Pola Orde do 12 de setembro de 2006 (DOG do 15 de setembro), convocáronse axudas para financiar o mantemento dos servizos de comedor escolar xestionados polas asociacións de nais e pais de alumnos/as de centros públicos dependentes da Consellería de Educación e Ordenación Universitaria para o exercicio 2006.
Cumpridos os trámites previstos na orde de convocatoria e atendendo á proposta do secretario xeral de Educación e Ordenación Universitaria, logo do informe elaborado pola comisión de valoración, esta consellería
RESOLVE:
Primeiro.-Conceder ás entidades que se relacionan no anexo desta orde as axudas polos importes que tamén se especifican.
Segundo.-Denegar as solicitudes presentadas polas entidades que se citan no anexo por non cumpriren o requisito de estar xestionando un servizo de comedor escolar.
Terceiro.-Arquivar as solicitudes formuladas polas entidades que se citan por teren incompleta a documentación a pesar de seren requiridos os interesados para que no prazo de 10 días emendase as faltas ou achegasen os documentos preceptivos, segundo establece o artigo 7 da orde de convocatoria.
Cuarto.-Contra esta resolución poderá interpoñerse recurso potestativo de reposición perante a conselleira de Educación e Ordenación Universitaria no prazo dun mes, a partir do día seguinte da súa publicación no DOG, de acordo co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, ou ser impugnada directamente ante a xurisdición contencioso-administrativa, no prazo de dous meses, perante o Tribunal Superior de Xustiza de Galicia, de acordo co establecido na Lei 29/1998, do 13 de xullo, reguladora da xurisdición contencioso-administrativa.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 28 de novembro de 2006.
Laura Sánchez Piñón
Conselleira de Educación e Ordenación Universitaria