O Decreto 578/2005, do 29 de decembro, establece a estrutura orgánica da Consellería de Presidencia, Administracións Públicas e Xustiza. O desenvolvemento práctico das competencias atribuídas aos distintos centros directivos fai conveniente a introdución de varias modificacións na devandita estrutura, modificacións que, ao afectar numerosos artigos da norma, aconsellan a derrogación do anterior decreto de estrutura e a aprobación do presente, consonte as vixentes técnicas de elaboración normativa.

De conformidade co exposto, por proposta do conselleiro de Presidencia, Administracións Públicas e Xustiza, no exercicio da facultade outorgada polo artigo 34.4º da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, co informe previo da Consellería de Economía e Facenda, logo de deliberación do Consello da Xunta de Galicia, na súa reunión do día quince de marzo de dous mil sete,

DISPOÑO:

TÍTULO I

Organización xeral

Artigo 1º.-Ámbito competencial.

Correspóndelle á Consellería de Presidencia, Administracións Públicas e Xustiza, sen prexuízo das demais competencias que legal e regulamentariamente ten atribuídas, as relativas ás seguintes materias:

-Apoio e asistencia á Presidencia da Xunta de Galicia, as funcións sobre a función pública, calidade e avaliación dos servizos e as relacións entre a Xunta de Galicia e o Parlamento de Galicia.

-Asistencia á Administración de xustiza e á Administración local, con funcións sobre réxime interior, colexios profesionais, policía autonómica, coordinación das policías locais, casinos, xogos e apostas, seguridade, asociacións, espectáculos públicos e protección civil de acordo co establecido no Estatuto de autonomía de Galicia nos termos sinalados na Constitución española.

Artigo 2º.-Estrutura da consellería.

1. A Consellería de Presidencia, Administracións Públicas e Xustiza, baixo a superior dirección do seu titular, terá a seguinte estrutura orgánica:

I. O conselleiro.

II. A Secretaría Xeral.

III. A Dirección Xeral da Función Pública.

IV. A Dirección Xeral de Calidade e Avaliación de Políticas Públicas.

V. A Dirección Xeral de Relacións Parlamentarias.

VI. A Dirección Xeral de Xustiza.

VII. A Dirección Xeral de Interior.

VIII. A Dirección Xeral de Protección Civil.

IX. A Dirección Xeral de Administración Local.

2. De conformidade co disposto no artigo único do Decreto 231/2005, do 11 de agosto, polo que se establecen os centros directivos dependentes da Presidencia da Xunta de Galicia, dependerán funcionalmente da Presidencia da Xunta de Galicia e organicamente da Consellería de Presidencia, Administracións Públicas e Xustiza, os seguintes órganos superiores:

1. Secretaría Xeral da Presidencia:

1.1. Asesoría Xurídica Xeral, con nivel orgánico de dirección xeral.

1.2. Dirección Xeral do Gabinete de Presidencia.

2. Secretaría Xeral de Análise e Proxección.

3. Secretaría Xeral de Comunicación, á cal estará adscrita a Compañía de Radiotelevisión de Galicia.

3.1. Dirección Xeral de Comunicación Audiovisual.

4. Secretaría Xeral de Relacións Exteriores.

4.1. Dirección Xeral de Cooperación Exterior.

5. Secretaría Xeral de Emigración.

6. Secretaría Xeral de Política Lingüística.

3. Órganos periféricos: delegacións provinciais.

4. Adscríbense á Consellería de Presidencia, Administracións Públicas e Xustiza os seguintes órganos colexiados:

4.1. A Comisión de Persoal da Xunta de Galicia, creada pola Lei 4/1988, do 26 de maio, da función pública galega, e regulada polo Decreto 156/1988, do 9 de xuño.

4.2. A Xunta Coordinadora de Edificios Administrativos.

4.3. A Comisión Central de Racionalización Administrativa, creada polo Decreto 186/1990, do 1 de marzo.

4.4. A Comisión de Informática da Xunta de Galicia, regulada polo Decreto 290/1992, do 8 de outubro.

4.5. A Comisión de Toponimia, regulada polo Decreto 174/1998, do 5 de xuño.

4.6. A Comisión Central de Revisión da Normativa Legal, así como a Comisión de Revisión da Normativa Legal da consellería, creadas polo Decreto 186/1990, do 1 de marzo.

4.7. A Comisión Central da Coordinación de Parques Móbiles, creada polo Decreto 327/1994, do 3 de novembro.

4.8. A Comisión das Webs da Xunta de Galicia, regulada polo Decreto 164/2005, do 16 de xuño.

4.9. A Comisión Superior para o Estudo do Desenvolvemento do Dereito Civil Galego, regulada no Decreto 107/1999, do 8 de abril.

4.10. A Comisión do Xogo de Galicia, creada pola Lei 14/1985, do 23 de outubro, e regulada polo Decreto 192/1988, do 21 de xullo.

4.11. A Comisión de Heráldica, regulada polo Decreto 369/1998, do 10 de decembro.

4.12. A Comisión de Coordinación das Policías Locais de Galicia, creada pola Lei 3/1992, do 23 de marzo, regulada nesta mesma lei e no Decreto 204/2000, do 21 de xullo.

4.13. O Consello Asesor de Asistencia Xurídica Gratuíta de Galicia, creado polo Decreto 146/1997, do 22 de maio.

4.14. O Consello Reitor da Academia Galega de Seguridade Pública, regulada na Lei 1/2007, do 15 de xaneiro.

4.15. O Consello Reitor da Escola Galega de Administración Pública, regulada na Lei 4/1987, do 27 de maio.

4.16. A Comisión Galega de Protección Civil, regulada no Decreto 56/2000, do 3 de marzo.

4.17. A Comisión Galega de Delimitación Territorial, regulada no Decreto 370/1998, do 10 de decembro.

4.18. A Comisión Galega de Cooperación Local, regulada na Lei 5/1997, do 22 de xullo, de Administración local de Galicia, e no Decreto 280/1998, do 24 de setembro.

A natureza destes órganos colexiados e os seus cometidos, composición e funcións son os establecidos nas respectivas normas reguladoras.

5. Quedan adscritos a esta consellería os seguintes organismos autónomos:

5.1. Escola Galega de Administración Pública, que se axustará nos seus fins, estrutura e funcionamento, ao disposto na Lei 4/1987, do 27 de maio.

5.2. Academia Galega de Seguridade Pública, que se adecuará nos seus fins, estrutura e funcionamento, ao disposto na Lei 1/2007, do 15 de xaneiro.

6. Queda adscrito organicamente a esta consellería o Instituto de Medicina Legal de Galicia, órgano técnico ao servizo da Administración de xustiza, creado polo Decreto 119/2005, do 6 de maio.

TÍTULO II

Servizos centrais

Capítulo I

Artigo 3º.-O conselleiro.

1. O conselleiro é a autoridade superior da consellería e con tal carácter está investido das atribucións enumeradas no artigo 34 da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, e pola Lei 7/2002, do 27 de decembro, de medidas fiscais e de réxime administrativo.

2. O conselleiro de Presidencia, Administracións Públicas e Xustiza actuará como secretario do Consello da Xunta de Galicia e das comisións delegadas do Goberno galego.

Capítulo II

Da Secretaría Xeral

Sección primera

Da Secretaría Xeral

Artigo 4º.-Atribucións.

A Secretaría Xeral exercerá as competencias e funcións establecidas no Decreto 119/1982, do 5 de outubro, polo que se regulan as funcións das secretarías xerais técnicas nas consellerías da Xunta de Galicia, e calquera outra que lle atribúa a normativa en vigor. Correspóndenlle, en particular:

a) O secretariado do Goberno da Xunta de Galicia e das súas comisións delegadas, con excepción da asistencia ás súas sesións, exercendo as competencias sinaladas no Decreto 111/1984, do 25 de maio, polo que se aproba o Regulamento de réxime interior da Xunta de Galicia.

b) A vicepresidencia da Comisión de Secretarios Xerais, correspondéndolle levantar acta das reunións para elevala ao Consello da Xunta de Galicia.

Así mesmo, exercerá aquelas competencias que lle sexan encomendadas ou delegadas polo titular do departamento.

Artigo 5º.-Estrutura.

1. Para o exercicio das súas competencias, a Secretaría Xeral contará coas seguintes unidades administrativas:

1.1. Vicesecretaría Xeral.

1.2. Subdirección Xeral de Servizos Comúns.

1.3. Subdirección Xeral de Xestión Económica e Persoal.

1.4. Subdirección Xeral de Contratación.

2. Adscríbense organicamente á Secretaría Xeral, con nivel de subdirección xeral, a Asesoría Xurídica da consellería, que se rexerá polo disposto no Decreto 343/2003, do 11 de xullo, polo que se aproba o Regulamento orgánico da Asesoría Xurídica da Xunta de Galicia, e mais a Intervención Delegada. Estas unidades administrativas dependerán funcionalmente da Asesoría Xurídica Xeral da Xunta de Galicia e da Intervención Xeral da Comunidade Autónoma, respectivamente, e contarán co número de efectivos que se determine nas correspondentes relacións de postos de traballo.

Sección segunda

Da Vicesecretaría Xeral

Artigo 6º.-Funcións.

A Vicesecretaría Xeral, con nivel orgánico de subdirección xeral, ten encomendada a realización das seguintes funcións:

a) A prestación de asistencia técnica e administrativa ao secretario xeral en todos os asuntos que

este lle encomende, propoñéndolle as actuacións que coide necesarias para a coordinación, o réxime interno e o funcionamento dos servizos da consellería.

b) A dirección das actividades do Servizo do Secretariado do Goberno, do Servizo Técnico-Xurídico, do Servizo de Apoio á Administración Institucional e Corporativa, do Diario Oficial de Galicia, do Servizo de Tradución e do Servizo de Rexistro Xeral.

c) A coordinación dos obxectivos e accións que lle encomende a Secretaría Xeral.

d) A preparación dos expedientes relativos ás funcións ordinarias de despacho e a sinatura dos asuntos de mero trámite.

e) A emisión dos informes que lle encomende o secretario xeral sobre disposicións de carácter xeral que deban someterse ao estudo da Comisión de Secretarios Xerais.

f) A substitución do secretario xeral da consellería, en todos os asuntos en que teña atribuídas competencias, nos casos de ausencia, enfermidade ou vacante deste.

g) As demais funcións que, incluídas no ámbito respectivo, lle sexan asignadas.

Artigo 7º.-Estrutura.

1. Servizo do Secretariado do Goberno.

Correspóndelle a realización das seguintes funcións:

a) A preparación das ordes do día das sesións e/ou reunións do Consello da Xunta de Galicia e da Comisión de Secretarios Xerais, de acordo coas indicacións recibidas do secretario xeral da consellería.

b) A confección e a realización das convocatorias das sesións e reunións do Consello da Xunta de Galicia, das súas comisións delegadas e da Comisión de Secretarios Xerais, seguindo as instrucións do secretario xeral da consellería.

c) A revisión e preparación de toda a documentación relativa a asuntos que se sometan ao estudo da Comisión de Secretarios Xerais, do Consello da Xunta de Galicia e das súas comisións delegadas.

d) A redacción das actas, acordos e certificacións destes, correspondentes ás reunións do Consello da Xunta de Galicia, das súas comisións delegadas e da Comisión de Secretarios Xerais, de conformidade coas instrucións recibidas do secretario xeral da consellería.

e) O rexistro e a custodia das actas, acordos e certificacións do Consello da Xunta de Galicia, das súas comisións delegadas e da Comisión de Secretarios Xerais.

f) A garda e arquivo de toda a documentación sometida a estudo do Consello da Xunta de Galicia, das súas comisións delegadas e da Comisión de Secretarios Xerais.

g) A remisión ás consellerías competentes por razón da materia das certificacións de acordos do

Consello da Xunta de Galicia ou das súas comisións delegadas.

h) A remisión ao Diario Oficial de Galicia, para a súa publicación, dos decretos aprobados polo Consello da Xunta de Galicia e da normativa aprobada, se é o caso, polas comisións delegadas do Goberno galego.

i) O traslado á Dirección Xeral de Relacións Parlamentarias das certificacións dos acordos de aprobación de proxectos de lei e dos seus textos para a súa remisión ao Parlamento de Galicia.

j) A remisión ao Boletín Oficial del Estado das leis aprobadas polo Parlamento de Galicia para a súa publicación.

k) A comprobación e proposta de corrección de erros, se é o caso, dos textos dos decretos publicados no Diario Oficial de Galicia e das leis publicadas no Boletín Oficial del Estado.

n) As demais funcións que, incluídas no ámbito respectivo, lle sexan asignadas.

2. Servizo Técnico-Xurídico.

Correspóndelle a realización das seguintes funcións:

a) A elaboración dos estudos e informes que lle sexan encomendados pola Secretaría Xeral.

b) O estudo, preparación e informe dos asuntos que teñan que levarse á Comisión de Secretarios e ao Consello da Xunta de Galicia, e o traslado dos seus acordos.

c) O estudo, tramitación e, se é ocaso, a elaboración dos anteproxectos e proxectos de disposicións de carácter xeral, cando así se lle encomende, así como elaborar as propostas de informe de legalidade, acerto e oportunidade das disposicións de carácter xeral sobre as cales deba emitir informe o secretario xeral.

d) O estudo, tramitación e elaboración das propostas de resolución das reclamacións e recursos formulados contra os actos e resolucións emanados dos distintos órganos da consellería cando aquelas non estean atribuídas a outros órganos desta, así como a coordinación dos órganos que interveñan na súa tramitación.

e) A tramitación dos requirimentos e peticións formulados á consellería polos xulgados e tribunais, o Defensor do Pobo, o Valedor do Pobo e outros órganos e institucións.

f) A coordinación, para a súa remisión e correspondente publicación no Diario Oficial de Galicia, das disposicións e actos administrativos ditados polos órganos da consellería.

g) O rexistro, arquivo e custodia das disposicións legais emanadas da consellería ou dos seus centros directivos.

h) A proposta de compilacións e refundicións das normas emanadas da consellería, así como a realización dos estudos previos para efectuar as recompilacións legais ou xurisprudenciais.

i) As demais funcións que, incluídas no ámbito respectivo, lle sexan asignadas.

