A Resolución do 21 de xullo de 2006 (Diario Oficial de Galicia nº 145, do 28 de xullo) establece as bases que regulan o concurso público de méritos para a selección de profesorado bolseiro de lingua, literatura e cultura galegas para as seguintes universidades: Complutense de Madrid, Barcelona -Central- e País Vasco, en España; Padua, en Italia;
Trier, en Alemaña; Sorbonne Nouvelle París III, en Francia; Birmingham, Bangor e Stirling, no Reino Unido e Federal da Bahía, en Brasil.
Visto o informe e a proposta presentados pola comisión de valoración constituída ao abeiro do artigo 8º da devandita resolución, acompañados da aceptación expresa por parte dos candidatos propostos, esta secretaría, en uso das atribucións que lle confire a disposición adicional segunda, letra c), do Decreto 44/2006, do 2 de marzo, de estrutura orgánica dos órganos superiores dependentes da Presidencia da Xunta de Galicia,
DISPÓN:
Artigo 1º
Nomear profesores/as bolseiros/as de lingua, literatura e cultura galegas, con destino nas universidades que se especifican e coas condicións establecidas na resolución da convocatoria, as persoas relacionadas no anexo I.
Artigo 2º
Declarar deserta a praza da Universidade de Bangor, xa que o único candidato que obtivo a puntuación mínima exixida na convocatoria solicitou en primeiro lugar a Universidade de Trier e obtivo praza na dita universidade.
Artigo 3º
Aprobar a relación de excluídos que se especifica no anexo II, con indicación da causa que orixina a súa exclusión.
Artigo 4º
Contra esta resolución, que pon fin á vía administrativa, os/as interesados/as poderán interpoñer recurso potestativo de reposición perante o/a titular da Secretaría Xeral de Política Lingüística, no prazo dun mes, que se contará a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 4/1999, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, recurso contencioso-administrativo ante o Tribunal Superior de Xustiza de Galicia, no prazo de dous meses, contados a partir do día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 26 de setembro de 2006.
María Sol López Martínez
Secretaria xeral de Política Lingüística
ANEXO I
Nomeamento de profesorado bolseiro de lingua, literatura e cultura galegas
Universidade Apelidos e nome NIF
Universidade do País Vasco Mociño González, Isabel 44447042-W
Universidade Complutense de Madrid Pascual Rodríguez, Roberto 44472699-Z
Universidade de Barcelona Veiga Novoa, Kristal 53176359-Z
Universidade Sorbonne Nouvelle París III Gómez Castro, Sonia 34266337-V
Universidade de Trier Raposo Mera, Santiago 44812121-W
Universidade de Birmingham Novo Otero, María Fe 33318163-H
Universidade de Padua González Lousada, Francisco 53168948-D
Universidade Federal da Bahía Fernández Bernárdez, María 36172662-X
Universidade de Stirling Cid Fernández, Xabier 34976779-N
ANEXO II
Relación de excluídos
Apelidos e nome Motivo
Blanco Carreira, Natalia Non presenta proxecto
Cortizas Leira, Antía Non acredita a titulación exixida
Díaz González, Guadalupe Solicitude entregada fóra de prazo
Lareu Riveiro, Ramón Ángel Solicitude entregada fóra de prazo
Loureiro Rodríguez, Cristina Renuncia
Pérez González, David Non acredita a titulación exixida