O Decreto 164/2005, do 16 de xuño, crea o rexistro telemático da Xunta de Galicia, que permite a presentación por vía telemática de solicitudes, escritos e comunicacións. Esta orde inclúe no anexo VII do Decreto 164/2005, do 16 de xuño, novos procedementos, co fin de continuar impulsando o emprego de técnicas e medios electrónicos, informáticos e telemáticos no desenvolvemento da actividade da Xunta de Galicia e no exercicio das súas competencias.
De conformidade co disposto no artigo 2.2º e disposición adicional primeira b) e derradeira primeira do Decreto 164/2005, do 16 de xuño, polo que se regulan e determinan as oficinas de rexistro propias ou concertadas da Administración da Comunidade Autónoma de Galicia, créase o Rexistro Telemático da Xunta de Galicia e regúlase a atención ao cidadán,
DISPOÑO:
Artigo único.
1. Inclúense no anexo VII do Decreto 164/2005, do 16 de xuño (procedementos para os que está habilitado o Rexistro Telemático da Xunta de Galicia), e quedan, pois, habilitados cos efectos previstos no seu artigo 5.1º, os seguintes procedementos:
* Indemnización compensatoria para agricultores.
* Solicitude de prima en beneficio dos produtores de ovino e cabrún.
* Solicitude de prima en beneficio dos produtores que manteñan vacas nutrices (art. 125 R(CE) 1782/2003).
* Solicitude de pagamento adicional no sector lácteo (art. 69 R(CE) 1782/2003).
* Solicitude de pagamento adicional a explotacións que manteñan vacas nutrices (art. 69 R(CE) 1782/2003).
* Axudas por superficies.
* Admisión ao réxime de pagamento único por explotación.
* Axuda ao réxime de pagamento único por explotación.
2. Os procedementos para a tramitación electrónica estarán dispoñibles no enderezo http://www.xunta.es/servicios/.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 24 de novembro de 2006.
José Luis Méndez Romeu
Conselleiro de Presidencia, Administracións
Públicas e Xustiza
CONSELLERÍA DE POLÍTICA TERRITORIAL, OBRAS PÚBLICAS
E TRANSPORTES
