Con data do 28 de marzo de 2007, a delegada provincial da Consellería de Sanidade da Coruña ditou a resolución do expediente sancionador nº 2007018 incoado na Delegación Provincial da Consellería de Sanidade da Coruña a Panadería La Moreneta-Panadería Los Cuñados 2005.

Intentada a notificación da resolución segundo o disposto no artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica; por medio desta cédula, e ao abeiro do disposto no número 5 do devandito artigo, notifícase a Panadería La Moreneta-Panadería Los Cuñados 2005 o contido da dita resolución que figura como anexo, para que poida ter coñecemento dela.

Así mesmo, fáiselle saber o dereito que lle asiste para interpor recurso de alzada ante a conselleira de Sanidade no prazo dun mes, contado desde o seguinte ao da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consultar o expediente depositado nas dependencias desta delegación, sita na rúa Gregorio Hernández, 2-4, A Coruña, e obter, se é o caso, copia do expediente, segundo o previsto na letra a) do artigo 35 da citada Lei 30/1992, do 26 de novembro.

En caso de conformidade con esta resolución, deberá facer efectiva a multa no seguinte prazo: 1. As notificadas entre os días 1 e 15 de cada mes, desde a data da notificación ata o día 5 do mes seguinte ou o inmediatamente hábil posterior, e 2. As notificadas entre os días 16 e último de cada mes, desde a data da notificación ata o día 20 do mes seguinte ou o inmediato hábil posterior; iso mediante o ingreso que debe efectuar en calquera oficina de Caixa Galicia cta. contable 840, código 001 ou na Caixanova Recadación Xunta: modelo XTAX, e empregando os impresos normalizados que lle serán facilitados nas dependencias desta delegación provincial. O pagamento voluntario porá fin ao expediente; de non facelo así, procederase ao seu cobramento pola vía de constrinximento.

Esta cédula expídese para que conste e lle sirva de notificación á interesada, en cumprimento co disposto no artigo 59.5º da Lei 30/1992, do 26 de novembro.

A Coruña, 25 de abril de 2007.

Mª Ausencia Tomé Martínez de Rituerto

Delegada provincial da Coruña

ANEXO

Nº expediente: 2007018.

Interesada: Panadería La Moreneta-Panadería Los Cuñados 2005.

DNI/NIF/CIF: B-15975535.

Derradeiro enderezo coñecido: Pintor Seijo Rubio, 3, 15300 Betanzos.

Feito imputado: infracción á lexislación vixente en materia sanitaria.

Artigo infrinxido: art. 35 a) 3 da Lei 14/1986, do 25 de abril, xeral de sanidade e 144 a) da Lei 7/2003, do 9 de decembro, de ordenación sanitaria de Galicia. Arts. 2.1º.1 e 2.2º do Real decreto 1945/1983, do 22 de xuño, sobre infraccións e sancións en materia de defensa do consumidor e da produción agroalimentaria. Real decreto 1137/1984, do 28 de marzo, que regula a fabricación, circulación e comercio de pan e pans especiais, arts. 8.3º, 11. Regulamento (CE) nº 852/2004, do 29 de abril, sobre hixiene dos produtos alimenticios, art. 5, anexo II, cap. I.6, cap. II e cap. XI.

Tipificación: leve.

Sanción imposta: 600 € (seiscentos euros).