3. Servizo de Apoio á Administración Institucional e Corporativa.

Correspóndelle a realización das seguintes funcións:

a) A tramitación dos expedientes de inscrición de asociacións e a xestión do Rexistro Central de Asociacións e a súa coordinación cos rexistros provinciais.

b) A execución das funcións que en materia de academias lle correspondan á Comunidade Autónoma de Galicia.

c) A xestión e custodia do Rexistro Único de Fundación de Interese Galego, o exercicio do protectorado en relación con aquelas fundacións que se atopen baixo tutela desta consellería e as demais funcións que nesta materia lle correspondan á consellería.

d) A elaboración das propostas de declaración de interese galego respecto das fundacións sobre as cales a Consellería de Presidencia, Administracións Públicas e Xustiza exerza o protectorado, así como todas as funcións que derivan do devandito exercicio.

e) A elaboración dos proxectos de ordes e acordos relativos á clasificación das fundacións

f) A execución das funcións que en materia de colexios profesionais lle correspondan á Comunidade Autónoma de Galicia.

g) A realización dos informes e estudos encamiñados á elaboración dos anteproxectos das disposicións xerais en materia de asociacións, fundacións, colexios profesionais e academias.

h) As demais funcións que, incluídas no ámbito respectivo, lle sexan asignadas.

4. Diario Oficial de Galicia.

Correspóndelle a realización das seguintes funcións:

a) A xestión da edición, publicación, venda e distribución do periódico oficial de Galicia.

b) O desenvolvemento das directrices da Comisión de Publicacións en relación coas publicacións que leve a cabo a Consellería de Presidencia, Administracións Públicas e Xustiza, realizando, se é o caso, a súa edición.

c) As demais funcións que, incluídas no ámbito respectivo, lle sexan asignadas.

5. Servizo de Tradución.

Terá ao seu cargo a realización das seguintes funcións:

a) Os traballos de tradución, do castelán para o galego e do galego para o castelán, e de revisión lingüística das disposicións e textos que se publiquen no Diario Oficial de Galicia.

b) Os traballos de tradución das disposicións que se publiquen na versión en lingua galega do Boletín Oficial del Estado, en virtude de convenio subscrito entre a Administración xeral do Estado e a Xunta de Galicia.

c) Os traballos de tradución e revisión lingüística doutras publicacións e documentos que lle encarguen as distintas consellerías, coordinando a normativización de toda a documentación interna e externa dos distintos departamentos e centralizando a aplicación de criterios correctores nas publicacións das diferentes consellerías.

d) A realización dos traballos de investigación lingüística dirixidos a incorporar á lingua galega novos rexistros para a creación e fixación dun estilo administrativo e dunha terminoloxía específica que comprenda os campos máis diversos, en coordinación coa Secretaría Xeral de Política Lingüística.

e) O asesoramento en materia de toponimia, coordinando o funcionamento da Comisión de Toponimia e exercendo a secretaría desta.

f) As demais funcións que, incluídas no ámbito respectivo, lle sexan asignadas.

6. O Servizo do Rexistro Xeral.

Este servizo exercerá, entre outras, as seguintes funcións:

a) A dirección, seguimento e control do rexistro xeral da Xunta de Galicia, así como a súa coordinación cos demais rexistros oficiais da Administración autonómica.

b) A recepción de solicitudes, escritos e comunicacións presentados polos particulares e a expedición dos correspondentes recibos de presentación.

c) A anotación dos asentos de entrada e saída das solicitudes, escritos e comunicacións.

d) A remisión de solicitudes, escritos e comunicacións aos órganos e unidades administrativas.

e) A emisión de certificacións das solicitudes, escritos e comunicacións que se presentasen.

f) Calquera outra que se lle atribúa legal ou regulamentariamente.

g) As demais funcións que, incluídas no ámbito respectivo, lle sexan asignadas.

Sección terceira

Da Subdirección Xeral de Servizos Comúns

Artigo 8º.-Funcións e estrutura.

1. A Subdirección Xeral de Servizos Comúns exercerá as seguintes funcións:

a) A dirección do Parque Móbil da Xunta de Galicia.

b) As funcións derivadas da aplicación da Lei 31/1995, do 8 de novembro, de prevención de riscos laborais.

c) A coordinación da asistencia médica facultativa ao persoal dos servizos centrais da Xunta de Galicia.

d) A xestión interna e a coordinación da prestación dos servizos de transporte de funcionarios e da cafetaría.

e) As demais funcións que, incluídas no ámbito respectivo, lle sexan asignadas.

2. Para o cumprimento das súas funcións, a Subdirección Xeral de Servizos Comúns contará coas seguintes unidades administrativas:

2.1. Parque Móbil.

O Parque Móbil da Xunta de Galicia configúrase como unha unidade administrativa na cal se integran todos os servizos de automobilismo dependentes da Consellería de Presidencia, Administracións Públicas e Xustiza, tanto no referente ao aspecto material como no relativo ao persoal adscrito aos devanditos servizos.

Exercerá as seguintes funcións:

a) A dirección, xestión e coordinación do Parque Móbil da Xunta de Galicia, tanto de servizos centrais como dos parques provinciais.

b) A proposición das medidas que a Consellería de Presidencia, Administracións Públicas e Xustiza e, se é o caso, o Consello da Xunta de Galicia, adopten para a coordinación dos servizos de automobilismo da Xunta de Galicia.

c) As demais funcións que, incluídas no ámbito respectivo, lle sexan asignadas.

2.2. Servizo de Prevención de Riscos Laborais.

2.2.1.Este servizo realizará as seguintes funcións:

a) As funcións que establece a Lei 31/1995, do 8 de novembro, de prevención de riscos laborais, e a súa normativa de desenvolvemento, en relación co persoal da Administración da Xunta de Galicia e o da Administración de xustiza no ámbito da Comunidade Autónoma de Galicia, e de xeito específico o asesoramento e apoio á Xunta de Galicia no referente a :

-O deseño, implantación e aplicación dun plan de prevención de riscos laborais que permita a integración da prevención na empresa.

-A avaliación dos factores de risco que poidan afectar a seguridade e a saúde do persoal ao servizo da Administración da Xunta de Galicia.

-A planificación da actividade preventiva e a determinación das prioridades na adopción das medidas preventivas axeitadas e a vixilancia da súa eficacia.

-A información e formación do persoal en materia de prevención dos riscos laborais.

-A prestación dos primeiros auxilios e plans de emerxencia e evacuación.

-A vixilancia da saúde en relación cos riscos derivados do traballo.

-A actividade asistencial, ao través do servizo médico, tanto de continxencias comúns como laborais que se produzan no lugar de traballo.

b) A coordinación e establecemento de directrices respecto dos servizos que a Xunta de Galicia concerte para a xestión da prevención e asistencia en materia de accidentes de traballo e enfermidades profesionais.

c) As demais funcións que, incluídas no ámbito respectivo, lle sexan asignadas.

2.2.2. Conforme o previsto na disposición adicional terceira da Lei 31/1995, de prevención de riscos laborais, e na disposición adicional cuarta do Real decreto 39/1997, do 17 de xaneiro, dos servizos de prevención, para o desenvolvemento das funcións sinaladas, o servizo contará cos seguintes recursos:

-O apoio dos servizos médicos da Administración da Xunta de Galicia.

-Os servizos que a Xunta de Galicia concerte para a xestión da prevención e asistencia en materia de accidentes de traballo e enfermidades profesionais.

-O apoio dos servizos técnicos e de mantemento e doutras unidades que poidan prestarlle asesoramento e colaboración.

Sección cuarta

Da Subdirección Xeral de Xestión Económica e Persoal

Artigo 9º.-Funcións e estrutura.

1. A Subdirección Xeral de Xestión Económica e Persoal exercerá as seguintes funcións:

a) A elaboración do borrador do anteproxecto do orzamento da consellería e o seu seguimento e control.

b) O asesoramento en materia orzamentaria aos órganos directivos da Consellería de Presidencia, Administracións Públicas e Xustiza.

c) A elaboración das instrucións necesarias para que os centros directivos mencionados efectúen unha correcta execución do orzamento.

d) A xestión do persoal adscrito á consellería, sen prexuízo das competencias da Dirección Xeral de Xustiza con respecto ao persoal da Administración de xustiza.

e) As demais funcións que, incluídas no ámbito respectivo, lle sexan asignadas.

2. Para o cumprimento das súas funcións, a Subdirección Xeral de Xestión Económica e Persoal contará coas seguintes unidades administrativas:

2.1. Servizo de Xestión Económica.

Este servizo exercerá, entre outras, as seguintes funcións:

a) A execución da xestión orzamentaria efectuando os trámites económico-administrativos dos expedientes de gastos e as propostas de pagamento.

b) A habilitación dos gastos de persoal da consellería.

c) A xestión da subministración, a todos os centros directivos da consellería, de material de oficina, imprenta e consumibles informáticos.

d) As demais funcións que, incluídas no ámbito respectivo, lle sexan asignadas.

2.2. Servizo de Control e Seguimento Orzamentario.

a) A coordinación do anteproxecto de orzamentos da consellería.

b) O seguimento da execución orzamentaria.

c) O seguimento dos programas de gastos correspondentes aos servizos xerais da Administración de xustiza.

d) A tramitación das propostas de modificación orzamentaria da consellería.

e) A tramitación económica dos convenios de colaboración con outros entes públicos iniciados pola Secretaría Xeral.

f) A habilitación dos gastos correntes da consellería.

g) As demais funcións que, incluídas no ámbito respectivo, lle sexan asignadas.

2.3. Servizo de Persoal.

Son funcións deste servizo, respecto de todo o persoal adscrito á Consellería de Presidencia, Administracións Públicas e Xustiza, ben sexa de carácter laboral ou funcionario, agás o persoal ao servizo da Administración de xustiza:

a) A xestión, control e coordinación do persoal dos servizos centrais, así como a coordinación das delegacións en materia de persoal.

b) A tramitación dos expedientes administrativos relativos ao persoal funcionario, laboral e eventual.

c) A programación das necesidades de persoal.

d) O control da asistencia e puntualidade.

e) A tramitación das licenzas, permisos e situacións administrativas do persoal.

f) A selección e tramitación das propostas para a cobertura de prazas de funcionarios interinos e substitucións de persoal laboral dos servizos centrais da Xunta de Galicia, e o control das interinidades e substitucións de persoal funcionario e laboral dos servizos periféricos da Xunta de Galicia.

g) As demais funcións que, incluídas no ámbito respectivo, lle sexan asignadas.

Sección quinta

Da Subdirección Xeral de Contratación

Artigo 10º.-Funcións e estrutura.

1. A Subdirección Xeral de Contratación exercerá, entre outras, as seguintes funcións:

a) A xestión dos expedientes de contratación administrativa, segundo as competencias que na materia teña atribuídas o secretario xeral.

b) O control, coordinación e execución dos proxectos de obras da consellería.

c) A conservación e mantemento das dependencias dos servizos da consellería.

d) As demais funcións que, incluídas no ámbito respectivo, lle sexan asignadas.

2. Para o cumprimento das súas funcións, a Subdirección Xeral de Contratación contará coas seguintes unidades administrativas:

2.1. Servizo de Contratación:

Este servizo exercerá, entre outras, as seguintes funcións:

a) A xestión dos expedientes de contratación administrativa que sexan competencia da consellería, cando se trate de obras, xestión de servizos públicos, subministracións, consultorías e asistencias, ou calquera outra figura contractual, agás aqueles cuxa xestión estea atribuída a outros servizos da consellería.

b) A tramitación e xestión dos convenios de colaboración e cooperación con outros entes públicos.

c) O seguimento e control da execución dos contratos.

d) As demais funcións que, incluídas no ámbito respectivo, lle sexan asignadas.

2.2. Servizo de Obras e Proxectos.

Este servizo exercerá, entre outras, as seguintes funcións:

a) A supervisión, coordinación técnica e inspección dos proxectos de obras da consellería e da execución material destes.

b) A realización dos traballos facultativos propios das obras de construción, reforma e reparación dos edificios adscritos á consellería.

c) A formulación dos informes técnicos que lle sexan requiridos pola Secretaría Xeral.

d) As demais funcións que, incluídas no ámbito respectivo, lle sexan asignadas.

2.3. Servizo de Oficina Técnica.

Este servizo exercerá, entre outras, as seguintes funcións:

a) A conservación dos equipamentos e dependencias dos servizos centrais e periféricos, e de calquera outro edificio que teña adscrito a consellería; así como a realización de informes sobre o seu estado de conservación, os sistemas de seguridade e o axeitamento á normativa vixente dos edificios.

b) A inspección técnica do funcionamento das infraestruturas existentes.

c) A prestación da asistencia técnica ás unidades da consellería encargadas da xestión económico-ad

ministrativa e contratación, en todos os expedientes nos cales sexa solicitada.

d) A coordinación técnica coas unidades de mantemento ou oficinas técnicas dos servizos periféricos da Consellería de Presidencia, Administracións Públicas e Xustiza.

e) As demais funcións que, incluídas no ámbito respectivo, lle sexan asignadas.

2.4. Servizo de Xestión de Servizos.

Este servizo exercerá, entre outras, as seguintes funcións:

a) A contratación, xestión e coordinación administrativa dos servizos necesarios para optimizar o funcionamento dos edificios adscritos á consellería.

b) Control e distribución dos custos que xerasen os citados edificios entre os distintos centros directivos usuarios deles.

c) A xestión e control dos pagamentos derivados dos citados servizos.

d) As demais funcións que, incluídas no ámbito respectivo, lle sexan asignadas.

Capítulo III

Das direccións xerais

Sección primeira

Da Dirección Xeral da Función Pública

Artigo 11º.-Competencias.

1. A Dirección Xeral da Función Pública é o órgano ao cal lle corresponde a execución da política de persoal da Administración da Xunta de Galicia nos termos previstos na Lei da función pública e demais normativa que a desenvolva, a xestión das competencias atribuídas á Consellería de Presidencia, Administracións Públicas e Xustiza nesta materia e a resolución daquelas que lle delegue o conselleiro. Para tal fin, coordinará a actuación dos órganos competentes en materia de persoal das distintas consellerías e organismos autónomos dependentes delas, ditando as instrucións oportunas.

