A Xerencia Xeral do Complexo Hospitalario de Pontevedra, en virtude das competencias que lle foron atribuídas polo Decreto 46/2006, do 23 de febreiro, polo que se establece a estrutura orgánica do Servizo Galego de Saúde, e a Orde do 8 de maio de 2006 (Diario Oficial de Galicia nº 99, do 25 de maio), sobre delegación de competencias en órganos centrais e periféricos do Servizo Galego de Saúde, resolve proceder ao anuncio da convocatoria para a provisión, polo sistema de avaliación colexiada, do posto de coordinador de urxencias.

A citada convocatoria estará exposta nos taboleiros de anuncios do centro hospitalario.

As solicitudes poderán presentarse no rexistro xeral do complexo hospitalario no prazo de trinta días naturais contados desde o día seguinte ao da publicación do anuncio no DOG.

Pontevedra, 4 de maio de 2007.

María Codesido López

Xerente xeral do Complexo Hospitalario de Pontevedra