Dentro das actividades programadas para o ano 2007, e conforme as funcións atribuídas pola Lei 1/2007, do 15 de xaneiro, da Academia Galega de Seguridade Pública, anúnciase a celebración dun seminario de normativa sobre armas, explosivos e artificios pirotécnicos, que deberá desenvolverse conforme as seguintes bases:
Obxectivos.
-Coñecer a normativa relacionada coa temática de armas, explosivos e artificios pirotécnicos.
-Actualizarse na temática que afecta as forzas e corpos de seguridade e en especial a Policía Local.
Destinatarios.
O seminario vai dirixido aos membros das forzas e corpos de seguridade e colectivos interesados na súa temática.
Inscrición e admisión.
A inscrición dos participantes será totalmente gratuíta. A admisión realizarase por rigorosa orde de entrada de solicitudes no rexistro da Academia Galega de Seguridade Pública.
Prazas.
80 prazas.
Solicitudes.
1. O persoal que desexe participar neste seminario deberá presentar, cuberta a máquina ou con letra moi clara, a instancia que figura no anexo.
2. O prazo para a presentación de instancias rematará o día 14 de marzo de 2007, ás 14.00 horas.
3. As instancias deberán enviárselle á Academia Galega de Seguridade Pública, sita na avenida da Cultura, s/n, 36680 A Estrada; ou ben poden entre
38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O seminario realizarase o día 22 de marzo.
O horario será das 9.30 ás 14.00 e das 15.30 ás 19.00 horas, cunha duración de 8 horas lectivas.
Contido.
1. Armas e explosivos, introdución e concienciación.
2. Consideracións de interese policial e análises de casuística operativa sobre armas para a Policía Local.
3. Conceptos básicos sobre o Regulamento de explosivos.
4. Ideas xerais sobre o Regulamento de armas.
Relación de admitidos.
A relación de admitidos farase pública o día 19 de marzo a partir das 14.00 horas, no taboleiro de anuncios da Academia Galega de Seguridade Pública e na páxina web http://agasp.xunta.es, ou ben poden coñecer e confirmar a súa asistencia chamando ao teléfono 986 59 02 41.
Lugar.
O seminario desenvolverase na Academia Galega de Seguridade Pública, sita na avenida da Cultura, s/n, no concello da Estrada.
Certificado de asistencia.
Ao remate do seminario entregaráselles un certificado de asistencia a aquelas persoas que acrediten a súa participación continuada a el.
Modificacións.
A Academia Galega de Seguridade Pública poderá modificar o desenvolvemento do seminario para adaptalo ás necesidades da Administración e ás continxencias que poidan xurdir.
A Estrada, 13 de febreiro de 2007.
Carlos Suárez-Mira Rodríguez
Director xeral da Academia Galega de Seguridade
Pública