De conformidade co establecido no artigo 18.1º da Lei 38/2003, do 17 de novembro, xeral de subvencións, no artigo 78.8º do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, e de acordo co disposto no artigo 9 da Resolución do 28 de setembro de 2006, pola que se procede á publicación das subvencións concedidas en virtude da Resolución do 9 de xuño de 2006 pola que se establecen as subvencións para o desenvolvemento de programas de integración laboral destinados a persoas retornadas e inmigrantes e se procede á súa convocatoria, procédese á publicación das axudas concedidas ao abeiro da devandita resolución de convocatoria.

Finalidade da axuda: estas axudas teñen como finalidade promover e fomentar a integración laboral das persoas retornadas e inmigrantes, mediante o financiamento de programas e accións de apoio á inserción laboral destes colectivos migrantes, realizados por asociacións e entidades sen ánimo de lucro que desenvolvan actividades neste ámbito.

Norma reguladora: Resolución do 9 de xuño de 2006 pola que se establecen as subvencións para o desenvolvemento de programas de integración laboral destinados a persoas retornadas e inmigrantes e se procede á súa convocatoria (Diario Oficial de Galicia nº 115, do 16 de xuño).

Aplicación orzamentaria: 04.50.213A.480.0.

Crédito orzamentario: 200.000 euros.

Asociacións e entidades beneficiarias con indicación do importe da axuda concedida a cada unha delas, por orde alfabética: figuran no anexo.

Santiago de Compostela, 27 de setembro de 2006.

Manuel Luis Rodríguez González

Secretario xeral de Emigración

ANEXO