Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación de Amigos do Patrimonio de Castroverde, do 28 de novembro de 2006.
Visto o Decreto 45/2001, do 1 de febreiro, de refundición da normativa en materia do Camiño de Santiago, modificado en parte polo Decreto 209/2002, do 13 de xuño.
Visto igualmente o informe da Subdirección Xeral de Protección da Cidade e Camiños de Santiago, emitido de acordo co artigo 23 do mencionado decreto.
Considerando que a solicitude presentada cumpre as normas establecidas no decreto de referencia,
RESOLVO:
Que a Asociación de Amigos do Patrimonio de Castroverde quede inscrita no Rexistro de Entidades de Promoción do Camiño de Santiago co número 169.
Santiago de Compostela, 1 de decembro de 2006.
Felipe Arias Vilas
Director xeral de Patrimonio