O punto 1 do artigo 12º da Orde do 27 de decembro de 2005 pola que se articulan axudas no marco do Programa de Mellora Gandeira de Galicia, relativo ás xustificacións, (DOG 29-12-2005) establece que as xustificacións técnicas e económicas da realización do programa deberán presentarse antes do 15 de novembro.

Tendo en conta que nas liñas de axuda seguintes:

-Artigo 14º.-Programas de xestión zootécnica.

-Artigo 15º.-Programas de planificación zoosanitaria.

-Artigo 18º.-Axudas de apoio aos libros xenéticos da raza bovina frisona e das razas autóctonas de Galicia.

-Artigo 19º.-Axudas destinadas á realización de probas para determinar a calidade xenética ou o rendemento do gando vacún leiteiro as actividades subvencionables rematan o 31 de decembro. Para que as entidades solicitantes poidan xustificar os gastos en nóminas do persoal contratado dos meses de novembro e decembro é preciso modificar a data máxima de presentación destas xustificacións.

Para que sexa posible a tramitación das axudas e que a xustificación dos gastos subvencionables poida dar lugar ao recoñecemento de obrigas antes do 30 de decembro, conforme a normativa orzamentaria, é preciso que o órgano xestor dispoña desta documentación antes do 15 de decembro.

Polo que,

DISPOÑO:

Modificar o punto 1 do artigo 12º da Orde do 27 de decembro de 2005 pola que se articulan axudas

no marco do Programa de Mellora Gandeira de Galicia, engadíndolle o seguinte parágrafo final:

Para as axudas recollidas nos artigos 14º, 15º, 18º e 19º desta orde as xustificacións de gastos en nóminas de persoal contratado polas entidades solicitantes para desenvolver as actuacións subvencionables poderán presentarse ata o 15 de decembro, mediante a súa entrega a Direción Xeral de Produción, Industrias e Calidade Agroalimentaria.

Santiago de Compostela, 19 de outubro de 2006.

Alfredo Suárez Canal

Conselleiro do Medio Rural