2. A Dirección Xeral da Función Pública exercerá as seguintes competencias:

a) A realización dos estudos e traballos que en materia de persoal lle sexan encomendados ou coide conveniente efectuar.

b) A elaboración dos anteproxectos de disposicións en materia de función pública.

c) A proposta da convocatoria e resolución dos concursos de traslados para a provisión de postos de traballo dos distintos corpos, escalas e categorías ao conselleiro así como a fixación dos criterios a que se deberán someter todas as convocatorias públicas de libre designación.

d) A elaboración das ofertas de emprego público.

e) A proposta ao conselleiro da convocatoria das probas selectivas para o ingreso nos corpos, escalas

e categorías da Administración da Xunta de Galicia adscritos á Consellería de Presidencia, Administracións Públicas e Xustiza.

f) A tramitación dos expedientes de incompatibilidades do persoal ao servizo da Xunta de Galicia.

g) A tramitación dos expedientes de incompatibilidades dos membros da Xunta de Galicia e altos cargos da Administración autonómica sometidos á Lei 9/1996, do 18 de outubro, pola que se establece o réxime de incompatibilidades dos membros da Xunta e da Administración, así como a custodia e a xestión dos rexistros de incompatibilidades de altos cargos.

h) A coordinación das relacións laborais e sindicais con respecto ao persoal ao servizo da Administración da comunidade autónoma.

i) As convocatorias de listas para cobertura temporal de postos de persoal funcionario e laboral adscritos á Consellería de Presidencia, Administracións Públicas e Xustiza.

j) A proposta, se é o caso, ao órgano competente da incoación de expedientes disciplinarios cando se detecten indicios racionais de responsabilidade administrativa na actuación do persoal, e elevar ao Consello da Xunta as propostas de imposición da sanción de separación do servizo ou despedimento do persoal xestionado pola Dirección Xeral da Función Pública.

k) A emisión dos informes preceptivos e previos que sobre os proxectos de disposicións que afecten a materia de réxime de persoal ou estrutura orgánica estableza a normativa vixente.

l) A elaboración dos estudos e propostas sobre o dimensionamento dos cadros de persoal e as relacións de postos de traballo, así como elevación ao Consello da Xunta das propostas ou modificacións das relacións de postos de traballo para a súa aprobación.

m) A xestión e confección do Rexistro de Persoal da Xunta de Galicia.

n) As demais funcións que, incluídas no ámbito respectivo, lle sexan asignadas.

Artigo 12º.-Estrutura.

Para o exercicio das súas funcións e competencias a Dirección Xeral da Función Pública contará coas seguintes unidades:

1. Subdirección Xeral de Réxime Xurídico e Relacións Laborais.

2. Subdirección Xeral de Xestión, Programación e Ordenación de Persoal.

3. Subdirección Xeral de Provisión de Postos e Selección de Persoal.

4. Servizo de Actualización de Datos do Persoal.

Artigo 13º.-Funcións e estrutura da Subdirección Xeral de Réxime Xurídico e Relacións Laborais.

1. Correspóndelle á Subdirección Xeral de Réxime Xurídico e Relacións Laborais o exercicio das seguintes funcións:

a) A preparación, conxuntamente coa Subdirección Xeral de Xestión, Programación e Ordenación do Persoal e a Subdirección Xeral de Provisión de Postos e Selección de Persoal, dos anteproxectos normativos en materia de función pública.

b) A elaboración das propostas de resolución dos recursos que se presenten en materia de persoal dentro das competencias da Dirección Xeral da Función Pública.

c) A realización de estudos e a emisión de informes en materia de persoal.

d) A preparación e desenvolvemento dos traballos relativos ás relacións laborais e sindicais do persoal ao servizo da Xunta de Galicia.

e) O estudo e preparación de anteproxectos normativos, así como a tramitación, a preparación de propostas de resolución e elaboración dos informes en materia de incompatibilidades do persoal ao servizo da Administración da Comunidade Autónoma de Galicia.

f) A realización, no seu ámbito de competencias, de cantos estudos e traballos se lle encomenden.

g) As demais funcións que, incluídas no ámbito respectivo, lle sexan asignadas.

2. Para o cumprimento dos seus cometidos, a Subdirección Xeral de Réxime Xurídico e Relacións Laborais contará coas seguintes unidades administrativas:

2.1 O Servizo de Réxime Xurídico e Recursos, que desenvolverá as seguintes funcións:

a) O estudo e preparación de propostas de resolución de recursos en materia de persoal dentro das competencias da Dirección Xeral da Función Pública.

b) A colaboración na preparación de anteproxectos normativos relativos á función pública.

c) A preparación das propostas de imposición da sanción de separación do servizo ou despedimento do persoal xestionado pola Dirección Xeral da Función Pública para a súa elevación ao Consello da Xunta.

d) O asesoramento e a emisión de informes en materia de función pública.

e) A tramitación de expedientes previos á vía xurisdicional, dentro da competencia da Dirección Xeral da Función Pública.

f) O estudo e preparación de anteproxectos normativos, así como a tramitación, preparación de propostas de resolución e o asesoramento e a emisión de informes en materia de incompatibilidades do persoal ao servizo da Administración da Comunidade Autónoma de Galicia.

g) As demais funcións que, incluídas no ámbito respectivo, lle sexan asignadas.

2.2. O Servizo de Relacións Laborais realizará as seguintes funcións:

a) O desenvolvemento dos traballos relativos ás relacións sindicais do persoal da Xunta de Galicia.

b) A emisión de informes en materia de persoal laboral da Xunta de Galicia e dos exixidos pola normativa vixente.

c) A secretaría e máis o seguimento das negociacións colectivas en materia de persoal.

d) A colaboración na elaboración de anteproxectos normativos en materia de función pública.

e) A xestión do Fondo de Acción Social.

f) A xestión económica da dirección xeral.

g) As demais funcións que, incluídas no ámbito respectivo, lle sexan asignadas.

Artigo 14º.-Funcións e estrutura da Subdirección Xeral de Xestión, Programación e Ordenación de Persoal.

1. A Subdirección Xeral de Xestión, Programación e Ordenación de Persoal terá encomendada a realización das seguintes funcións:

a) A xestión e proposta de programación de efectivos dos corpos, escalas e categorías ao servizo da Administración autonómica de Galicia.

b) A elaboración de estudos e propostas sobre o dimensionamento dos cadros de persoal, as relacións de postos de traballo e as súas modificacións e a emisión do informe previo a elas.

c) A xestión de expedientes relativos a situacións e incidencias do persoal funcionario e laboral ao servizo da Xunta de Galicia.

d) A preparación, conxuntamente coa Subdirección Xeral de Réxime Xurídico e Relacións Laborais e a Subdirección Xeral de Provisión de Postos e Selección de Persoal, dos anteproxectos normativos en materia de función pública.

e) A preparación das ofertas de emprego público e o seu desenvolvemento coordinado cos órganos superiores da función pública.

f) A instrución dos expedientes en materia de incompatibilidades dos membros da Xunta de Galicia e altos cargos da Administración autonómica sometidos á Lei 9/1996, do 18 de outubro.

g) A custodia e xestión dos rexistros de incompatibilidades de altos cargos.

h) A elaboración, dentro das súas competencias, de cantos estudos e traballos se lle encomenden.

i) As demais funcións que, incluídas no ámbito respectivo, lle sexan asignadas.

2. Para a realización das súas funcións, a Subdirección Xeral de Xestión, Programación e Ordenación de Persoal contará coas seguintes unidades administrativas:

2.1 Servizo de Xestión, que terá encomendadas as seguintes funcións:

a) A xestión, en xeral, de todo o persoal funcionario, laboral ou asimilado ao servizo da Adminis

tración autonómica de Galicia, sen prexuízo das competencias propias de cada consellería.

b) O estudo e preparación de informes sobre a normativa de función pública e a xestión do persoal.

c) As demais funcións que, incluídas no ámbito respectivo, lle sexan asignadas.

2.2 Servizo de Programación e Ordenación do Persoal.

a) A preparación e elaboración das ofertas de emprego público do persoal ao servizo da Administración pública de Galicia, dentro dos termos da Lei 4/1988, do 26 de maio, da función pública de Galicia.

b) A colaboración na preparación dos concursos de provisión de postos de traballo.

c) O estudo e preparación de informes e estatísticas en materias relacionadas co persoal.

d) A transmisión da información á Escola Galega de Administración Pública sobre as necesidades de formación do persoal ao servizo da administración pública galega en materias da competencia da dirección xeral.

e) A realización de estudos sobre o dimensionamento de cadros de persoal, propoñendo as medidas necesarias sobre a reasignación de efectivos en función das cargas de traballo soportadas polas distintas unidades administrativas para conseguir un mellor funcionamento dos servizos.

f) A elaboración das propostas de relacións de postos de traballo ou das súas modificacións, que irá acompañada dun informe emitido conxuntamente co órgano correspondente da Consellería de Economía e Facenda.

g) A instrución dos expedientes en materia de incompatibilidades dos membros da Xunta de Galicia e altos cargos da Administración autonómica sometidos á Lei 9/1996, do 18 de outubro, e a custodia e xestión do Rexistro de Bens Patrimoniais e de Actividades e Intereses de Altos Cargos da Xunta de Galicia.

h) As demais funcións que, incluídas no ámbito respectivo, lle sexan asignadas.

Artigo 15º.-Funcións e estrutura da Subdirección Xeral de Provisión de Postos e Selección de Persoal.

1. Correspóndelle á Subdirección Xeral de Provisión de Postos e Selección de Persoal o exercicio das seguintes funcións.

a) A preparación, conxuntamente coa Subdirección Xeral de Réxime Xurídico e Relacións Laborais e a Subdirección Xeral de Xestión, Programación e Ordenación de Persoal, dos anteproxectos normativos en materia de función pública.

b) A elaboración dos concursos de traslados para a provisión de postos de traballo dos distintos corpos, escalas e categorías; a elaboración e tramitación das convocatorias de procesos selectivos dos corpos, escalas e categorías correspondentes; a convocatoria

e o desenvolvemento dos traballos relativos á cobertura temporal de postos por persoal funcionario e laboral en aplicación da norma que regule a dita cobertura.

c) A realización, no seu ámbito de competencias, de cantos estudos e traballos se lle encomenden.

d) As demais funcións que, incluídas no ámbito respectivo, lle sexan asignadas.

2. Para o cumprimento dos seus cometidos, a Subdirección Xeral de Provisión de Postos e Selección de Persoal contará coas seguintes unidades administrativas:

2.1. Servizo de Provisión, que terá encomendadas as seguintes funcións:

a) O estudo e preparación dos anteproxectos normativos en materia de provisión.

b) A preparación, elaboración e tramitación das convocatorias de concursos de traslados.

c) O desenvolvemento dos traballos relativos á cobertura temporal de postos de persoal funcionario e laboral en aplicación da norma que regule a dita cobertura.

d) O estudo e elaboración de informes en materia da súa competencia.

e) As demais funcións que, incluídas no ámbito respectivo, lle sexan asignadas.

2.2. Servizo de Selección.

a) O estudo e preparación dos anteproxectos normativos en materia de selección.

b) A preparación e a elaboración das convocatorias dos procesos selectivos do persoal funcionario e laboral ao servizo da Administración pública de Galicia.

c) O estudo e elaboración de informes en materia da súa competencia.

d) As demais funcións que, incluídas no ámbito respectivo, lle sexan asignadas.

Artigo 16º.-Funcións do Servizo de Actualización de Datos do Persoal.

Correspóndelle ao Servizo de Actualización de Datos do Persoal as seguintes funcións:

a) A dirección, coordinación e xestión do Rexistro de Persoal da Administración Autonómica de Galicia, no cal se inscribirá preceptivamente todo o persoal ao seu servizo.

b) A anotación e actualización dos datos que se refiran aos actos que afecten a vida administrativa do persoal ao servizo da Administración pública de Galicia.

c) A xestión informatizada dos distintos procesos da dirección xeral.

d) A vixilancia do cumprimento da normativa vixente sobre tratamento de datos de carácter persoal, con especial referencia ao arquivo e uso da información recollida no Rexistro Central de Persoal.

e) Os estudos e traballos que se lle encomenden.

f) As demais funcións que, incluídas no ámbito respectivo, lle sexan asignadas.

Sección segunda

Da Dirección Xeral de Calidade e Avaliación de Políticas Públicas

Artigo 17º.-Competencias da Dirección Xeral de Calidade e Avaliación de Políticas Públicas.

1. A Dirección Xeral de Calidade e Avaliación de Políticas Públicas configúrase como o órgano de impulso da modernización da Administración autonómica de Galicia, para garantir que a mellora continua na xestión, a transparencia, a participación e a responsabilidade sexa unha constante na actuación da Administración desta comunidade autónoma e que os servizos que se lle prestan ao cidadán se desenvolvan con criterios de máxima calidade, eficacia e eficiencia.

