Dentro das actividades programadas para o ano 2007 e conforme as funcións atribuídas pola Lei 1/2007, do 15 de xaneiro, de creación da Academia Galega de Seguridade Pública, anúnciase a realización dun curso de especialización en transportes, que deberá desenvolverse conforme as seguintes bases:
Obxectivos.
-Actualizar os membros das forzas e corpos de seguridade nos coñecementos e normativa necesarios que lles poidan ser útiles no desempeño posterior do seu labor profesional.
Destinatarios.
O curso vai dirixido aos membros dos corpos de policía local da Comunidade Autónoma de Galicia.
Inscrición.
A inscrición dos participantes será totalmente gratuíta.
Prazas.
40 prazas.
Solicitudes.
1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 27 de abril de 2007, ás 14.00 horas.
3. As instancias deberán enviarse á Academia Galega de Seguridade Pública, sita na avenida da Cultura, s/n, 36680 A Estrada (fax: 986 59 00 28); ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso realizarase do 7 de maio ao 25 de xuño (7, 14, 21 e 28 de maio e 4, 11, 18 e 25 de xuño)
das 10.00 ás 14.00 e das 16.00 ás 19.00 horas, excepto o día 25 de xuño que será das 9.00 ás 14.00 horas, cunha duración de 54 horas lectivas.
Contido.
-I. Ámbito e normativa de aplicación. Clasificación. Títulos habilitantes. Distintivos.
-II. Transporte de mercadorías perigosas.
-III. Aparello de control tacógrafo. Tempos de condución e descanso.
-IV. Prestación de servizos: transporte escolar, mercadorías perecedoiras, taxis, etc.
-V. Práctica de inspección e procedemento sancionador. Documentos de control.
Relación de admitidos.
A relación de admitidos farase pública o día 2 de maio a partir das 14.00 horas, no taboleiro de anuncios da Academia Galega de Seguridade Pública, ou ben poden coñecer e confirmar a súa asistencia chamando ao teléfono 986 59 02 41 e na páxina web http:/agasp.xunta.es.
Lugar.
O curso desenvolverase na Academia Galega de Seguridade Pública, sita na avenida da Cultura, s/n, no concello da Estrada.
Certificado de aproveitamento.
Ao remate do curso entregaráselle un certificado de aproveitamento a aquelas persoas que acrediten a súa participación continuada a el, e superen as correspondentes probas de coñecementos.
Modificacións.
A Academia Galega de Seguridade Pública poderá modificar o desenvolvemento do curso para adaptalo ás necesidades da Administración e ás continxencias que poidan xurdir.
A Estrada, 4 de abril de 2007.
Carlos Suárez-Mira Rodríguez
Director xeral da Academia Galega
de Seguridade Pública