Por Orde do 5 de xullo de 2006 (Diario Oficial de Galicia do 12 de xullo) elevouse a definitiva a proposta de aspirantes que superaron o proceso selectivo, convocado pola Orde do 19 de decembro de 2003 para o acceso á categoría 050 (técnico/a especialista en xardín de infancia) do grupo III.

De acordo co disposto na orde de convocatoria, esta consellería

DISPÓN:

Convocar os aspirantes que superaron o proceso selectivo para o ingreso na categoría sinalada no anexo I desta orde para a elección de destino, en único chamamento, no salón de actos pequeno da Consellería de Presidencia, Administracións Públicas e Xustiza, o vindeiro día 6 de outubro de 2006 ás 12.00 horas.

A orde de elección de destino dos aspirantes virá dada pola orde de prelación resultante do proceso selectivo, tal e como aparece recollido no anexo I desta orde. Os destinos ofertados serán os que figuran no anexo II.

Os postos de traballo adxudicados terán a natureza de destino definitivo.

Os aspirantes que non comparezan persoalmente poderán ser representados por terceiras persoas con poder suficiente.

Aos aspirantes que non comparezan persoalmente ou por medio de representante seralles adxudicado en destino definitivo o primeiro posto non adxudicado atendendo á orde de publicación destes e á orde de prelación obtida no proceso selectivo, unha vez concluído o proceso de adxudicación dos postos.

Os aspirantes que superasen o acceso á dita categoría, e que estean prestando os seus servizos noutra categoría, corpo ou escala da Xunta de Galicia, elixirán destino ou, de non facelo, pasarán á situación de excedencia voluntaria por incompatibilidade na categoría en que superaron o proceso selectivo, de acordo co artigo 24.5º do IV convenio colectivo único para o persoal laboral da Xunta de Galicia. Neste último caso deberán presentarse ao chamamento cun certificado do responsable da unidade de persoal no cal conste que o interesado presta servizos na actualidade.

Contra esta orde, que pon fin á vía administrativa, os aspirantes que accedan pola quenda de promoción interna poderán presentar reclamación previa á vía xudicial laboral no prazo dun mes contado desde

o día seguinte ao da súa publicación no DOG, conforme os artigos 69 e seguintes do Real decreto lexislativo 2/1995, do 7 de abril, e os aspirantes que accedan pola quenda de acceso libre poderán interpoñer con carácter potestativo recurso de reposición ante o conselleiro de Presidencia, Administracións Públicas e Xustiza, no prazo dun mes contado desde o día seguinte ao da publicación desta orde, ou directamente recurso contencioso-administrativo, no prazo de dous meses contados desde o día seguinte ao da súa publicación, ante o Xulgado do Contencioso-Administrativo de Santiago de Compostela, conforme os artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 27 de setembro de 2006.

José Luis Méndez Romeu

Conselleiro de Presidencia, Administracións

Públicas e Xustiza

ANEXO I

Grupo III-Categoría 050 (técnico/a especialista en xardín de infancia).

Promoción interna

Acceso libre

ANEXO II

Grupo III-Categoría 050 (Técnico/a especialista en xardín de infancia)