2. A Dirección Xeral de Calidade e Avaliación de Políticas Públicas exercerá as súas competencias sobre todas as consellerías, organismos delas dependentes, centros, servizos e unidades, así como sobre os entes e empresas públicas da Administración da comunidade autónoma, desenvolvendo as seguintes funcións:

a) A promoción, planificación e coordinación dos procesos de racionalización, simplificación, axilización e modernización dos procedementos administrativos, métodos de traballo e organización administrativa.

b) A definición dos criterios xerais, desenvolvemento e execución de programas, métodos, ferramentas e proxectos que redunden na mellora da calidade da xestión dos servizos públicos da Xunta de Galicia.

c) A promoción da análise e o estudo de expectativas da calidade percibida e do nivel de satisfacción dos usuarios internos ou externos dos servizos, impulsando o emprego dos resultados deses estudos.

d) A coordinación e colaboración cos órganos competentes doutras administracións públicas en todas as cuestións que redunden na simplificación e mellor calidade da prestación dos servizos públicos, promovendo, de ser o caso, a sinatura de convenios que faciliten o intercambio de información, métodos e experiencias.

e) Funcións normalizadoras, de inspección, auditoría, avaliación do rendemento e da calidade dos servizos.

f) A avaliación do desempeño e da calidade dos centros, unidades e servizos da Xunta de Galicia, así como a emisión dos correspondentes informes, conforme ao disposto no artigo 63 bis da Lei 4/1988, do 26 de maio, da función pública de Galicia, e no artigo 7.3º da Lei 4/2006, do 30 de xuño, de transparencia e das boas prácticas na Administración pública galega.

g) A vixilancia do cumprimento da normativa vixente en materia de xornada, horario, permisos e licenzas do persoal ao servizo da Administración autonómica galega.

h) A planificación, fomento, xestión, supervisión e control das infraestruturas, aplicacións e servizos informáticos, telemáticos e de telecomunicacións corporativos da Administración autonómica de Galicia, sen prexuízo das competencias que por lei se lle atribúan, nesa materia, á Consellería de Economía e Facenda.

i) O impulso, xestión e coordinación da administración electrónica.

j) A dirección e coordinación, desde un punto de vista funcional, do sistema de información administrativa e atención ao cidadán da Xunta de Galicia, e do sistema de suxestións e queixas.

k) As demais funcións que, incluídas no ámbito respectivo, lle sexan asignadas.

Artigo 18º.-Estrutura da Dirección Xeral de Calidade e Avaliación de Políticas Públicas.

Para o exercicio das súas funcións e competencias a Dirección Xeral de Calidade e Avaliación de Políticas Públicas contará coas seguintes unidades administrativas:

1. Os equipos de auditores e analistas de Xestión e Calidade.

2. Subdirección Xeral de Modernización Administrativa.

3. Subdirección Xeral de Infraestruturas Informáticas e de Telecomunicacións.

4. Subdirección Xeral de Servizos Informáticos e de Telecomunicacións.

5. Servizo de Xestión Económica e Contratación.

6. Servizo de Administración Electrónica.

Artigo 19º.-Funcións e estrutura dos equipos de auditores e analistas de xestión e calidade.

1. Correspóndelles aos equipos de auditores e analistas de Xestión e Calidade o exercicio das seguintes funcións:

a) A formulación e elevación ao órgano competente de propostas de racionalización, simplificación, axilización e mellora de procedementos, métodos de traballo e organización administrativa, velando polo cumprimento da súa normativa reguladora.

b) Aquelas funcións normalizadoras, de inspección, auditorías, avaliación do rendemento e calidade dos servizos que lles sexan encomendadas polo director xeral de Calidade e Avaliación de Políticas Públicas.

c) A xestión e coordinación do Sistema de Xestión de Procedementos Administrativos (SXPA), como sistema integrado de xestión dos procedementos administrativos e como base do sistema de información da Xunta de Galicia, así como dos sistemas derivados: Servizo de Resposta Inmediata (SERI),

Oficina de Tramitación Única de Industrias (OTU) e Rexistro de Contratistas.

d) Aquelas funcións de auditoría, avaliación do desempeño e da calidade dos servizos determinadas pola normativa autonómica vixente.

e) A emisión, con carácter facultativo e non vinculante, dos correspondentes informes relativos a auditoría, avaliación do desempeño e da calidade dos servizos para o asesoramento e apoio de carácter técnico aos diferentes departamentos.

f) O impulso ao establecemento nas unidades administrativas de sistemas de control da xestión, tales como cadros de mando, que faciliten o seguimento da súa actividade e orienten as unidades na toma de decisións cara a consecución dos seus obxectivos.

g) Apoio á definición e á avaliación dos criterios e estándares de calidade establecidos nas cartas de servizo ou noutros documentos de definición de obxectivos de calidade polos servizos públicos.

h) A colaboración e apoio ás unidades administrativas para a implantación de proxectos de mellora operativa, promovendo a constitución de equipos ou grupos de traballo para definir as medidas prácticas que hai que desenvolver.

i) A coordinación e colaboración cos órganos competentes doutras administracións públicas en todas as cuestións que redunden na simplificación e mellor calidade da prestación dos servizos públicos.

j) As demais funcións que, incluídas no ámbito respectivo, lle sexan asignadas.

2. Para o desenvolvemento das funcións descritas, os equipos de auditores e analistas de Xestión e Calidade estarán integrados por:

2.1. Os auditores de xestión e calidade que, con nivel orgánico de subdirectores xerais, se establezan na correspondente relación de postos de traballo.

2.2. Os analistas de xestión e calidade que, con nivel orgánico de xefes de servizos, se determinen na correspondente relación de postos de traballo.

Artigo 20º.-Funcións e estrutura da Subdirección Xeral de Modernización Administrativa.

1. Correspóndelle á Subdirección Xeral de Modernización Administrativa o exercicio das seguintes funcións:

a) A elaboración de plans de reforma e modernización da Administración autonómica e o impulso á súa implantación.

b) O impulso, coordinación e implantación da administración electrónica na Xunta de Galicia, propoñendo os cambios necesarios na normativa e na definición dos procedementos.

c) O impulso ao desenvolvemento de programas operativos de avaliación da calidade.

d) A planificación e desenvolvemento das actividades do Observatorio da Calidade, como órgano oficial no ámbito da modernización administrativa,

das tecnoloxías da información e da comunicación en Galicia, para a análise periódica do estado de implantación da calidade na Administración.

e) A dirección e coordinación, desde un punto de vista funcional, do sistema de información administrativa e atención ao cidadán da Xunta de Galicia.

f) A coordinación da actuación dos equipos de auditores e analistas de Xestión e Calidade.

g) A vixilancia do cumprimento da normativa vixente en materia de xornada, horario, permisos e licenzas do persoal ao servizo da Administración autonómica galega.

h) O desenvolvemento de proxectos normativos en materias obxecto da competencia da subdirección xeral.

i) As demais funcións que, incluídas no ámbito respectivo, lle sexan asignadas.

Artigo 21º.-Funcións da Subdirección Xeral de Infraestruturas Informáticas e de Telecomunicacións.

1. Correspóndelle á Subdirección Xeral de Infraestruturas Informáticas e de Telecomunicacións o exercicio das seguintes funcións:

a) A elaboración, proposta e, de ser o caso, execución dos plans de sistemas de información da Xunta de Galicia.

b) A elaboración de propostas normativas en materia de sistemas de información.

c) A definición da política de seguridade corporativa dos sistemas de información da Xunta de Galicia.

d) A explotación e mantemento dos sistemas corporativos de informática e comunicacións da Xunta de Galicia.

e) O deseño, definición de estándares, implantación, desenvolvemento e xestión da Rede Corporativa de Comunicacións da Xunta de Galicia, autorizando preceptivamente calquera utilización, incorporación ou uso dela.

f) A definición de estándares, a aprobación e o control, en todas as súas fases, de todos os proxectos de infraestruturas de telecomunicacións para os edificios da Xunta de Galicia de nova construción, reforma ou rehabilitación.

g) A autorización, coordinación e control das redes locais que se instalen na Xunta de Galicia, con referencia á definición dos tipos de cableado, electrónica activa e pasiva, sistemas de xestión de rede e equipos de conmutación e calquera outro relacionado.

h) A supervisión, inspección e auditoría do cumprimento das especificacións establecidas en materia de sistemas de información, redes corporativas de comunicación, proxectos de informática e telecomunicacións e redes locais, así como do cumprimento das normas aprobadas polo órgano competente.

i) A coordinación e a xestión do Centro Único de Atención a Usuarios, que dá soporte aos distintos sistemas e servizos corporativos de informática e comunicacións.

j) O asesoramento, difusión e apoio nos proxectos relacionados coa protección de datos de carácter persoal dentro do ámbito das competencias da Xunta de Galicia.

k) A prestación, dentro da estrutura da dirección xeral e de acordo coas súas especificacións técnicas, do servizo de hospedaxe aos organismos da Xunta de Galicia que así o soliciten.

l) As demais funcións que, incluídas no ámbito respectivo, lle sexan asignadas.

2. Para o desenvolvemento destas funcións a Subdirección Xeral de Infraestruturas Informáticas e de Telecomunicacións contará coas seguintes unidades administrativas:

2.1. Servizo de Infraestruturas Informáticas, que desenvolverá as seguintes funcións:

a) A elaboración de propostas de plans de sistemas e sistemas de información da consellería de Presidencia, Administracións Públicas e Xustiza, e a colaboración no desenvolvemento de plans de sistemas e sistemas de información da Xunta de Galicia, así como na elaboración de propostas normativas nesta materia.

b) A explotación e mantemento dos sistemas corporativos de informática e comunicacións da Xunta de Galicia.

c) A promoción da inspección e da auditoría no cumprimento das normas e especificacións establecidas en materia de sistemas de información e proxectos de informática.

d) A xestión do Centro Único de Atención a Usuarios, que dá soporte aos distintos sistemas e servizos corporativos de informática e comunicacións.

e) A colaboración na prestación do servizo de hospedaxe aos organismos da Xunta de Galicia que así o soliciten.

f) As demais funcións que, incluídas no ámbito respectivo, lle sexan asignadas.

2.2. Servizo de Infraestruturas de Telecomunicacións, que desenvolverá as seguintes funcións:

a) O asesoramento no deseño, definición de estándares, implantación, desenvolvemento e xestión da Rede Corporativa de Comunicacións da Xunta de Galicia.

b) A proposta de definición de estándares de todos os proxectos de infraestruturas de telecomunicacións para os edificios de nova construción, reforma ou rehabilitación.

c) O control das redes locais que se instalen na Xunta de Galicia, no relativo á definición dos tipos de cableado, electrónica activa e pasiva, sistemas de xestión de rede e equipos de conmutación e calquera outro relacionado.

d) A promoción da inspección e da auditoría no cumprimento das especificacións establecidas en materia de redes corporativas de comunicación, proxectos de telecomunicacións e redes locais.

e) A proposta de definición dos mecanismos da política de seguridade corporativa dos sistemas de información da Xunta de Galicia.

f) As demais funcións que, incluídas no ámbito respectivo, lle sexan asignadas.

Artigo 22º.-Funcións e estrutura da Subdirección Xeral de Servizos Informáticos e de Telecomunicacións.

1. Sen prexuízo das competencias que, en materia de propiedades incorporais e sobre planificación, xestión e desenvolvemento da informática orzamentaria, financeira e tributaria, ten atribuídas a Consellería de Economía e Facenda, a Subdirección Xeral de Servizos Informáticos e de Telecomunicacións exercerá as seguintes funcións:

a) O impulso no uso das novas tecnoloxías da información, en colaboración coa Subdirección Xeral de Modernización Administrativa.

b) A implantación e regulación da utilización das técnicas electrónicas, informáticas e telemáticas nas relacións dos cidadáns coa Administración autonómica galega.

c) A proposta e, de ser o caso, a implantación de sistemas telemáticos para a prestación de servizos telemáticos nos ámbitos local e provincial, en coordinación coas administracións territoriais competentes.

d) A xestión da web institucional da Xunta de Galicia e a coordinación das web das consellerías.

e) O establecemento e mantemento da infraestrutura técnica de apoio para a web institucional da Xunta de Galicia, así como a dos seus organismos autónomos e entidades de dereito público dela dependentes.

f) A definición das ferramentas e plataformas software de desenvolvemento e execución dos servizos corporativos de informática e comunicacións da Xunta de Galicia.

g) A xestión técnica de calquera nome de dominio na internet da Xunta de Galicia.

h) O establecemento, administración, xestión e mantemento dos servizos corporativos de correo electrónico, acceso á internet, videoconferencia e calquera outro que sexa prestado aos distintos departamentos da Xunta de Galicia a través da Rede Corporativa de Comunicacións.

i) A elaboración, execución e mantemento da arquitectura empresarial de sistemas de información da Xunta de Galicia.

j) A informatización dos procesos administrativos a instancia de parte así como das aplicacións de tipo horizontal e o impulso, coordinación e control daquelas aplicacións colaterais ao Sistema de Xestión de Procedementos Administrativos (SXPA).

k) A definición e o establecemento das ferramentas tecnolóxicas para a implantación da Administración electrónica da Xunta de Galicia, en coordinación coa Subdirección Xeral de Modernización Administrativa e o Servizo de Administración Electrónica.

l) A coordinación da aplicación da sinatura dixital no marco do proxecto de Administración electrónica, e a definición das normas que deban seguir as entidades prestadoras deste servizo para o seu recoñecemento pola Xunta de Galicia.

m) A promoción da auditoría dos sistemas de información da Xunta de Galicia, e a auditoría dos da consellería.

n) A definición da metodoloxía na avaliación e propostas para a mellora e calidade dos servizos informáticos e de telecomunicacións.

o) As demais funcións que, incluídas no ámbito respectivo, lle sexan asignadas.

2. Para o desenvolvemento destas funcións a Subdirección Xeral de Servizos Informáticos e de Telecomunicacións contará coas seguintes unidades administrativas:

2.1. Servizo de Desenvolvemento Web, que desenvolverá as seguintes funcións:

a) A xestión e coordinación da web institucional da Xunta de Galicia e a coordinación das webs das consellerías, organismos autónomos e entidades de dereito público dela dependentes, así como o establecemento e mantemento da infraestrutura técnica de apoio.

b) A implantación e regulación da utilización das técnicas electrónicas, informáticas e telemáticas nas relacións dos cidadáns coa Administración autonómica galega.

c) A proposta e a implantación de sistemas telemáticos para a prestación de servizos nos ámbitos local e provincial, en coordinación coas administracións territoriais competentes.

d) A informatización dos procesos administrativos a instancia de parte, así como das aplicacións de tipo horizontal e o impulso, coordinación e control daquelas aplicacións colaterais ao Sistema de Xestión de Procedementos Administrativos (SXPA).

e) As demais funcións que, incluídas no ámbito respectivo, lle sexan asignadas.

