A Orde do 30 de xullo de 1997, conxunta das consellerías de Agricultura, Gandería e Montes e de Sanidade e Servizos Sociais, polo que se establece na Comunidade Autónoma de Galicia, a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6º que os ministerios de Agricultura, Pesca e Alimentación e de Sanidade e Consumo comunicarán aos organismos responsables na comunidade autónoma, a homologación dos ditos cursos e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai realizar.
En consecuencia, anúnciase a realización dun curso de aplicadores/manipuladores de praguicidas de uso ambiental e uso na industria alimentaria, nivel básico, homologado polas direccións xerais de Saúde Pública do Ministerio de Sanidade e Consumo e de Agricultura do Ministerio de Agricultura, Pesca e Alimentación, solicitado pola entidade Biocontrol e Calidade Alimentaria, S.L.U., de acordo coas seguintes bases:
1. Denominación do curso.
Curso para a capacitación de aplicadores/manipuladores de praguicidas de uso ambiental e uso na industria alimentaria. Nivel básico.
2. Entidade organizadora.
Biocontrol e Calidade Alimentaria, S.L.U.
3. Data.
Do 26 ao 29 de marzo de 2007.
4. Lugar de celebración.
Antiga Cámara Agraria. Rúa Castelo, 10. Casal-San Xoán. Poio (Pontevedra)
5. Número de prazas.
Máximo 25 alumnos.
6. Dirixido a.
Todo o persoal auxiliar dos servizos de aplicación de praguicidas de uso ambiental e uso na industria alimentaria, non clasificados como moi tóxicos, e persoal de establecementos.
7. Criterios de selección.
Por rigorosa orde de recepción da solicitude de inscrición.
8. Presentación de solicitudes.
Solicitude segundo o modelo do anexo I.
9. Programa.
4. Hixiene e seguridade no manexo e aplicación de praguicidas.
6. Praguicidas e ambiente. Problemas. Destrución de envases
9.1. Preparación de disolucións de produtos.
9.2. Exercicios prácticos.
9.3. Interpretación de pictogramas e etiquetas de praguicidas.
9.4. Boas prácticas de almacenamento de praguicidas.
9.5. Avaliación tipo test.
Día 26
16.00-18.30 horas 1. Praguicidas. Historia. Descrición e xeneralidades. Lexislación I.
Pausa 15 min.
18.45-21.15 horas 2. Xeneralidades sobre pragas ambientais e da industria alimentaria.
Día 27
16.00-18.30 horas 3. Riscos para o home derivados do uso dos praguicidas. Lexislación II.
Pausa 15 min.
18.45-21.15 horas 5. Prevención, diagnóstico e primeiros auxilios na intoxicación por praguicidas
Día 28
16.00-18.30 horas 7. Métodos de loita antivectorial. Técnicas de aplicación.
Pausa 15 min.
18.45-21.15 horas 8. Métodos químicos (DDD). Técnicas de aplicación de praguicidas. Desinfección ambiental. Legionella.
Día 29
16.00-18.30 horas 9. Prácticas.
Pausa 15 min.
18.45-22.15 horas 9.3. Uso adecuado dos medios de protección persoal.
10. Certificado de superación do curso.
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polo alumnos e en caso de superalas expedirá o certificado correspondente, co que poderá solicitar á Dirección Xeral de Saúde Pública da Consellería de Sanidade o carné de aplicador/manipulador de praguicidas de uso ambiental e na industria alimentaria, nivel básico.
Santiago de Compostela, 12 de febreiro de 2007.
Ramón Medina González-Redondo
Director xeral de Saúde Pública
ANEXO I
Ficha de solicitude de inscrición
Curso de capacitación para aplicadores de praguicidas de uso ambiental e uso na industria alimentaria. Nivel básico.
Entidade organizadora: Biocontrol e Calidade Alimentaria, S.L.U.
Datas: 26, 27, 28 e 29 de marzo de 2007.
Lugar de celebración do curso: antiga cámara agraria, rúa Castelo, 10. Casal-San Xoán, Poio (Pontevedra).
Duración: 20 horas teórico/prácticas e 1 hora de exame.
Horario: das 16.00 ás 21.15 horas.
Nº de prazas: 25 alumnos.
Presentación de solicitudes: enviarase a ficha de inscrición por correo avda. Fernández Latorre, 5-9, 2º, oficina 7. 15006 A Coruña. Teléfono: 981 24 54 18. Fax: 981 16 81 59 ou por correo electrónico biocontrol*biocontrolbcl.com, a Biocontrol, S.L., acompañada de:
* Xustificante de ingreso de 290 euros/alumno na conta Biocontrol, S.L. do BBVA co número 0182-2201-47-0201553579.
Data límite de presentación de solicitudes: ata o 23 de marzo de 2007.
Criterio de selección: por rigorosa orde de recepción da solicitude xunto co xustificante de pagamento:
Empresa:
CIF:
Enderezo:
CP:
Localidade:
Teléfono:
Fax:
Correo electrónico:
Apelidos:
Nome:
