidos farase pública o día 1 de xuño a partir das 14.00 horas, no taboleiro de anuncios do Academia Galega de Seguridade Pública, ou ben poden coñecer e confirmar a súa asistencia chamando ao teléfono 986 59 02 41 e na páxina web: http://agasp.xunta.es.
Lugar.
O curso desenvolverase na Academia Galega de Seguridade Pública, sito na avenida da Cultura, s/n, no concello da Estrada.
Certificado de asistencia e crédito de libre configuración.
Ao remate do curso entregaráselle un certificado de asistencia a aquelas persoas que acrediten a súa participación continuada a el. Por outra banda a Universidade de Santiago de Compostela outorga un crédito de libre configuración a todos aquelas persoas que superen este curso.
Modificacións.
A Academia Galega de Seguridade Pública poderá modificar o desenvolvemento do curso para adaptalo ás necesidades da Administración e ás continxencias que poidan xurdir.
A Estrada, 14 de maio de 2007.
Carlos Suárez-Mira Rodríguez
Director xeral da Academia Galega de Seguridade