2.2. Servizo de Desenvolvemento de Aplicacións de Infraestrutura, que desenvolverá as seguintes funcións:

a) O apoio na xestión técnica de calquera nome de dominio na internet da Xunta de Galicia.

b) O establecemento, administración, xestión e mantemento dos servizos corporativos de correo electrónico, acceso á internet, videoconferencia e calquera outro que sexa prestado aos distintos departamentos da Xunta de Galicia a través da Rede Corporativa de Comunicacións.

c) O desenvolvemento das aplicacións de infraestrutura conforme ao establecido na arquitectura empresarial da Xunta de Galicia.

d) A coordinación da aplicación da sinatura dixital no marco do proxecto de Administración electrónica, e a definición das normas que deban seguir as entidades prestadoras destes servizos para o seu recoñecemento pola Xunta de Galicia.

e) As demais funcións que, incluídas no ámbito respectivo, lle sexan asignadas.

2.3. Servizo de Arquitectura Tecnolóxica, que desenvolverá as seguintes funcións:

a) A elaboración, execución e mantemento da arquitectura empresarial de sistemas de información da Xunta de Galicia.

b) A definición das ferramentas e plataformas software de desenvolvemento e execución, dos servizos corporativos de informática e comunicacións da Xunta de Galicia.

c) A definición e o establecemento das ferramentas tecnolóxicas para a implantación da Administración electrónica en todas as unidades administrativas.

d) A definición da metodoloxía na avaliación dos servizos informáticos e de telecomunicacións, e a posta en marcha das ferramentas de seguimento da calidade.

e) A elaboración de propostas para a mellora dos servizos informáticos e de telecomunicacións no ámbito das competencias da Dirección Xeral de Calidade e Avaliación das Políticas Públicas.

f) A auditoría dos sistemas de información da Consellería de Presidencia, Administracións Públicas e Xustiza.

g) As demais funcións que, incluídas no ámbito respectivo, lle sexan asignadas.

Artigo 23º.-Funcións do Servizo de Xestión Económica e Contratación e do Servizo de Administración Electrónica.

Dependendo directamente da Dirección Xeral de Calidade e Avaliación das Políticas Públicas existirán as seguintes unidades administrativas:

1. Servizo de Xestión Económica e Contratación, que desenvolverá as seguintes funcións:

a) A xestión orzamentaria da dirección xeral.

b) A proposta e xestión ordinaria dos expedientes de contratación administrativa, en materias da competencia da dirección xeral.

c) A execución e a xestión de convenios asinados en materias da súa competencia, así como aqueloutros convenios iniciados desde esta dirección xeral.

d) As demais funcións que, incluídas no ámbito respectivo, lle sexan asignadas.

2. Servizo de Administración Electrónica, que desenvolverá as seguintes funcións:

a) A proposta e impulso da utilización de medios electrónicos nas relacións dos cidadáns coa Administración autonómica de Galicia.

b) A proposta e impulso para a implantación de servizos telemáticos inter-administracións, establecendo con cada unha delas os acordos que o permitan.

c) O impulso e coordinación no uso da sinatura dixital no marco da administración electrónica.

d) A elaboración da información sobre a implantación da administración electrónica na comunidade autónoma, en coordinación co Observatorio da Calidade.

e) O asesoramento e coordinación coas consellerías e organismos da Xunta de Galicia, nas materias vinculadas coa implantación de sistemas de información que impulsen a administración electrónica.

f) A proposta de plans de formación para os empregados públicos no uso das tecnoloxías da información e as comunicacións no ámbito da administración electrónica.

g) O rexistro de nomes de dominio no ámbito de competencia da Dirección Xeral de Calidade e Avaliación de Políticas Públicas.

h) As demais funcións que, incluídas no ámbito respectivo, lle sexan asignadas.

Sección terceira

Da Dirección Xeral de Relacións Parlamentarias

Artigo 24º.-Competencias.

A Dirección Xeral de Relacións Parlamentarias é o órgano que ten encomendado o exercicio das seguintes funcións:

a) A información e asistencia ao Goberno galego nas súas relacións co Parlamento de Galicia.

b) O seguimento do programa lexislativo e dos acordos adoptados polo Parlamento de Galicia.

c) A realización de labores de apoio á Presidencia da Xunta de Galicia nas súas intervencións parlamentarias, solicitando, cando sexa preciso, dos distintos departamentos da Xunta de Galicia os datos e informes que se coiden convenientes.

d) A organización e coordinación dos procesos electorais en que sexa competente a Comunidade Autónoma de Galicia.

e) O seguimento dos resultados dos procesos electorais realizados fóra da Comunidade Autónoma de Galicia.

f) A representación da Xunta de Galicia naqueles procesos electorais en que esta sexa convidada como observadora.

g) O seguimento das iniciativas tramitadas nas Cortes Xerais ou noutras comunidades autónomas que puidesen ter algunha relación coa Comunidade Autónoma de Galicia.

h) A determinación do departamento da Xunta de Galicia que debe dar resposta ás iniciativas parlamentarias que se presenten desde a cámara.

i) As demais funcións que, incluídas no ámbito respectivo, lle sexan asignadas.

Artigo 25.-Estrutura.

Para o desenvolvemento das súas funcións, a Dirección Xeral de Relacións Parlamentarias contará coa seguinte unidade administrativa:

1. Servizo de Seguimento Lexislativo e Acordos Parlamentarios, que realizará as seguintes funcións:

a) As tarefas que lle sexan encomendadas polo director xeral para a información e asistencia do Goberno galego nas súas relacións co Parlamento de Galicia.

b) O seguimento do programa lexislativo do Goberno galego.

c) A solicitude ás distintas consellerías e órganos da Xunta de Galicia dos informes procedentes para a elaboración das respostas ás preguntas escritas, así como ser a canle de comunicación entre a Xunta de Galicia e o Parlamento de Galicia verbo da tramitación de proposicións de lei, proposicións non de lei, mocións, interpelacións e calquera outra iniciativa parlamentaria.

d) O seguimento dos acordos parlamentarios e, en especial, dos que incidan na acción do Goberno galego.

e) A remisión ao Parlamento de Galicia dos informes ou da documentación que por disposición legal teña que realizar a Xunta de Galicia.

f) As demais funcións que, incluídas no ámbito respectivo, lle sexan asignadas.

Sección cuarta

Da Dirección Xeral de Xustiza

Artigo 26º.-Competencias.

1. A Dirección Xeral de Xustiza exercerá as competencias que lle corresponden á Xunta de Galicia, estatutariamente ou por transferencia, relativas á promoción e ao desenvolvemento do dereito civil especial, á demarcación xudicial, notarial e rexistral, ao acceso dos cidadáns á xustiza en igualdade de oportunidades, á dotación de medios de soporte, normalización lingüística e cooperación coa Administración de xustiza, a xestión dos médicos forenses e do persoal ao servizo da Administración de xustiza.

2. No exercicio das súas competencias, correspóndenlle a este órgano as relacións ordinarias cos órganos do poder xudicial, o Ministerio de Xustiza e as demais institucións relacionadas co ámbito xurisdicional.

3. En particular, son competencias da Dirección Xeral de Xustiza:

a) A programación, dotación e organización dos recursos económicos e materiais da Administración de xustiza en Galicia.

b) A xestión do persoal ao servizo da Administración de xustiza dependente da Xunta de Galicia.

c) O impulso do uso do galego na Administración de xustiza en colaboración coa Secretaría Xeral de Política Lingüística.

d) A ordenación e dirección da xestión administrativa do sistema de asistencia xurídica gratuíta.

e) A presentación das propostas sobre demarcación e planta xudicial, sobre demarcación notarial e rexistral e sobre convocatoria das prazas vacantes de maxistrados, xuíces, secretarios xudiciais, así como elevar ao conselleiro os nomeamentos de notarios e rexistradores.

f) A proposta do cadro de persoal ao servizo da Administración de xustiza, así como das súas modificacións, de conformidade co previsto na Lei orgánica do poder xudicial e demais normativa en vigor.

g) A organización e supervisión do funcionamento do Instituto de Medicina Legal de Galicia, a programación de actuacións para o establecemento de sistemas de xestión de calidade dos seus servizos e para o seu desenvolvemento científico e tecnolóxico.

h) A avaliación das necesidades de formación, o deseño dos programas e accións formativas do persoal ao servizo da Administración de xustiza e a colaboración coas institucións que realizan formación continua en materias relativas á Administración de xustiza.

i) O exercicio das competencias da consellería para o funcionamento dos xulgados de paz.

j) A autorización da nómina referente ás retribucións do persoal ao servizo da Administración de xustiza.

k) O exercicio das potestades disciplinarias que, de conformidade coa normativa vixente, lle correspondan en relación cos médicos forenses e co persoal ao servizo da Administración de xustiza.

l) As demais competencias que lle atribúa a normativa en vigor e as demais funcións que, incluídas no ámbito respectivo, lle sexan asignadas.

Artigo 27º.-Estrutura.

1. Para o desenvolvemento das súas funcións, a Dirección Xeral de Xustiza estrutúrase nas seguintes unidades:

1.1. Subdirección Xeral de Planificación Orzamentaria, Medios e Novas Tecnoloxías da Administración de Xustiza.

1.2. Subdirección Xeral de Relacións e Recursos Humanos da Administración de Xustiza.

1.3. Servizo de Programas e Estudos.

Artigo 28º.-Funcións e estrutura da Subdirección Xeral de Planificación Orzamentaria, Medios e Novas Tecnoloxías da Administración de Xustiza

1. A Subdirección Xeral de Planificación Orzamentaria, Medios e Novas Tecnoloxías da Adminis

tración de Xustiza, baixo a supervisión e executando as directrices da dirección xeral, asumirá as seguintes funcións:

a) A planificación da actividade económica nos programas de gasto xestionados pola Dirección Xeral de Xustiza.

b) A preparación do anteproxecto de orzamento de gastos da dirección xeral, agás dos gastos do capítulo I, e o asesoramento na dita materia ao director xeral.

c) A execución e seguimento da xestión orzamentaria da dirección xeral.

d) A proposta de celebración de novos contratos, nas materias de competencias da Dirección Xeral de Xustiza.

e) A planificación e coordinación das actuacións encamiñadas á dotación e mellor distribución dos medios materiais que a consellería pon á disposición da Administración de xustiza.

f) A elaboración e execución do plan de informatización do sistema xudicial de Galicia, así como o deseño, programación e mantemento das aplicacións informáticas, xunto coa prestación de asistencia técnica nesta materia.

g) As demais funcións que, incluídas no ámbito respectivo, lle sexan asignadas.

2. Para o desenvolvemento das súas funcións contará coas seguintes unidades administrativas:

2.1. O Servizo de Informática e Novas Tecnoloxías, ao cal lle corresponderá:

a) A análise das necesidades en materia de informática e de novas tecnoloxías que presentan os órganos da Administración de xustiza en Galicia, así como a planificación da política de informatización e de implantación de ferramentas tecnolóxicas nos órganos e servizos xudiciais.

b) O deseño, programación e mantemento das aplicacións informáticas en uso pola Administración de xustiza.

c) A xestión das bases de datos, redes de comunicacións e sistemas informáticos da xustiza en Galicia.

d) A prestación da asistencia técnica en materia de novas tecnoloxías precisa para o normal funcionamento dos órganos e servizos xudiciais.

e) O mantemento do Centro de Atención de Usuarios (CAU) de Xustiza.

f) As demais funcións que, incluídas no ámbito respectivo, lle sexan asignadas.

2.2. O Servizo de Xestión Económica e Administrativa, ao cal lle corresponderá:

a) A programación, coordinación e xestión económico-administrativa derivadas das funcións atribuídas á Dirección Xeral de Xustiza.

b) A xestión orzamentaria da dirección xeral.

c) O seguimento e control da execución dos convenios de colaboración, iniciados pola dirección xeral, con outros entes públicos en materia de investimento.

d) As demais funcións que, incluídas no ámbito respectivo, lle sexan asignadas.

Artigo 29º.-Funcións e estrutura da Subdirección Xeral de Relacións e Recursos Humanos da Administración de Xustiza

1. Á Subdirección Xeral de Relacións e Recursos Humanos da Administración de Xustiza correspóndelle exercer as seguintes funcións:

a) A execución das directrices da dirección xeral respecto ás relacións co Consello Xeral do Poder Xudicial, coa Administración de xustiza e demais institucións que cooperan coa xustiza.

b) A xestión da asistencia xurídica gratuíta.

c) A colaboración cos órganos xudiciais e fiscalías en relación coa designación de peritos, intérpretes e tradutores.

d) O apoio e asesoramento organizativo e administrativo ao Instituto de Medicina Legal de Galicia.

e) O exercicio das seguintes funcións respecto do persoal funcionario ao servizo da Administración de xustiza en Galicia:

* A organización da xestión do persoal funcionario ao servizo da Administración de xustiza.

* A participación na función de relacións laborais e a intervención na negociación no ámbito sectorial nos termos da Lei 9/1987, do 12 de maio, de órganos de representación, determinación das condicións de traballo e participación do persoal ao servizo da Administración pública, e o seguimento dos acordos derivados dela.

* A presentación de propostas relativas ás relacións de postos de traballo, así como a elaboración e tramitación dos plans de ordenación de recursos humanos consonte as instrucións da dirección xeral.

* A realización dos estudos precisos para a elaboración da proposta de anteproxecto do orzamento do capítulo I correspondente ao persoal ao servizo da Administración de xustiza, e o seguimento e control da súa execución.

* A colaboración e a coordinación co Centro Informático de Xestión Tributaria Económico-Financeira e Contable, e coas habilitacións de persoal, para a xestión da nómina do persoal ao servizo da Administración de xustiza en Galicia.

* A negociación e proposta de distribución do fondo de acción social para o persoal ao servizo da Administración de xustiza.

f) As demais funcións que, incluídas no ámbito respectivo, lle sexan asignadas.

2. Para o cumprimento das súas funcións contará coas seguintes unidades administrativas:

2.1. O Servizo de Relacións coa Administración de Xustiza.

Executará as directrices que lle sexan encomendadas pola subdirección xeral, proporcionándolle soporte administrativo nas seguintes áreas:

a) Normalización lingüística do galego na Administración de xustiza.

b) Nomeamento de notarios e rexistradores.

c) Colaboracións administrativas para a tramitación e desenvolvemento dos convenios asinados pola Xunta de Galicia co Consello Xeral do Poder Xudicial, Ministerio de Xustiza e demais institucións en relación coas materias de competencia da dirección xeral.

d) Expedientes de axudas económicas para os gastos de funcionamento dos xulgados de paz, así como a tramitación administrativa das convocatorias e convenios de subvención a aquelas institucións que realicen actividades acordes cos fins da xustiza.

e) Xestión administrativa das funcións atribuídas á dirección xeral en materia de asistencia xurídica gratuíta.

f) Demais funcións que, incluídas no ámbito respectivo, lle sexan asignadas.

