Advertidos varios erros no devandito decreto, publicado no Diario Oficial de Galicia nº 41, do martes 27 de febreiro de 2007, cómpre facer as seguintes correccións:
-No anexo I, II. Datos administrativos, na páxina 2.882, na segunda columna, no derradeiro parágrafo, onde di: «O acontecer histórico quixo que nesta zona se fosen asentando toda unha serie de edificacións que contan per se cunha clara significación emblemática dentro da cidade: a ponte-viaduto da estrada N-120, o edificio conventual reconvertido a cárcere...», debe dicir: «O acontecer histórico quixo que nesta zona se fosen asentando toda unha serie de edificacións que contan per se cunha clara significación emblemática dentro da cidade: a ponte-viaduto da estrada N-120, o edificio da antiga cárcere...».
-No anexo I, III. Descrición, na páxina 2.883, na segunda columna, no tramo G-H, onde di: «aliñación sur da rúa Irmáns Vilar Ponte ata a intersección coa rúa Irmáns Vilar», debe dicir: «aliñación sur da rúa Irmáns Vilar Ponte.».
No tramo H-I, onde di: «aliñación leste da rúa Irmáns Vilar ata a intersección co límite da prolongación da ordenanza AR-37-O», debe dicir: «aliñación leste da rúa Irmáns Vilar Ponte ata a intersección co límite da prolongación da ordenanza AR-37-O».