DOG 190 do 02/10/2006 - RESOLUCIÓN do 20 de setembro de 2006, do tribunal designado para xulgar o proceso selectivo para o ingreso no corpo facultativo superior da Xunta de Galicia (grupo A), escala de enxeñeiros industriais, convocado pola Orde do 26 de decembro de 2005 (Diario Oficial de Galicia número 5, do 9 de xaneiro de 2006), pola que se fai pública a data, a hora e o lugar de realización do primeiro exercicio da fase de oposición.

IV. OPOSICIÓNS E CONCURSOS

CONSELLERÍA DE PRESIDENCIA, ADMINISTRACIÓNS PÚBLICAS E XUSTIZA

RESOLUCIÓN do 20 de setembro de 2006, do tribunal designado para xulgar o proceso selectivo para o ingreso no corpo facultativo superior da Xunta de Galicia (grupo A), escala de enxeñeiros industriais, convocado pola Orde do 26 de decembro de 2005 (Diario Oficial de Galicia número 5, do 9 de xaneiro de 2006), pola que se fai pública a data, a hora e o lugar de realización do primeiro exercicio da fase de oposición.

En sesión que tivo lugar o día 20 de setembro de 2006, o tribunal designado polas ordes do 30 de abril e do 19 de xullo de 2006, para cualificar o proceso selectivo para o ingreso no corpo facultativo superior da Xunta de Galicia (grupo A), escala de enxeñeiros industriais, acordou, de conformidade co disposto na base II.1 da convocatoria, que o primeiro exercicio da fase de oposición se realice o día 14 de outubro de 2006, na aula nova da Facultade de Dereito da Universidade de Santiago de Compostela (rúa Mestre Mateo, campus universitario), en chamamento único que se iniciará ás 9.00 horas.

As/os aspirantes deberán ir provistas/os de DNI ou documento fidedigno acreditativo da súa identidade, a xuízo do tribunal, lapis do nº 2 e goma de borrar.

Non se permitirá a entrada ao exame levando teléfonos móbiles, axendas electrónicas ou calquera outro material ou instrumento do que se poida valer a/o aspirante para auxiliarse na realización do exercicio.

Santiago de Compostela, 20 de setembro de 2006.

Juan Luis Ecénarro Tomé

Presidente do tribunal