A Orde do 27 de abril de 2006, desta consellería, pola que se regula a concesión de axudas para o desenvolvemento, nas zonas dependentes da pesca, de pequenas empresas de servizos, turísticas e artesanais de actividades produtivas vinculadas ao mar, publicada no Diario Oficial de Galicia nº 92, do 15 de maio, establece no parágrafo primeiro do seu artigo 11º a data límite para a realización da actividade axudada.
Non obstante, co fin de que os beneficiarios destas axudas poidan contar cun prazo suficiente para pode
ren realizar a actividade subvencionada, en uso das facultades que me foron conferidas,
DISPOÑO:
Artigo único.-Modifícase o primeiro parágrafo do artigo 11º, que queda redactado como segue:
«O prazo en que debe ser realizada a actividade axudada será fixado na resolución de concesión da axuda, sen que en ningún caso poida exceder o 30 de novembro de 2006».
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 13 de outubro de 2006.
Carmen Gallego Calvar
Conselleira de Pesca e Asuntos Marítimos
AXENCIA PARA A CALIDADE DO SISTEMA UNIVERSITARIO
DE GALICIA