Os comités éticos de investigación clínica son os encargados de emitir informe sobre todos os ensaios clínicos que se realicen dentro do seu ámbito territorial. Os ensaios clínicos e os comités éticos de investigación clínica regúlanse na comunidade autónoma polo Decreto 32/1996, do 25 de xaneiro, e polo Real decreto 223/2006, do 6 de febreiro.

A Orde do 11 de xullo de 1996 pola que se crea o Comité Ético de Investigación Clínica de Galicia, no seu artigo 3, dispón que a composición do comité se axustará ao establecido no Decreto 32/1996 e os seus membros serán nomeados por orde da Consellería de Sanidade.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, a Orde do 11 de xullo de 1996 e a disposición adicional primeira do Decreto 32/1996, do 25 de xaneiro, polo que regula a realización de ensaios clínicos na Comunidade Autónoma de Galicia, a proposta da División de Farmacia e Produtos Sanitarios do Servizo Galego de Saúde,

DISPOÑO:

Artigo único.-Noméase membro do Comité Ético de Investigación Clínica de Galicia, creado pola

Orde do 11 de xullo de 1996, a persoa que se relaciona no anexo.

Santiago de Compostela, 20 de marzo de 2007.

María José Rubio Vidal

Conselleira de Sanidade

ANEXO

Novo membro do CEIC de Galicia:

Martín Lázaro Quintela, facultativo especialista del Área do Servizo de Oncoloxía Médica do Complexo Hospitalario Universitario de Vigo.