Con data do 11 de decembro de 2006 acordouse polo Pleno do Concello da Estrada a cesión dun terreo á Comunidade Autónoma de Galicia para o Centro de Estudos Xudiciais e Seguridade Pública.
A Secretaría Xeral e do Patrimonio tramitou o correspondente expediente de aceptación de cesión, de conformidade co disposto nos artigos 16, 17 e 23 da Lei 3/1985, do 12 de abril, do patrimonio da Comunidade Autónoma de Galicia e 33, 34 e 38 do Decreto 50/1989, do 9 de marzo, polo que se aproba o Regulamento para a execución da dita lei.
Na súa virtude, por proposta do conselleiro de Economía e Facenda, logo da deliberación do Consello da Xunta de Galicia, na súa reunión de oito de marzo de dous mil sete,
DISPOÑO:
Artigo 1º
Acéptase a cesión, a título gratuíto e nos termos establecidos no acordo de cesión, feita polo Concello da Estrada, do terreo que se describe como segue:
Nome da leira: A Granxa.
Natureza do inmoble: rústico.
Situación: parroquia de Matalobos.
Lindeiros:
Norte: camiño, e terreo do concello da Estrada.
Sur: camiño Jesús Loureiro Tanoira e outros: José Manuel Deber Vázquez, Francisco Lodeiro Valiñas, Francisco Couceiro Carracedo, herdeiros de Eduardo Quintela e Dolores Paramá, Alicia Carbajal García, Adolfo Renda Cajaraville, herdeiros de José Sánchez e testas de leiras.
Leste: camiño.
Oeste: herdeiros de Eduardo Quintela e Dolores Paramá, herdeiros de José Sánchez Renda, camiño, Elena Budiño Rosendo, Manuel Carbiá Rosendo, Roberto Diéguez Louzao, irmáns Carbia Souto, María López Paramá, Mercedes Bernárdez Bermúdez e terreos do concello da Estrada.
Parcela inscrita no Rexistro da Propiedade da Estrada no tomo 752, libro 622, folio 207, predio 81.107.
Artigo 2º
O destino do inmoble será o Centro de Estudos Xudiciais e Seguridade Pública.
Artigo 3º
A Consellería de Economía e Facenda, a través da Secretaría Xeral e do Patrimonio, procederá á formalización da cesión no correspondente documento público.
Disposición derradeira
A Consellería de Economía e Facenda, a través da Secretaría Xeral e do Patrimonio, levará a termo todos os trámites necesarios para a efectividade deste decreto.
Santiago de Compostela, oito de marzo de dous mil sete.
Emilio Pérez Touriño
Presidente
José Ramón Fernández Antonio
Conselleiro de Economía e Facenda