2.2. O Servizo de Recursos Humanos da Administración de Xustiza, que, en relación co persoal funcionario ao servizo da Administración de xustiza en Galicia, asume as seguintes funcións:

a) O exercicio das directrices que en materia de xestión de persoal e relacións sindicais lle sexan encomendadas, elaborando ademais os estudos ou propostas correspondentes nos asuntos relacionados co persoal da Administración de xustiza, en xeral, segundo as competencias que resultan dos correspondentes regulamentos orgánicos.

b) O seguimento da xestión orzamentaria do capítulo I.

c) O mantemento e a actualización do rexistro de persoal e a transferencia de expedientes, datos e comunicacións co Ministerio de Xustiza e os departamentos de xustiza doutras comunidades autónomas.

d) A determinación, no ámbito territorial da comunidade autónoma, das necesidades de recursos humanos respecto dos corpos de funcionarios ao servizo da Administración de xustiza.

e) A confección das propostas de relacións de postos de traballo, a tramitación das propostas de modificación do cadro de persoal e o mantemento e actualización da aplicación informática de xestión de persoal (AIX).

f) A tramitación de expedientes disciplinarios e outros en materia de persoal, así como a tramitación dos recursos e reclamacións nesta materia.

g) A preparación dos antecedentes e a confección das comunicacións aos órganos xudiciais e informes que procedan sobre as demandas en vía xurisdicional.

h) A tramitación dos expedientes de declaración de situacións administrativas e compatibilidade para o exercicio doutras actividades, comisións de servizos, adscrición provisional de funcionarios, licenzas e outros expedientes en materia de persoal.

i) As demais funcións que, incluídas no ámbito respectivo, lle sexan asignadas.

Artigo 30º.-Funcións do Servizo de Programas e Estudos.

Ao Servizo de Programas e Estudos correspóndenlle as seguintes funcións:

a) A elaboración, en coordinación coas subdireccións xerais, dos estudos e propostas nas materias de organización da Administración de xustiza e optimización de medios ao servizo da Administración de xustiza.

b) O apoio á dirección xeral no estudo e preparación de documentación nas relacións con outras administracións públicas e a Conferencia Sectorial de Xustiza.

c) A elaboración de estudos e informes sobre as necesidades de formación continuada dos membros da carreira xudicial, e membros do Ministerio Fiscal, secretarios xudiciais e o persoal ao servizo da Administración de xustiza.

d) A estruturación e actualización dos contidos informativos da intranet da Dirección Xeral de Xustiza e nos sitios web oficiais.

e) O seguimento e análise das estatísticas xudiciais e rexistrais, en colaboración co Consello Xeral do Poder Xudicial, o Ministerio de Xustiza e o Tribunal Superior de Xustiza de Galicia, e a elaboración dos informes precisos para a toma de decisións da dirección xeral.

f) Os estudos e informes sobre demarcación territorial dos órganos xudiciais, notarías e rexistros públicos na comunidade autónoma.

g) O soporte administrativo ás actividades da dirección xeral para o desenvolvemento do dereito civil galego.

h) A realización dos estudos e informes que lle encomende a Dirección Xeral de Xustiza nas materias da súa competencia.

i) A análise e tramitación das queixas e reclamacións dos usuarios do servizo público da Xustiza remitidas polo Consello Xeral do Poder Xudicial e outros organismos.

j) A confección da memoria anual de actividades da dirección xeral.

k) As demais funcións que, incluídas no ámbito respectivo, lle sexan asignadas.

Sección quinta

Da Dirección Xeral de Interior

Artigo 31º.-Competencias.

Á Dirección Xeral de Interior correspóndelle a xestión e a resolución dos asuntos transferidos e os relacionados coas competencias que lle corresponden estatutariamente á Xunta de Galicia nas seguintes materias:

A. En materia de interior:

a) Casinos, xogos e apostas.

b) Espectáculos públicos.

B. En materia de seguridade:

a) O exercicio da xefatura dos servizos de seguridade baixo a superior autoridade do conselleiro de Presidencia, Administracións Públicas e Xustiza.

b) A planificación, xestión e distribución dos recursos humanos e materiais destinados á seguridade da Comunidade Autónoma de Galicia.

c) As funcións de coordinación das policías locais que lle correspondan á comunidade autónoma.

d) A proposta ou a resolución, se é o caso, das cuestións relativas á selección, formación e perfeccionamento do persoal adscrito aos servizos policiais da Xunta de Galicia.

e) A elaboración e proposta dos plans e proxectos de actuación operativa dos servizos policiais e de xestión e planificación adscritos á Dirección Xeral de Interior.

f) O establecemento das canles apropiadas de cooperación coas forzas e corpos de seguridade do Estado para a coordinación e realización das competencias en materia de prevención e seguridade.

g) A elaboración de cantos informes e estudos requira e exixa o exercicio das competencias que lle corresponden á consellería en materia de prevención e seguridade.

h) A proposta e execución dos plans de seguridade da Comunidade Autónoma de Galicia.

i) A preparación dos correspondentes estudos e anteproxectos de disposicións xerais.

j) Calquera outra que por disposición legal lle corresponda.

k) As demais funcións que, incluídas no ámbito respectivo, lle sexan asignadas.

Artigo 32º.-Estrutura.

Para o exercicio das súas funcións, a Dirección Xeral de Interior estrutúrase nas seguintes unidades administrativas:

1. Subdirección Xeral de Xogo e Espectáculos Públicos.

2. Subdirección Xeral de Seguridade e Réxime Interior.

Artigo 33º.-Funcións e estrutura da Subdirección Xeral de Xogo e Espectáculos Públicos.

1. A Subdirección Xeral de Xogo e Espectáculos Públicos exercerá as seguintes funcións:

a) A execución das directrices emanadas da dirección xeral para o desenvolvemento da xestión administrativa en materias de casinos, xogos e apostas, e a coordinación dos distintos servizos de inspección de xogo e espectáculos públicos.

b) A tramitación e proposta de resolución nos expedientes administrativos referentes ás materias indicadas anteriormente, así como a execución das resolucións ditadas neles.

c) A preparación dos correspondentes estudos e anteproxectos de disposicións xerais.

d) A compilación de datos estatísticos e demais información regulamentaria nas citadas materias.

2. Para o desenvolvemento das súas funcións contará coas seguintes unidades:

2.1. Servizo de Xogo, ao que lle corresponden as seguintes funcións:

a) A execución das directrices que lle sexan indicadas para a xestión dos asuntos e expedientes administrativos relacionados cos distintos sectores do xogo.

b) A preparación dos informes ou estudos encamiñados á elaboración dos anteproxectos de disposicións xerais en materia de xogo, así como para a recollida da información estatística das empresas correspondentes.

c) As demais funcións que, incluídas no ámbito respectivo, lle sexan asignadas.

2.2. Servizo de Espectáculos e Desenvolvemento Normativo, ao cal lle corresponden as seguintes funcións:

a) A xestión administrativa en materia de espectáculos públicos e a tramitación dos correspondentes expedientes sancionadores da competencia desta dirección xeral.

b) A realización dos informes e estudos encamiñados á elaboración dos anteproxectos das disposicións xerais das materias propias da subdirección xeral.

c) As demais funcións que, incluídas no ámbito respectivo, lle sexan asignadas.

Artigo 34º.-Funcións e estrutura da Subdirección Xeral de Seguridade e Réxime Interior.

1. Á Subdirección Xeral de Seguridade e Réxime Interior correspóndelle a execución das directrices emanadas da dirección xeral nas seguintes materias:

a) A planificación e a xestión dos recursos dependentes da Dirección Xeral de Interior en materia de seguridade.

b) A preparación de estudos e anteproxectos de disposicións xerais para a dirección e coordinación da Policía autónoma.

c) O exercicio das directrices en materia de xestión de persoal e relacións sindicais.

d) A elaboración de propostas de formación e perfeccionamento do persoal de seguridade.

e) A elaboración de estudos ou propostas de políticas preventivas e plans de previsión sobre política de seguridade autonómica.

f) O desenvolvemento e execución das competencias en materia de coordinación de policías locais.

g) A supervisión e o control dos servizos de seguridade tendentes a velar pola protección de persoas, órganos, edificios, establecementos e dependencias da comunidade autónoma e dos seus entes instrumentais, garantindo o normal funcionamento das instalacións e a seguridade dos usuarios dos seus servizos.

h) A inspección das actividades sometidas á ordenación e disciplina da Comunidade Autónoma de Galicia, nas competencias asumidas pola Unidade do Corpo Nacional de Policía adscrita á Xunta de Galicia.

i) O estudo, programación, coordinación e control dos plans operativos de seguridade que se estruturen en apoio das actuacións da Comunidade Autónoma de Galicia.

j) A organización, selección, distribución e control dos recursos en función dos plans e servizos que se determinen.

k) O desenvolvemento das tarefas de cooperación operativa dos corpos de seguridade dependentes doutras administracións e con outras entidades e institucións públicas e privadas.

l) A elaboración do estudo do anteproxecto do orzamento correspondente á dirección xeral, así como a súa xestión orzamentaria.

m) A execución das instrucións en materia de réxime interior que non estean atribuídas a outros órganos da consellería.

n) As demais funcións que, incluídas no ámbito respectivo, lle sexan asignadas.

2. Para o exercicio de tales funcións contará coa seguinte unidade administrativa:

2.1. Servizo de Planificación e Xestión, ao cal lle corresponden as seguintes funcións:

a) A preparación dos estudos e anteproxectos de disposicións xerais para a dirección e coordinación da Policía autónoma.

b) O exercicio das directrices que en materia de xestión de persoal e relacións sindicais lle sexan encomendadas pola dirección xeral.

c) A elaboración de propostas de formación e perfeccionamento do persoal de seguridade dependente da Xunta de Galicia.

d) A elaboración dos estudos ou propostas de política preventiva segundo as competencias que resulten da normativa en vigor.

e) O estudo, programación e proposta dos plans operativos de seguridade que se estruturen en apoio das actuacións da Comunidade Autónoma de Galicia.

f) A coordinación das policías locais no ámbito territorial da Comunidade Autónoma de Galicia de acordo coa lexislación vixente.

g) A elaboración do estudo do anteproxecto do orzamento correspondente á dirección xeral e o seu control, seguimento e avaliación, así como a coordinación da xestión económica e orzamentaria dela.

h) As demais funcións que, incluídas no ámbito respectivo, lle sexan asignadas.

Sección sexta

Da Dirección Xeral de Protección Civil

Artigo 35º.-Competencias.

A Dirección Xeral de Protección Civil exercerá a dirección, coordinación e execución das atribucións que ten asumidas a consellería en materia de protección civil e atención de emerxencias, tales como prevención, previsión e análises de riscos, planificación da protección civil, intervención e atención das emerxencias e restablecemento dos servizos esenciais para a cidadanía afectada por unha emerxencia.

Correspóndelle a dirección do Centro de Atención de Emerxencias 112 Galicia e a representación da consellería na Comisión Nacional de Protección e noutros organismos de coordinación internacionais, europeas e autonómicas de protección civil. Así mesmo, correspóndelle a planificación e coordinación dos plans e programas dos servizos contra incendios e salvamento locais, sen prexuízo das competencias que lle poidan corresponder á Dirección Xeral de Administración Local.

Correspóndelle tamén as relacións da Administración autonómica, en materia de atención as emerxencias, coas administracións locais, coas comunidades autónomas, coa Administración xeral do Estado e cos Estados da Unión Europea, tendo unha relación especial con Portugal pola proximidade e por compartir emerxencias comúns.

Ademais, levará a cabo o seguimento da encomenda do Consello de Seguridade Nuclear á Xunta de Galicia en materia de vixilancia radiolóxica co exercicio de autoridade competente para a protección dos traballadores e da poboación fronte á exposición a fontes de radiación natural asociada a actividades laborais, en aplicación do título VII do Regulamento de protección sanitaria contra as radiacións ionizantes prevista no Real decreto 783/2001.

Artigo 36º.-Estrutura.

Para o exercicio das súas funcións a dirección xeral estrutúrase nas seguintes unidades administrativas:

1. Subdirección Xeral de Análise e Xestión de Riscos.

2. Subdirección Xeral de Emerxencias e Calidade da Protección Civil.

Artigo 37º.-Funcións e estrutura da Subdirección Xeral de Análise e Xestión de Riscos.

1. Á Subdirección Xeral de Análise e Xestión de Riscos correspóndelle a execución das políticas de avaliación, prevención, previsión e análise de riscos e exercerá, entre outras, as seguintes funcións:

a) A elaboración de estudos relativos a análise de riscos existentes na comunidade autónoma, que admitan fundamentar a realización de plans de prevención de emerxencias e catástrofes, e permitan o deseño e implementación de políticas públicas de prevención de riscos.

b) A preparación, implantación, mantemento, avaliación e revisión dos plans de protección civil autonómica, perseguindo a unidade de coordinación nas emerxencias, e, de ser o caso, a dirección unificada da súa aplicación.

c) O fomento, impulso, coordinación e avaliación dos riscos territoriais, permanentes ou estacionais, e dos plans de protección civil previstos na norma básica.

d) A elaboración do anteproxecto de orzamento correspondente aos seus programas de gasto, así como a súa execución, seguimento e avaliación.

e) A elaboración de anteproxectos normativos relativos ás materias competencia da dirección xeral.

f) A proposición e xestión da concesión de axudas e subvencións en materia de protección civil e emerxencias.

g) A colaboración coas entidades locais no relativo á elaboración e implantación dos plans municipais, e a avaliación dos plans específicos e especiais de protección civil de ámbito territorial, provincial e local e plans de autoprotección.

h) A coordinación das actuacións programadas pola dirección xeral e as realizadas polos servizos provinciais de protección civil, particularmente das campañas estacionais de xestión de riscos.

i) A coordinación dos comités operativos de protección civil da Xunta de Galicia e dos medios e recursos postos á súa disposición, de acordo co establecido nos plans de protección civil autonómicos.

j) O apoio administrativo e técnico á Comisión de Protección Civil da Comunidade Autónoma de Galicia, executando os seus acordos e desenvolvendo as súas propostas.

k) A análise dos usos actuais e das necesidades en materia de novas tecnoloxías que presentan os distintos axentes que participan nas tarefas de protección civil, así como a planificación da política de implantación de ferramentas tecnolóxicas nos diferentes estamentos que conforman a rede de axentes de protección civil dos órganos da Comunidade Autónoma de Galicia.

l) As demais funcións que, incluídas no ámbito respectivo, lle sexan asignadas.

