Tendo en conta o cesamento por petición propia de Rosa Mª Pedrosa Pedrosa, como secretaria xeral do Igape, o Consello de Dirección do Igape adoptou no día de hoxe os acordos oportunos que garanticen a continuidade do funcionamento operativo do Igape.
Polo que antecede, e de conformidade coas facultades que teño conferidas,
RESOLVO:
Artigo único.-Publicar a seguinte delegación de facultades no director da Área de Seguimento e Coordinación de Programas do Instituto Galego de Promoción Económica, acordada polo seu Consello de Dirección na súa xuntanza do 1 de febreiro de 2007:
-Todas as funcións e competencias que residian na secretaría xeral, segundo o establecido na normativa e procedementos do Igape, pasarán a ser desempeñadas polo director da Área de Seguimento e Coordinación de Programas con efectos desde o día de hoxe.
Santiago de Compostela, 1 de febreiro de 2007.
José Antonio Delgado Arce
Director xeral do Instituto Galego de
Promoción Económica