O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 1 de agosto do 2006, acordou iniciar os trámites para a clasificación, como veciñal en man común, do seguinte monte:
Concello: Forcarei.
Parroquia: Millarada.
Nome do monte: Grobas.
Cabida: 200,2 ha (superficie alegada na solicitude).
Lindes:
Norte: MVMC da Noveliza, da parroquia de Aciveiro.
Sur: MVMC de Vilariño, da parroquia de Millarada.
Leste: concello de Lalín.
Oeste: MVMC de Fixó-A Portela e montes particulares de Rolas, da parroquia de Millarada.
Encravados:
Existe un encravado, situado no SO, cunha superficie de 7,8 ha, formado pola agrupación de 25 persoas físicas, baixo a denominación de comunidade de propietarios do monte Grobas, cuxa representante é Victoria Madriñán Santorum.
O que se pon en coñecemento de todos os interesados, para os efectos de abrir un período dun mes de duración para que se poida examinar o expediente e aducir durante este tempo o que se coide procedente en relación cos montes de referencia, así como presentar cantas alegacións, documentos ou informacións estimen convenientes e, se é o caso, propoñer proba concretando os medios de que pretendan valerse, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23 do Decreto 260/1992, do 4 de setembro, polo que se aproba o regulamento para a execución da dita lei.
Pontevedra, 13 de abril de 2007.
P.A.
Víctor Abelleira Argibay
Instrutor