A Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, no se artigo 51, establece as obrigas de que os prezos privados os fixen as consellerías correspondentes, logo do informe favorable da Consellería de Economía e Facenda, e de que tales prezos se publiquen no Diario Oficial de Galicia.
En cumprimento deste mandato legal, e unha vez emitido o preceptivo informe favorable da Consellería de Economía e Facenda, esta consellería
DISPÓN:
Artigo único.
1. Queda aprobado o prezo de venda ao público das publicacións editadas polo Instituto Enerxético de Galicia que se consignan no anexo desta orde.
2. No prezo atópase incluído o imposto sobre o valor engadido.
Santiago de Compostela, 15 de setembro de 2006.
Fernando X. Blanco Álvarez
Conselleiro de Innovación e Industria
ANEXO
-Balance Enerxético de Galicia 2004: 6 euros.