A disposición adicional primeira da Orde do 15 de maio de 2001, DOG do 26 de xuño, establece a prioridade para a admisión dos alumnos que cursen simultaneamente ensinanzas regradas de música e ensinanzas de réxime xeral nos centros que aparecen relacionados no seu anexo e nos concellos que nel se sinalan.
Considerando que o centro máis próximo ao conservatorio profesional de música de Ferrol, tras o seu traslado de edificio e cambio de enderezo no curso 2004/2005, é o instituto de educación secundaria Ricardo Carballo Calero; e tendo en conta os informes favorables da Dirección Xeral de Formación Profesional e Ensinanzas Especiais e da Inspección Educativa.
E en virtude das competencias que figuran no artigo 1 do Decreto 585/2005, do 29 de decembro, polo que se establece a estrutura orgánica da Consellería de Educación e Ordenación Universitaria, así como polas atribuídas no punto 1 da disposición adicional segunda do Decreto 253/1993, do 29 de xullo, polo que se establece o currículo do grao elemental e do grao medio das ensinanzas de música e o acceso aos ditos graos, por proposta da Dirección Xeral de Ordenación e Innovación Educativa, esta consellería
DISPÓN:
Primeiro.-Modificar parcialmente o anexo da Orde do 15 de maio de 2001 pola que se establecen accións encamiñadas a facilitar a simultaneidade dos estudos de grao medio das ensinanzas de música reguladas polo Decreto 253/1993, do 29 de xullo, cos de educación secundaria obrigatoria, bacharelato
e nivel III do ensino básico para as persoas adultas, segundo figura no anexo á presente orde.
Segundo.-Esta orde entrará en vigor o vindeiro curso 2007/2008.
Santiago de Compostela, 6 de outubro de 2006.
Laura Sánchez Piñón
Conselleira de Educación e Ordenación Universitaria
ANEXO
Concellos que contan con conservatorios ou centros autorizados para impartir con carácter definitivo o grao medio das ensinanzas de música.
PROVINCIA CONCELLO CENTRO
A CORUÑA ARZÚA IES. DE ARZÚA
CORUÑA, A IES. SALVADOR DE MADARIAGA
FERROL IES. RICARDO CARBALLO CALERO
NOIA IES. CAMPO DE SAN ALBERTO
PONTES DE GARCÍA RGUEZ., AS IES. MONCHO VALCÁRCEL
LUGO LUGO IES. SANXILLAO
MONFORTE DE LEMOS IES. RÍO CABE
SARRIA IES. GREGORIO FERNÁNDEZ
VILALBA IES. SANTIAGO BASANTA SILVA
VIVEIRO IES. VILAR PONTE
OURENSE OURENSE IES. PORTOVELLO
PONTEVEDRA LALÍN IES. RAMÓN Mª ALLER ULLOA
PONTEVEDRA IES. VALLE INCLÁN
VILAGARCÍA DE AROUSA IES. ARMANDO COTARELO VALLEDOR
VIGO IES. DO CASTRO