A Dirección Xeral da Función Pública recibiu do Xulgado do Contencioso-Administrativo número tres da Coruña, providencia pola que se admite a trámite a demanda tramitada polo procedemento abreviado nº 217/2006, formulada por Ana María Carril Cuesta contra a resolución da Consellería de Presidencia, Administracións Públicas e Xustiza do 20 de xaneiro de 2006, pola que se desestima o recurso de reposición formulado contra a Orde do 14 de novembro de 2005 pola que se convocan para a elección de destino definitivo os funcionarios que superaron os procesos selectivos convocados polas ordes do 8 de outubro, 29 de novembro e 18 de decembro de 2001 para o ingreso nos distintos corpos/escalas da administración especial da Xunta de Galicia.

En consecuencia, esta dirección xeral acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao refe

rido xulgado, o que se notifica para xeral coñecemento de todas as persoas interesadas no procedemento e se emprazan para que poidan comparecer como parte nos autos no Xulgado do Contencioso-Administrativo número tres da Coruña no prazo de 9 (nove) días, contados desde o seguinte ao da publicación da presente resolución no Diario Oficial de Galicia.

Santiago de Compostela, 12 de setembro de 2006.

P.A.

Víctor Gallego Vincent

Subdirector xeral de Réxime Xurídico

e Relacións Laborais