Con data do 7 de febreiro de 2007, a conselleira de Sanidade ditou resolución recaída no acordo da delegada provincial da Consellería de Sanidade da Coruña con data do 10 de novembro de 2005, pola que se acorda a suspensión inmediata de toda aquela actividade que se realice sen contar con autorización sanitaria a Alberto Bermejo Becerra, en nome e representación de Alimentos Refrigerados, S.A., e con domicilio fiscal para os efectos de notificación na Coruña, polígono de Pocomaco E-39.
Intentada a notificación desta resolución segundo o disposto no artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica; por medio desta cédula e segundo o disposto no número 5 do devandito artigo, notifícaselle a Alberto Bermejo Becerra, en nome e representación de Alimentos Refrigerados, S.A., o contido da resolución do recurso de alzada que figura como anexo para que poida ter coñecemento del.
Así mismo, fáiselle saber o dereito que o asiste para interpor recurso contencioso-administrativo ante o Xulgado ou o a Sala do Contencioso-Administrativo do Tribunal Superior de Xustiza de Galicia no prazo de dous meses, contado desde o día seguinte ao da publicación desta cédula, segundo o disposto no artigo 46 da Lei 29/1998, do 13 de xullo, reguladora da xurisdición contencioso-administrativa, lembrándolle o seu dereito a consultar o expediente, depositado nas dependencias da delegación, sita na rúa Gregorio Hernández, 2-4 da Coruña, ou nos servizos centrais, na secretaría xeral (Servizo Técnico Xurídico), situada no terceiro andar do edificio administrativo San Lázaro, en Santiago de Compostela, e obter, de ser o caso, copia do expediente, segundo o previsto na letra a) do artigo 35 da Lei 30/1992, do 26 de novembro.
En caso de conformidade con esta resolución, deberá facer efectiva a multa no seguinte prazo: 1) as notificadas entre os días 1 e 15 de cada mes, desde a data da notificación ata o día 5 do mes seguinte ou o inmediatamente hábil posterior, e 2) as notificadas entre os días 16 e último de cada mes, desde a data da notificación ata o día 20 do mes seguinte ou o inmediato hábil posterior; mediante o ingreso que debe efectuar en calquera oficina da Caixa Galicia cta. contable 840. Código 001 ou en Caixanova Recadación Xunta: modelo XTAX, e empregando os impresos normalizados que lles serán facilitados nas dependencias desta delegación provincial ou nos servizos centrais da Consellería de Sanidade. O pagamento voluntario porá fin ao expediente. De non facelo así, procederase ao seu cobramento pola vía de constrinximento.
Esta cédula expídese para que conste e lle sirva de notificación ao/á interesado/a, en cumprimento co disposto no artigo 59.5º da Lei 30/1992, do 26 de novembro.
A Coruña, 16 de abril de 2007.
Mª Ausencia Tomé Martínez de Rituerto
Delegada provincial da Coruña
ANEXO
Nº expediente: cesamento de actividade 50/2005.
Interesado: Alimentos Refrigerados, S.A.
DNI/NIF/CIF: A-40001459.
Derradeiro enderezo coñecido: polígono Pocomaco Parcela E-39.
Feito/s imputado/s: carece da correspondente autorización sanitaria.
Artigo infrinxido: 31.2º da Lei 14/1986, do 25 de abril, Lei xeral de sanidade.
Tipificación: cesamento de actividade.
Sanción imposta:1.200 .
Contido da resolución: desestimación do recurso.