Pola presente resolución e en cumprimento do establecido no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro), e por ser devolta polo servizo de correos por mor de resultar descoñecido no domicilio, notifícaselle ao interesado José Francisco Barros Dias de Acebedo, que ten os datos persoais e o último domicilio coñecido que figuran no anexo, a resolución do expediente sancionador en materia de sanidade animal SAN-OU-0002/2006-MP.
O interesado poderá examinar a resolución completa no Servizo de Sanidade Animal da Consellería do Medio Rural situada en San Caetano s/n, CP 15781 Santiago de Compostela.
Contra a resolución, que non lle pon fin á vía administrativa, poderá o interesado interpoñer recurso de alzada ante o conselleiro do Medio Rural no prazo dun mes, contado a partir do día seguinte ao da publicación da presente resolución, de conformidade co disposto no artigo 115 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 18 de setembro de 2006.
Antonio Santiago Oca Fernández
Director xeral de Produción, Industrias
e Calidade Agroalimentaria
ANEXO
Expediente nº: SAN-OU-0002/2006-MP.
Denunciado: José Francisco Barros Dias de Acebedo.
Último enderezo coñecido: Montemaior. San Miguel-Vilaverde (Portugal).
Feito denunciado: non ter o libro de movemento pecuario.
Data do acordo de incoación: 12-1-2006.
Resolución: declárase caducado o expediente sancionador SAN-OU-0002/2006-MP, seguido contra José Francisco Barros Dias de Acebedo, e ordénase o arquivo do actuado, sen prexuízo de que se poida incoar un novo procedemento sancionador, se non prescribise a infracción.