Visto o expediente instruído para efectos de transmisión do establecemento que se cita a continuación e do permiso de actividade e concesión administrativa que o amparan, resulta:

A) Antecedentes de feito.

Primeiro.-Anunciación del Río Romero, no seu día, solicitou autorización para a transmisión do permiso de actividade e da concesión dun parque de cultivo mariño, do que é titular, situado na praia de Quintáns, Abanqueiro, Boiro (A Coruña).

Segundo.-O interesado achegou a documentación requirida para a tramitación.

Terceiro.-No expediente consta a seguinte documentación, referida ao resultado da información oficial.

-Informe técnico favorable da Delegación Territorial da Coruña.

-Informe favorable da Dirección Xeral de Costas (Ministerio de Medio Ambiente), sobre a transmisión da concesión de ocupación de dominio público marítimo-terrestre, de 22-9-2006.

-Informe xurídico favorable do Servizo Técnico Xurídico.

B) Fundamentos xurídicos.

Primeiro.-Este órgano é competente para resolver o expediente de conformidade coa Lei 6/1993, do 11 de maio, de pesca de Galicia, e coa Orde do 27 de decembro de 2005 de delegación de competencias nos delegados territoriais da Consellería de Pesca e Asuntos Marítimos.

Segundo.-O expediente seguiu todos os trámites establecidos no procedemento administrativo común, coas especialidades previstas na Orde de 21 de xullo, de 2000 (DOG nº 153), pola que se regula o procedemento para a transmisión do permiso de actividade nos establecementos de cultivos mariños e auxiliares na zona terrestre.

Vistas as disposicions citadas, por proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

RESOLVE:

Autorizar a transmisión inter vivos, a favor de Juan Carlos Tubio Mariño (76776809-A) e María Teresa Sueiro del Río (76779531-B), do permiso de actividade e concesión do establecemento que se indica a continuación:

Identificación:

Tipo: parque de cultivo mariño.

Nome: Anunciación del Río Romero.

Actividade: cultivo.

Localización: praia de Quintáns-Abanqueiro-Boiro (A Coruña).

Especies autorizadas: ameixa babosa (Venerupis pullastra), ameixa fina (Ruditapes decussatus), ameixa xaponesa (Ruditapes philipinarum), berberecho (Cerestoderma edule).

Títulos habilitantes:

Orde de outorgamento: 3-3-2006 (BOE/DOG nº 80, do 26-4-2006).

Remate da vixencia: 15-3-2016.

Actual titular: Anunciación del Río Romero (33112741-D).

Baixo as seguintes condicións:

Primeira.-O actual titular deberá presentar no prazo máximo dun mes, contado desde o día seguinte ao da publicación desta resolución no Diario Oficial de Galicia, orixinal ou fotocopia cotexada da seguinte documentación:

a) Documento notarial da transmisión ou doazón.

b) Solicitude ou carta de pagamento do imposto de transmisións patrimoniais ou documento de sucesión.

Segunda.-Transcorrido o prazo indicado na condición primeira sen ter achegada a documentación requirida, a autorización quedará sen efecto, logo de comunicación por parte da consellería.

Terceira.-O novo titular do permiso da actividade e da concesión queda subrogado nos dereitos e obrigas do anterior, desde o momento de formalización da compra-venda en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca e Asuntos Marítimos, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e o artigo 46.1º da Lei 29/1998, do 13 de xullo, reguladora da xurisdición contencioso-administrativa.

A Coruña, 23 de abril de 2007.

P.D. (Orde 27-12-2005, DOG nº 4, do 5 de xaneiro) de 2006)

Rosa Mª Liaño Pedreira

Delegada territorial da Coruña