2. Para o cumprimento das súas funcións, a Subdirección Xeral de Análise e Xestión de Riscos contará coas seguintes unidades administrativas:

2.1. Servizo de Prevención e Análise de Riscos.

Este servizo desempeñará, entre outras, as seguintes funcións:

a) A elaboración de plans de protección civil de competencia da comunidade autónoma, o seu mantemento e implementación, así como dos correspondentes ás campañas estacionais de xestión de riscos, particularmente a elaboración de previsións e alertas para os servizos de emerxencia e poboación en xeral derivados dos avisos por fenómenos meteorolóxicos adversos e outros riscos.

b) A elaboración de informes técnicos de avaliación de plans de protección civil, e de emerxencia, para a súa aprobación e homologación, cando corresponda, polo órgano competente.

c) A preparación e execución dos exercicios e simulacros no marco dos citados plans autonómicos, colaborando cos de carácter local.

d) A promoción dos estudos necesarios para a realización do inventario e mapa de riscos e o catálogo de medios e recursos da Comunidade Autónoma de Galicia e a súa actualización.

e) A elaboración e actualización dos manuais operativos e de intervención.

f) A colaboración coas entidades locais na elaboración dos plans básicos e sectoriais de emerxencia municipal.

g) As demais funcións que, incluídas no ámbito respectivo, lle sexan asignadas.

2.2. Servizo de Avaliación e Implementación da Protección Radiolóxica.

Este servizo desempeñará, entre outras, as seguintes funcións:

a) A inspección de instalacións radioactivas, incluíndo as de segunda e terceira categoría, comprendendo as fases de construción, posta en marcha, funcionamento, modificación e clausura; a realización das inspeccións que sexan necesarias para o control das instalacións de raios X, con fins médicos, e as que sexan necesarias por razóns especiais ou denuncia, e aqueloutras que lle encargue expresamente a autoridade competente en materia de seguridade nuclear.

b) A inspección do transporte de combustible nuclear e doutros materiais radioactivos no ámbito da Comunidade Autónoma de Galicia.

c) A análise e avaliación relacionada coa protección radiolóxica nas instalacións radioactivas.

d) A presentación de propostas de actuacións correctoras e a preparación, se é o caso, de propostas de sanción, dándolle conta á autoridade competente en materia de seguridade nuclear.

e) A vixilancia radiolóxica ambiental no ámbito territorial de Galicia, de acordo cos programas que para este fin ten establecidos e aprobados a autoridade competente en materia de seguridade nuclear.

f) A información sobre lexislación en seguridade nuclear, regulamentos, instrucións técnicas complementarias, guías de seguridade, circulares informativas e recomendacións para a optimización dos procedementos de operación e para as actualizacións e modificacións dos regulamentos de funcionamento e os plans de emerxencia das instalacións radioactivas.

g) A atención das situacións de emerxencia, en coordinación coa autoridade competente en materia de emerxencias de seguridade nuclear.

h) O desenvolvemento das funcións encomendadas pola autoridade competente en materia de seguridade nuclear, relativas á protección dos traballadores e da poboación fronte á exposición a fontes de radiación natural asociada a actividades laborais.

i) As demais funcións que, incluídas no ámbito respectivo, lle sexan asignadas.

2.3. Servizo de Loxística e Tecnoloxía de Emerxencias.

Este servizo desempeñará, entre outras, as seguintes funcións:

a) A análise das necesidades tecnolóxicas e loxísticas dos axentes que interveñen na protección civil en Galicia.

b) A planificación da implantación de novas ferramentas tecnolóxicas e loxísticas nos órganos de protección civil da Comunidade Autónoma de Galicia.

c) A colaboración coas outras administracións que interveñen nas accións de emerxencias e protección civil de Galicia para a implantación das novas tecnoloxías nos seus ámbitos de actuación.

d) As demais funcións que, incluídas no ámbito respectivo, lle sexan de aplicación.

Artigo 38. Funcións e estrutura da Subdirección Xeral de Emerxencias e Calidade da Protección Civil.

1. Á Subdirección Xeral de Emerxencias e Calidade da Protección Civil correspóndelle a xestión e coordinación das emerxencias a través do Centro de Atención de Emerxencias 112 Galicia, e exercerá, entre outras, as seguintes funcións:

a) A organización, dirección técnica e xestión do Centro de Atención de Emerxencias 112 Galicia.

b) A elaboración de propostas para a mellora do Centro de Atención de Emerxencias 112 Galicia e o seu funcionamento.

c) A proposta de planificación, dotación, coordinación e supervisión de medios e recursos para a intervención e xestión de emerxencias, incluíndo as necesarias para a preparación do anteproxecto de orzamentos correspondente aos seus programas de gasto.

d) O deseño e desenvolvemento dos protocolos de atención de emerxencias, tendo en conta os medios e recursos e, se é o caso, a dirección de operacións, definindo os plans de actuación, procedementos e tácticas operativas, con suxeición a estándares de calidade.

e) A planificación e a coordinación dos plans e programas dos servizos contra incendios e salvamento local, sen prexuízo das competencias atribuídas por lei ás administracións locais.

f) A coordinación e seguimento das políticas de formación tanto do persoal da dirección xeral como dos colectivos dedicados a protección civil e a xestión das emerxencias e da autoprotección e colaboración con outros organismos relacionados coa protección civil e os seus programas formativos, con suxeición a estándares de calidade.

g) A coordinación do Centro de Atención de Emerxencias 112 Galicia con outros organismos públicos e privados, fomentando a sinatura de protocolos e acordos de colaboración.

h) A elaboración de protocolos de actuación e xestión de emerxencias do Centro de Atención de Emerxencias 112 Galicia, con suxeición a estándares de calidade.

i) O control e seguimento operativo do servizo de helicópteros polivalentes 112 Galicia.

j) A promoción, colaboración e coordinación de unidades especializadas en tarefas de salvamento, socorro ou outras relacionadas coa protección civil ou as emerxencias na comunidade autónoma.

k) A organización e mantemento dun banco documental multimedia especializado que permita a máxima difusión da información

l) As demais funcións que, incluídas no ámbito respectivo, lle sexan asignadas.

2. Para o cumprimento das súas funcións, a Subdirección Xeral de Emerxencias e Calidade da Protección Civil contará coas seguintes unidades administrativas:

2.1. Servizo de Xestión do Sistema de Resposta ás Emerxencias.

Este servizo desempeñará, entre outras, as seguintes funcións:

a) A xestión operativa do Centro de Emerxencias 112 Galicia en situacións de emerxencias.

b) O control e supervisión das infraestruturas, equipamentos e sistemas de comunicación e informáticos do Centro de Emerxencias 112 Galicia.

c) Xestión económica e administrativa dos gastos correspondentes á implantación e o mantemento das unidades de intervención de emerxencias.

d) Realización dos correspondentes expedientes de gasto do Centro de Atención de Emerxencias 112 Galicia.

e) A elaboración de protocolos de actuación e xestión de emerxencias do Centro de Atención de Emerxencias 112 Galicia, con suxeición a estándares de calidade.

f) A realización dos estudos e proxectos de dotación de medios e equipamentos de intervención das unidades de intervención en emerxencias.

g) As demais funcións que, incluídas no ámbito respectivo, lle sexan asignadas.

2.2. Servizo de Calidade e Perfeccionamento da Protección Civil.

Este servizo desempeñará, entre outras, as seguintes funcións:

a) A promoción das asociacións e agrupacións de voluntarios de protección civil e o correspondente apoio técnico e económico.

b) O control e xestión dos rexistros relacionados coas agrupacións, asociacións e entidades colaboradoras de protección civil regulamentariamente establecidos.

c) A promoción e coordinación dos cursos, xornadas e seminarios en materia de protección civil en colaboración coa Academia Galega de Seguridade Pública, con suxeición a estándares de calidade.

d) O fomento da autoprotección cidadá e corporativa, a través da programación de campañas divulgativas.

e) A coordinación e, se é o caso, execución de publicacións relacionadas coa protección civil e emerxencias; a execución e a elaboración da información relativa á protección civil da dirección xeral.

f) A planificación e coordinación dos plans e programas dos servizos contra incendios e salvamento local, sen prexuízo das competencias atribuídas por lei ás administracións locais, así como de calquera outra figura de colaboración entre administracións que se cree para a xestión de emerxencias na comunidade autónoma.

g) Elaboración e seguimento dos convenios realizados en materia de protección civil e emerxencias.

h) As demais funcións que, incluídas no ámbito respectivo, lle sexan asignadas.

Sección sétima

Da Dirección Xeral de Administración Local

Artigo 39º.-Competencias.

A Dirección Xeral de Administración Local é o órgano encargado da xestión das competencias que se lle atribúen á Comunidade Autónoma galega nas seguintes materias:

a) Relación coas corporacións locais.

b) Formulación e xestión dos programas formativos en materia de Administración local, a través da Escola Galega de Administracións Pública.

c) Fomento das liñas de colaboración coas entidades locais galegas, no referente á convocatoria

e execución de liñas de subvención destinadas a elas.

d) Execución das competencias que respecto aos funcionarios de Administración local con habilitación de carácter nacional lle correspondan á Comunidade Autónoma de Galicia.

e) Formulación, impulso e xestión de programas con financiamento da Unión Europea e de cooperación transfronteiriza con incidencia no mundo local e no ámbito das competencias da Consellería da Presidencia, Administracións Públicas e Xustiza, facendo especial fincapé nas accións enmarcadas no ámbito da cooperación Galicia-Norte de Portugal.

f) Desenvolvemento da Lei de Administración local de Galicia e demais normativa de réxime local, e o exercicio das competencias que nesa materia lle correspondan á Comunidade Autónoma de Galicia.

g) Impulso do proceso de incorporación do galego á Administración local, en colaboración coa Secretaría Xeral de Política Lingüística

h) Fomento e impulso da incorporación das novas tecnoloxías e de métodos de calidade nas administracións locais galegas.

i) Aqueloutras competencias que, non estando recollidas nas alíneas anteriores, veñan atribuídas a ela pola normativa vixente.

j) As demais funcións que, incluídas no ámbito respectivo, lle sexan asignadas.

Artigo 40º.-Estrutura.

A Dirección Xeral de Administración Local, para o exercicio das súas funcións e competencias, estrutúrase nas seguintes unidades administrativas:

1. Subdirección Xeral de Xestión e Cooperación Económica coas Entidades Locais.

2. Subdirección Xeral de Relacións Xurídico-Administrativas coas Entidades Locais e Desenvolvemento Normativo.

Artigo 41º.-Funcións e estrutura da Subdirección Xeral de Xestión e Cooperación Económica coas Entidades Locais

1. A Subdirección Xeral de Xestión e Cooperación Económica coas Entidades Locais exercerá as seguintes funcións:

a) A proposición e xestión de programas conxuntos coas corporacións locais.

b) A realización das propostas de convocatoria, selección e adxudicación das axudas e subvencións, e de convenios, no ámbito das súas competencias.

c) O fomento da normalización lingüística na Administración local en colaboración coa Secretaría Xeral de Política Lingüística.

d) A preparación de estudos e anteproxectos de disposicións xerais nas materias atribuídas a esta unidade.

e) A elaboración do anteproxecto do orzamento correspondente á Dirección Xeral de Administración Local, así como o seguimento, avaliación e control dos seus programas de gasto.

f) A xestión económica e orzamentaria da dirección xeral.

g) A execución, seguimento e control dos programas europeos e de cooperación transfronteiriza en que participe a Dirección Xeral de Administración Local, así como a elaboración de propostas de actuación neste senso.

h) O impulso na implantación das novas tecnoloxías na Administración local.

i) O fomento e impulso de programas e métodos de implantación da calidade nas administracións locais galegas.

j) A elaboración das correspondentes propostas, a través da Comisión de Heráldica, de escudos e bandeiras das entidades locais galegas.

k) As demais funcións que, incluídas no ámbito respectivo, lle sexan asignadas.

2. Para cumprir as súas funcións, contará coas seguintes unidades:

2.1. Servizo de Xestión e Cooperación Económica, ao cal lle corresponde:

a) A xestión, tramitación e realización das propostas que procedan en canto ás convocatorias, selección e adxudicación das subvencións e axudas que se destinan ás entidades locais galegas, facendo un seguimento da súa xustificación.

b) O estudo do anteproxecto de orzamento correspondente á dirección xeral, así como o seguimento, avaliación e control dos seus programas de gasto.

c) A xestión económica e orzamentaria da dirección xeral.

d) O impulso e a execución de convenios asinados en materia de Administración local.

e) As demais funcións que, incluídas no ámbito respectivo, lle sexan asignadas.

2.2. Servizo de Cooperación coas Entidades Locais, ao cal lle corresponden:

a) As competencias atribuídas á consellería en materia de heráldica das entidades locais galegas.

b) A coordinación das accións encamiñadas á implantación e desenvolvemento das novas tecnoloxías nos entes locais, así como a tramitación das subvencións destinadas para tal fin.

c) A execución, seguimento e control dos programas europeos e de cooperación transfronteiriza en que participe a Dirección Xeral de Administración Local, así como a elaboración de propostas de actuación e implantación de liñas de acción neste senso.

d) As demais funcións que, incluídas no ámbito respectivo, lle sexan asignadas.

