Visto o expediente instruído para efectos de transmisión do establecemento que se cita a seguir e do permiso de actividade e concesión administrativa que o amparan, resulta:
A) Antecedentes de feito.
Primeiro.-Mediante un escrito presentado no seu día, Gonzalo Cortés Sánchez solicitou autorización para a transmisión do permiso de actividade e da concesión dun parque de cultivo mariño, do que é titular, situado na praia da Ladeira do Chazo, Boiro (A Coruña).
Segundo.-O interesado achegou a documentación requerida para a tramitación.
Terceiro.-No expediente consta a seguinte documentación, referida ao resultado da información oficial.
-Informe técnico favorable da Delegación Territorial da Coruña.
-Informe xurídico favorable do Servizo Técnico Xurídico.
Cuarto.-O 26 de xaneiro de 2006, a Dirección Xeral de Costas (Ministerio de Medio Ambiente) informou favorablemente a transmisión da titularidade da concesión de ocupación de dominio público marítimo-terrestre.
B) Fundamentos xurídicos.
Primeiro.-Este órgano é competente para resolver o expediente de conformidade coa Lei 6/1993, do 11 de maio, de pesca de Galicia, e coa Orde do 27 de decembro de 2005 de delegación de competencias nos delegados territoriais da Consellería de Pesca e Asuntos Marítimos.
Segundo.-O expediente seguiu todos os trámites establecidos no procedemento administrativo común, coas especialidades previstas na Lei 6/1993, do 11 de maio, de pesca de Galicia e Orde do 21 de xullo de 2000, pola que se regula o procedemento para a transmisión do permiso de actividade nos establecementos de cultivos mariños e auxiliares na zona terrestre.
Vistas as disposicions citadas, por proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería
RESOLVE:
Autorizar a transmisión inter vivos, a favor de Clara Cortés Rebollido (52452582-R), do permiso de actividade e concesión do establecemento que se indica a seguir:
Identificación:
Tipo: parque de cultivo mariño.
Nome: Gonzalo Cortés Sánchez.
Actividade: cultivo.
Localización: praia da Ladeira do Chaz-Boiro (A Coruña).
Especies autorizadas: ameixa babosa (Venerupis pullastra), ameixa fina (Ruditapes decussatus), ameixa xaponesa (Ruditapes philipinarum), berberecho (Cerestoderma edule), ostra plana (Ostrea edulis).
Título habilitante:
Orde de outorgamento: 29-4-1988 (BOE/DOG nº 104, do 1-6-1988).
Remate da vixencia: 1-2-2008.
Actual titular: Gonzalo Cortés Sánchez.
Baixo as seguintes condicións:
Primeira.-O actual titular deberá presentar no prazo máximo dun mes, contado desde o día seguinte ao da publicación desta resolución no Diario Oficial de Galicia, orixinal ou fotocopia cotexada da seguinte documentación:
a) Documento notarial da transmisión ou doazón.
b) Solicitude ou carta de pagamento do imposto de transmisións patrimoniais ou documento de sucesións.
Segunda.-Transcorrido o prazo indicado na condición primeira sen ter achegado a documentación requirida, a autorización quedará sen efecto, logo de comunicación por parte da consellería.
Terceira.-O novo titular do permiso da actividade e da concesión queda subrogado nos dereitos e obrigas do anterior, desde o momento de formalización da compravenda en escritura pública.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes perante a conselleira de Pesca e Asuntos Marítimos, ou recurso contencioso-administrativo`perante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, reguladora da xurisdición contencioso-administrativa.
A Coruña, 23 de abril de 2007.
P.D. (Orde 27-12-2005, DOG nº 4, do 5 de xaneiro de 2006)
Rosa Mª Liaño Pedreira
Delegada territorial da Coruña