A Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, no seu artigo 51 sinala a obriga de que os prezos privados sexan fixados polas consellerías correspondentes, logo do informe favorable da Consellería de Economía e Facenda, e publicados no Diario Oficial de Galicia.

Para cumprir este mandado e despois de emitir o informe favorable pola Consellería de Economía e Facenda, esta consellería

DISPÓN:

Artigo único.

1. Quedan aprobados os prezos privados de venda ao público dos obxectos dos museos xestionados por esta consellería que se relacionan no anexo.

2. Estes prezos entenderanse, de ser o caso, con IVE incluído.

Santiago de Compostela, 9 de outubro de 2006.

Ánxela Bugallo Rodríguez

Conselleira de Cultura e Deporte

ANEXO

Relación de obxectos dos que se aproban os prezos privados de venda ao público:

Museo das Peregrinacións (Santiago de Compostela).

Cordóns para teléfono móbil: 1,50 euros.

Tarxeteiro: 6,00 euros.

Caderno pequeno: 7,50 euros.

Caderno grande: 10,00 euros.

Marcapáxinas: 1,00 euros.