Os cambios introducidos polo Decreto 45/2006, do 23 de febreiro, polo que se establece a estrutura orgánica da Consellería de Sanidade, inciden na normativa da Comisión Autonómica do Sistema Acreditador da Formación Continuada dos profesionais sanitarios na Comunidade Autónoma de Galicia.

Coa finalidade de facer os axustes correspondentes, faise necesaria a modificación da orde mencionada.

En virtude do disposto, e de acordo coas atribucións que me confire o artigo 37.6º da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro,

DISPOÑO:

Artigo único.-Modifícase o artigo 2 da Orde do 10 de febreiro de 2000, pola que se desenvolve o procedemento para o nomeamento de membros da Comisión Autonómica do Sistema Acreditador da Formación Continuada dos profesionais sanitarios na Comunidade Autónoma de Galicia, que quedará redactado como segue:

«Artigo 2º

O responsable da Secretaría Técnica nomearase por proposta do director xeral de Aseguramento e Planificación Sanitaria, onde se localizará funcionalmente esta unidade técnica administrativa».

Santiago de Compostela, 11 de xaneiro de 2007.

Mª José Rubio Vidal

Conselleira de Sanidade