Na data do 29 de setembro de 2006, publícase no Diario Oficial de Galicia nº 189, a Orde do 28 de setembro de 2006 pola que se determinan os servizos mínimos dirixidos a garantir os servizos esenciais durante a folga convocada polos traballadores de empresas auxiliares do complexo ambiental de Cerceda, que comezará o vindeiro día 2 de outubro de 2006 e se estenderá desde a dita data con carácter indefinido.
Ata a data de hoxe, os servizos mínimos fixados pola Orde do 28 de setembro de 2006 resultaron suficientes para que non se vise comprometida a continuidade da prestación do servizo público de xestión de residuos urbanos.
Non obstante o anterior, o 15 de outubro de 2006 produciuse un incidente na planta de reciclaxe, tratamento e elaboración de combustible que obrigou a parar completamente a súa actividade, imposibilitando a continuidade da prestación do servizo público protexido mediante a referida Orde do 28 de setembro de 2006. A planta de reciclaxe, tratamento e elaboración de combustible é a encargada de fabricar, a partir dos residuos que chegan ao complexo, o combustible derivado dos residuos (tecnicamente chamado CDR), que é o que logo se queima na planta termoeléctrica. Polo tanto, se esta instalación queda fóra de servizo, o tratamento dos residuos no complexo é imposible, pois a mencionada planta termoeléctrica non pode queimar os residuos sen a transformación previa neste combustible CDR. Este feito fai imprescindible, unha vez oído o Comité de folga (artigo 1 do Decreto 155/do 9 de xuño), a ampliación dos efectivos incluídos na Orde do 28 de setembro de 2006, para o depósito temporal no
persoal que se especifica na presente orde durante as horas de folga.
Con base no anterior e de conformidade co disposto na Lei 1/1983, do 22 de febreiro, reguladora da Xunta e do seu presidente e no Decreto 155/1988, do 9 de xuño, polo que se ditan as normas para garantir a prestación dos servizos esenciais no ámbito da comunidade autónoma,
DISPOÑO:
Artigo único.-Modifícase o artigo 1 da Orde do 28 de setembro de 2006 pola que se determinan os servizos mínimos dirixidos a garantir os servizos esenciais durante a folga convocada polos traballadores de empresas auxiliares do complexo ambiental de Cerceda, que comezará o vindeiro día 2 de outubro de 2006 e se estenderá desde a dita data con carácter indefinido, no sentido de ampliar polas razóns expostas os servizos mínimos correspondentes ao depósito temporal, mantendo inalterable os restantes termos deste artigo, e que queda redactada como segue:
«Artigo 1º.
A convocatoria de folga que afecta os traballadores das empresas auxiliares do complexo ambiental de Cerceda que se iniciará o vindeiro día 2 de outubro de 2006 e que se estenderá desde a dita data con carácter indefinido, enténdese condicionada ao mantemento dos servizos mínimos que se establecen a continuación:
-Planta de reciclaxe, tratamento e elaboración de combustible.
Pulpista: 1 por quenda.
1 axente de circulación e 1 axudante en quenda de mañá e 1 axente de circulación e 1 axudante en quenda de tarde.
Triadores: 4 por quenda.
Rondista: 1 por quenda.
Xefe de quenda: 1 por quenda.
Operadores de planta: 1 por quenda.
Operador de pa: 1 por quenda.
Condutor camión: 1 por quenda.
Operario secadoiro: 1 por quenda.
Operario trituradoras: 1 por quenda.
Se os paros se prolongan máis dunha semana incluirá persoal de mantemento mecánico: 1 encargado e 2 oficiais.
-Bolsa amarela.
Encargado: 1 en quenda de mañá e 1 en quenda de tarde.
-Planta de coxeneración. Planta termoeléctrica.
Comúns.
Xefe de quenda: 1 por quenda.
Operador: 1 por quenda.
Rondista: 1 por quenda.
Ensacado de cinzas: 1 xefe de quenda por quenda.
Ensacado de cinzas: 2 en quenda de mañá e 2 en quenda de tarde.
Condutor de cinzas: 1 en quenda de mañá e 1 en quenda de tarde.
Escouras: 1 por quenda.
Retén: 2 por quenda.
-Depuradoras.
CMC. 1 por quenda.
Depósito temporal: 1 por quenda.
-Control de accesos CMC.
Control de accesos: 1 por quenda.
-Depósito temporal.
Control de entrada: 1 por quenda.
Encargado: 1 por quenda.
2 condutores de camión por quenda de traballo.
2 operadores de pa por quenda de traballo».
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 16 de outubro de 2006.
Manuel Vázquez Fernández
Conselleiro de Medio Ambiente e
Desenvolvemento Sostible