Mediante Resolución do 5 de xuño de 2006 publicáronse as bases reguladoras das axudas do Instituto Galego de Promoción Económica para o Plan de consolidación e competitividade da PEME (DOG nº 112, do 13 de xuño). As mencionadas bases teñen como obxectivo prioritario promover a definición de proxectos empresariais integrais e colectivos para un conxunto de Pemes, nos ámbitos da consolidación, modernización, deseño e innovación tecnolóxica e de xestión, a través da actuación dos organismos intermedios. Tamén se prevé a actuación individualizada das Pemes en diferentes eidos de actuación: deseño industrial, certificación da calidade ou xestión ambiental, empresas familiares e primeira expansión da PEME.

Na súa base 18 establecen que serán obxecto de publicación no Diario Oficial de Galicia as axudas concedidas ao abeiro das ditas bases.

Estas axudas serán financiadas con cargo ás aplicacións orzamentarias 02.02.11/03/01.656450, 02.02.11/03/01.656700 e 02.02.11/03/01.656800 dos orzamentos do Instituto Galego de Promoción Económica.

En virtude do exposto anteriormente,

RESOLVO:

Único.-Darlle publicidade á relación de beneficiarios, que figura como anexo, das axudas concedidas ao abeiro das bases reguladoras das axudas do Instituto Galego de Promoción Económica para o Plan de consolidación e competitividade da PEME.

Santiago de Compostela, 8 de xaneiro de 2007.

José Antonio Delgado Arce

Director xeral do Instituto Galego

de Promoción Económica

ANEXO

CONSELLERÍA DE PRESIDENCIA, ADMINISTRACIÓNS PÚBLICAS

E XUSTIZA