A Lei orgánica 6/2001, do 21 de decembro, de universidades (artigo 8.2º) establece que a implantación e supresión de ensinanzas conducentes á obtención de títulos universitarios de carácter oficial e validez en todo o territorio nacional, serán acordadas pola comunidade autónoma correspondente.

Polo Decreto 51/2006, do 23 de marzo, DOG nº 61 do 28 de marzo, autorízase a implantación de estudos universitarios oficiais de posgrao nas universidades do sistema universitario de Galicia, conducentes aos títulos de mestrado que nel se indican; e habilítase expresamente a conselleira de Educación e Ordenación Universitaria para ditar as disposicións necesarias para o desenvolvemento deste decreto.

Para este fin, as universidades deberán xustificar e especificar previamente, ante a consellería, a contratación de profesores mantendo as ratios de calidade e de profesor/alumno así como os requisitos relativos aos espazos que se establecen no Decreto 259/1994, do 29 de xullo, polo que se establece o procedemento para a creación e recoñecemento de universidades, centros universitarios e autorización de estudos na Comunidade Autónoma de Galicia.

Cumprido este trámite polas universidades galegas, procede autorizar a posta en funcionamento dos estudos oficiais de posgrao establecidos no Decreto 51/2006, do 23 de marzo, e confirmados polas universidades correspondentes.

Esta orde consta dun artigo e dunha disposición derradeira. O artigo 1 autoriza a posta en funcionamento dos estudos que se relacionan nos anexos I, II e III e que corresponden aos programas oficiais de posgrao únicos das universidades da Coruña, de Santiago de Compostela e de Vigo respectivamente e o anexo IV que corresponde aos programas oficiais de posgrao interuniversitarios, e a disposición derradeira regula a entrada en vigor da orde.

Polo anterior, de conformidade co Decreto 585/2005, do 29 de decembro, polo que se aproba a estrutura orgánica da Consellería de Educación e Ordenación Universitaria, por proposta da Dirección Xeral de Ordenación e Calidade do Sistema Universitario de Galicia, esta consellería

DISPÓN:

Artigo 1º

Autorízanse as universidades do sistema universitario de Galicia con efectos do curso académico 2006/2007 para a impartición das ensinanzas corres

pondentes aos programas oficiais de posgrao ao abeiro do Decreto 51/2006, do 23 de marzo (DOG nº 61, do 28 de marzo), polo que se autoriza a implantación de estudos universitarios oficiais de posgrao nas universidades do sistema universitario de Galicia e que se relacionan nos anexos I, II, III e IV desta disposición.

Disposición derradeira

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 8 de novembro de 2006.

Laura Sánchez Piñón

Conselleira de Educación e Ordenación Universitaria

ANEXO I

UNIVERSIDADE DA CORUÑA

ANEXO II

UNIVERSIDADE DE SANTIAGO DE COMPOSTELA

ANEXO III

UNIVERSIDADE DE VIGO

ANEXO IV

PROGRAMAS INTERUNIVERSITARIOS