A Orde do 14 de xullo de 1998, pola que se desenvolve o sistema básico da Rede Galega de Vixilancia en Saúde Pública, atopa a súa xustificación na necesidade de sintonizar cos avances na creación dunha rede europea de vixilancia epidemiolóxica e de control de enfermidades transmisibles, e de facer fronte á crecente importancia das enfermidades emerxentes e reemerxentes.

No marco da iniciativa europea de eliminar o sarampelo, a Organización Mundial da Saúde (OMS) propón, ademais, a vixilancia da rubéola e mais a síndrome de rubéola conxénita (SRC) segundo a fase de eliminación de sarampelo en que se atope o país. Galicia está na fase coñecida como 3b, de próxima eliminación do sarampelo e prevención da SRC, cunha incidencia de SRC menor do 1 * 10 nacidos vivos e baixo nivel de susceptibilidade ('5%) en mulleres en idade fértil.

As actividades propostas pola OMS neste caso son, pois, notificación individualizada dos casos de

rubéola, confirmación polo laboratorio dos casos sospeitosos de rubéola e estudo dos xenotipos circulantes, vixilancia individualizada dos casos de SRC en nenos de 0 a 11 meses de idade e monitorización da prevalencia de anticorpos fronte á rubéola na poboación de mulleres en idade fértil, para asegurar que se acada e mantén unha baixa proporción de susceptibles ('5%).

Isto significa que, a diferenza do que viña ocorrendo na etapa de redución da enfermidade, para acadar os obxectivos e cumprir coas actividades, vai ser necesario detectar rapidamente cada un dos casos en que se teña a sospeita, coa finalidade de confirmalos polo laboratorio e recoller a información sobre as circunstancias que aínda estean a permitir a transmisión da infección.

Consecuentemente con todo o anterior, e en uso das facultades que me atribúen os artigos 34.6º e 38º da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro,

DISPOÑO:

Artigo único.-Incluír a rubéola e a síndrome de rubéola conxénita na relación de enfermidades que requiren a declaración obrigatoria urxente, recollida

no anexo III da Orde do 14 de xullo de 1998, pola que se desenvolve o sistema básico da Rede Galega de Vixilancia en Saúde Pública.

Disposición derradeira

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 25 de xaneiro de 2007.

Mª José Rubio Vidal

Conselleira de Sanidade