Artigo 42º.-Funcións e estrutura da Subdirección Xeral de Relacións Xurídico-Administrativas coas Entidades Locais e Desenvolvemento Normativo.

1. A Subdirección Xeral de Relacións Xurídico-Administrativas coas Entidades Locais e Desenvolvemento Normativo exercerá as seguintes funcións:

a) A execución das directrices da dirección xeral naquelas materias relativas ás relacións coas entidades locais de Galicia, así como con outras administracións autonómicas e estatal.

b) A execución das directrices da dirección xeral naquelas materias relacionadas coa organización, bens, servizos, persoal e réxime xurídico das corporacións locais que lle correspondan á comunidade autónoma de acordo co Estatuto de autonomía de Galicia, sen prexuízo das competencias que nestas materias poidan ser atribuídas a outras consellerías.

c) A elaboración de estudos, informes e proxectos de disposicións xerais nas materias atribuídas á dirección xeral.

d) A execución das competencias que en materia de réxime xurídico lle correspondan á dirección xeral.

e) A formulación, impulso e xestión das accións formativas para funcionarios de Administración local en colaboración coa Escola Galega de Administración Pública e con outras entidades colaboradoras.

f) A xestión do Rexistro de Entidades Locais de Galicia.

g) A elaboración de propostas e a xestión dos expedientes en materia de alteración de termos municipais.

h) A tramitación dos expedientes de creación, modificación, disolución das entidades locais non territoriais, prestándolles a colaboración e o asesoramento necesarios.

i) As demais funcións que, incluídas no ámbito respectivo, lle sexan asignadas.

2. Para cumprir estas funcións, contará coa seguinte unidade administrativa:

2.1 Servizo de Réxime Xurídico e Desenvolvemento Normativo, ao cal lle corresponde:

a) A execución das competencias que, en materia de control de legalidade dos actos e acordos das corporacións locais, lle veñen atribuídas á Comunidade Autónoma de Galicia.

b) O impulso, mediante a elaboración das correspondentes propostas, do desenvolvemento normativo atribuído á Comunidade Autónoma de Galicia en materia de réxime local.

c) A proposta das accións formativas para funcionarios da Administración local que se vaian desenvolver en colaboración con outras entidades.

d) As declaracións de urxente ocupación en materia de expropiación forzosa.

e) A xestión do Rexistro de Entidades Locais de Galicia.

f) A distribución do papel numerado para as actas das distintas corporacións locais.

g) As demais funcións que, incluídas no ámbito respectivo, lle sexan asignadas.

TÍTULO III

Das delegacións provinciais

Artigo 43º.-Ámbito.

En cada unha das provincias da comunidade autónoma existirá unha delegación provincial da Consellería de Presidencia, Administracións Públicas e Xustiza, na cal se integrarán todas as unidades de carácter provincial e territorial situadas no seu ámbito.

Artigo 44º.-Competencias dos delegados provinciais.

1. Os delegados provinciais, máximos representantes da consellería no seu ámbito territorial, serán nomeados mediante decreto da Xunta de Galicia, segundo as previsións contidas no Decreto 244/1990, do 18 de abril, e correspóndelles exercer as funcións e competencias que lles atribúe o Decreto 5/1987, do 14 de xaneiro, as derivadas do establecido nos decretos 87/1990 e 88/1990, do 15 de febreiro, e as que para a representación, xestión e coordinación se expresan seguidamente.

2. Funcións de representación:

a) O exercicio da representación ordinaria do presidente da Xunta de Galicia e do conselleiro de Presidencia, Administracións Públicas e Xustiza no ámbito da súa provincia.

b) A presidencia, en representación da Xunta de Galicia ou do seu presidente, nos actos públicos de carácter xeral da Administración autonómica aos cales asistan na súa provincia, sen prexuízo da precedencia doutras autoridades, de conformidade coas vixentes normas de protocolo.

3. Funcións de xestión:

a) O impulso da xestión, tramitación e, se é o caso, resolución, dos expedientes administrativos relativos ás competencias da Consellería de Presidencia, Administracións Públicas e Xustiza no seu ámbito territorial e ás demais que teña atribuídas por delegación ou en virtude de disposición legal ou regulamentaria.

b) A dirección e control dos servizos relacionados no artigo 7 do Decreto 179/1997, do 10 de xullo, polo que se regula a coordinación nos edificios administrativos da Xunta de Galicia.

4. Corresponderalle á delegación provincial da Consellería de Presidencia, Administracións Públicas e Xustiza a dirección e o control inmediatos da prestación dos seguintes servizos:

a) Rexistro xeral da Xunta de Galicia.

b) Información e Atención ao Cidadán.

c) Servizo médico.

d) Control horario.

e) Identificación do persoal e vehículos que accedan ás dependencias administrativas.

f) Sinalización interior e exterior.

g) Utilización dos espazos comúns, tales como salón de actos, salas de reunións ou aulas de uso xeral.

h) Utilización das dependencias e garaxes dos parques móbiles provinciais.

i) Limpeza, mantemento e conservación das instalacións comúns.

j) Exercicio das funcións que lle son encomendadas á Consellería de Presidencia, Administracións Públicas e Xustiza neste decreto en relación coas redes de voz e datos para uso administrativo.

k) Relación coa oficina de Correos e Telégrafos e servizos postais ou de valixa.

l) Relación coa xunta de persoal de funcionarios.

m) Establecemento das medidas que correspondan en cumprimento da Lei de prevención de riscos laborais e demais normativa na materia, sen prexuízo das atribucións da consellería competente na materia de traballo.

5. Funcións de coordinación:

a) A presidencia de todos os órganos colexiados provinciais integrados na Administración autonómica, sempre que a súa presidencia non estea atribuída a outro órgano.

b) A coordinación do proceso de reforma administrativa, e potenciar o perfeccionamento continuo dos métodos de traballo e de funcionamento da Administración autonómica no ámbito provincial.

c) A coordinación de todos os servizos e unidades administrativas integrados na respectiva delegación provincial.

Artigo 45º.-Estrutura das delegacións provinciais.

1. Para o cumprimento das súas funcións e o exercicio das competencias que lles corresponden, as delegacións da Consellería de Presidencia, Administracións Públicas e Xustiza contarán coas seguintes unidades administrativas con nivel orgánico de servizo:

1.1. Secretaría Provincial: é a unidade á cal lle corresponde o exercicio das seguintes funcións e cometidos:

a) A xefatura de persoal e de réxime interior.

b) A dirección, despacho e proposta de resolución dos asuntos ordinarios.

c) A coordinación das unidades que dependan organicamente da delegación.

d) O exercicio das competencias que, en materia de función pública, sexan desconcentradas.

e) A elaboración do anteproxecto de orzamento da delegación provincial.

f) A xestión, administración e habilitación dos medios económicos e materiais da delegación provincial.

g) A tramitación e a xestión dos expedientes de gasto o control contable e a xustificación dos créditos asignados.

h) A tramitación dos expedientes de contratación administrativa e de subvencións que sexan competencia da delegación provincial.

i) A selección e tramitación das propostas para a cobertura de prazas de funcionarios, interinos e substitucións de persoal laboral de todas as delegacións provinciais no ámbito territorial da correspondente provincia.

j) A coordinación das distintas actuacións que, en materia de reforma administrativa, se leven a cabo na provincia, seguindo as directrices emanadas do delegado provincial e da Dirección Xeral de Calidade e Avaliación das Políticas Públicas.

k) A administración dos edificios e a xestión dos ingresos e a realización dos pagamentos ocasionados pola conservación, mantemento, consumos e outros de carácter xeral común a todas as delegacións ou organismos situados nos edificios.

l) A substitución do delegado provincial nos supostos de vacante, ausencia ou enfermidade deste.

m) As demais funcións que, incluídas no ámbito respectivo, lle sexan asignadas.

1.2. Servizo de Xestión Técnico-Administrativa:

Desenvolverá as funcións propias que sobre a organización e xestión de medios persoais e materiais da Administración de xustiza lle corresponden á Dirección Xeral de Xustiza, así como aqueloutras que lle encomende o delegado provincial.

1.3. Servizo de Asistencia Xurídica Gratuíta:

Desenvolverá as funcións propias da Dirección Xeral de Xustiza en materia de asistencia xurídica gratuíta así como aqueloutras que lle encomende o delegado provincial.

1.4. Servizo de Interior e Administración Local:

Desenvolverá as funcións propias da Dirección Xeral de Interior e da Dirección Xeral de Administración Local así como aqueloutras que lle encomende o delegado provincial.

1.5. Servizo de Protección Civil: desenvolverá as funcións propias da Dirección Xeral de Protección Civil así como aqueloutras que lle encomende o delegado provincial.

1.6. Dependendo da Delegación Provincial da Coruña existirá un Servizo de Obras e Mantemento, e dependendo da Delegación Provincial de Pontevedra, un xefe de Coordinación Administrativa en Vigo.

Non obstante o disposto nos números 3 e 4 do número 1 deste artigo, nas delegacións provinciais de Ourense e Lugo existirá un único servizo que se denominará Servizo de Asistencia Xurídica Gratuíta, Interior e Administración Local.

2. Os servizos correspondentes aos centros directivos dependentes da Presidencia da Xunta de Galicia quedarán integrados organicamente nas delegacións provinciais da Consellería de Presidencia, Administracións Públicas e Xustiza, dependendo funcionalmente da secretaría xeral ou centro directivo correspondente da Presidencia da Xunta de Galicia, sen detrimento da competencia coordinadora que posúen os delegados provinciais en relación con todos os servizos integrados na delegación provincial respectiva.

Artigo 46º.-Gabinetes Xurídicos Territoriais.

De conformidade co establecido no número 2 do artigo anterior existirá, en cada unha das provincias, a seguinte unidade administrativa:

-Gabinete Xurídico Territorial: desenvolverá as funcións que lle encomenda o artigo 14 do Decreto 343/2003, do 11 de xullo, polo que se aproba o Regulamento orgánico da Asesoría Xurídica Xeral da Xunta de Galicia, modificado polo Decreto120/2006, do 20 de xullo, prestando asesoramento xurídico ás delegacións provinciais e autoridades da Administración autonómica.

Artigo 47º.-Comisións coordinadoras de edificios administrativos da Administración autonómica.

Adscritas ás delegacións provinciais da Consellería de Presidencia, Administracións Públicas e Xustiza existirá en cada unha das catro provincias da comunidade autónoma unha comisión coordinadora de edificios administrativos da Administración autonómica que exercerá as funcións previstas no Decreto 179/1997, do 10 de xullo, polo que se regula a coordinación nos edificios administrativos da Xunta de Galicia.

Disposicións adicionais

Primeira.-No non previsto neste decreto, en caso de vacante, ausencia ou enfermidade dos titulares das direccións xerais da Consellería de Presidencia, Administracións Públicas e Xustiza, as competencias atribuídas neste decreto aos correspondentes órganos serán exercidas, temporalmente e mentres persistan aquelas circunstancias, polos directores xerais, seguindo a orde de prelación que se establece no Decreto 232/2005, do 11 de agosto, polo que se fixa a estrutura orgánica dos departamentos da Xunta de Galicia.

Segunda.-No que respecta ás competencias asumidas pola Dirección Xeral de Calidade e Avaliación de Políticas Públicas, as referencias contidas na normativa vixente ás extintas Inspección Xeral de Servizos e Dirección Xeral de Organización e Sistemas Informáticos, entenderanse feitas á Dirección Xeral de Calidade e Avaliación de Políticas Públicas.

Terceira.-O exercicio das competencias e funcións atribuídas neste decreto á Dirección Xeral de Cali

dade e Avaliación de Políticas Públicas e, en concreto, á Subdirección Xeral de Servizos Informáticos e de Telecomunicacións e ao Servizo de Administración Electrónica entenderase sen prexuízo das competencias da Dirección Xeral de Promoción Industrial e da Sociedade de Información.

Cuarta.-Ata transcorridos 6 meses a partir da entrada en vigor deste decreto non serán asumidas pola Dirección Xeral de Función Pública as competencias relativas á materia de incompatibilidades de membros da Xunta de Galicia e altos cargos da Administración autonómica, manténdose ata entón na Dirección Xeral de Calidade e Avaliación de Políticas Públicas.

Disposicións transitorias

Primeira.-Cando, como consecuencia da estrutura orgánica que se establece neste decreto, se modifique a denominación ou contido das subdireccións xerais ou servizos existentes con anterioridade ou se supriman algunhas das ditas unidades, autorízase o conselleiro de Presidencia, Administracións Públicas e Xustiza, por proposta do secretario xeral da consellería, para readscribir o persoal afectado a postos do mesmo nivel ou inferior, sendo de aplicación o establecido no artigo 62.4º da Lei 4/1988, do 26 de maio, da función pública de Galicia.

Segunda.-Nos casos de supresión das subdireccións xerais ou servizos existentes con anterioridade, as unidades e postos de traballo con nivel orgánico inferior ao de servizo continuarán subsistentes e retribuiranse con cargo aos mesmos créditos orzamentarios, ata que se aprobe a nova relación de postos de traballo adaptada á estrutura orgánica establecida neste decreto. As unidades e postos de traballo encadrados nos órganos suprimidos adscribiranse provisionalmente, por resolución do conselleiro por proposta do secretario xeral, aos órganos establecidos neste decreto en función das atribucións que teñen asignadas.

Disposición derrogatoria

Única.-Quedan derrogado o Decreto 578/2005, do 29 de decembro, polo que se establece a estrutura da Consellería de Presidencia, Administracións Públicas e Xustiza, así como cantas disposicións de igual ou inferior rango se opoñan ao establecido neste decreto ou o contradigan.

Disposicións derradeiras

Primeira.-Autorízase o conselleiro de Presidencia, Administracións Públicas e Xustiza para ditar as disposicións necesarias para a execución e desenvolvemento deste decreto.

Segunda.-Este dcreto entrará en vigor o mesmo día da súa publicación no Diario Oficial de Galicia.

Santiago de Compostela, quince de marzo de dous mil sete.

Emilio Pérez Touriño

Presidente

José Luis Méndez Romeu

Conselleiro de Presidencia, Administracións

Públicas e Xustiza