A orde da Consellería de Innovación e Industria do 31 de xullo de 2006 (DOG nº 158, do 17 de agosto), aproba as bases que rexerán a convocatoria de axudas correspondentes a diversas accións formativas do Programa de Recursos Humanos, no marco do Plan Galego de Investigación, Desenvolvemento e Innovación Tecnolóxica de Galicia (2002-2005) para o ano 2006.

No punto 2 do anexo III, punto 3 do anexo V e puntos 3 e 5 do anexo VI da mencionada orde de convocatoria determinábanse os requisitos que deberían cumprir os candidatos.

Na súa virtude, e atendendo a proposta elaborada pola comisión de avaliación establecida no artigo 4 da Orde do 31 de xullo de 2006 (DOG nº 158, do 17 de agosto), esta consellería

RESOLVE:

Primeiro.-Concederlles as axudas correspondentes ás universidades do SUG que contraten os candidatos seleccionados que se relacionan nos anexo I, II e III desta orde. As axudas financiaranse con cargo ás aplicacións orzamentarias 10.02.432B.740.0 (anexo III), 10.02.432B.480.0 (anexo V) dos orzamentos xerais da Comunidade Autónoma de Galicia para os anos 2006, 2007 e 2008 e 10.02.432B.480.0 (anexo VI) dos orzamentos xerais da Comunidade Autónoma de Galicia para os anos 2006 e 2007.

Segundo.-A inobservancia por parte dos beneficiarios de calquera das bases establecidas na orde de convocatoria do 31 de xullo de 2006 (DOG nº 158, do 17 de agosto) suporá a perda do dereito a percibir a axuda correspondente.

Terceiro.-Contra esta resolución poderán os interesados interpoñer recurso potestativo de reposición perante o conselleiro de Innovación e Industria, no prazo dun mes que comenzará a contar a partir do día seguinte ao da publicación desta resolución no Diario Oficial de Galicia. De non estimar a interposición deste recurso, poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 22 de setembro de 2006.

Fernando Xabier Blanco Álvarez

Conselleiro de Innovación e Industria

ANEXO I

42 axudas concedidas para prórrogas de contratación de doutores en organismos públicos de investigación da CCAA de Galicia (Programa Isidro Parga Pondal) no ano 2004 (anexo III)

ANEXO II

78 axudas concedidas para a transformación en contratos predoutorais de formación de doutores en organismos públicos de investigación da CCAA de Galicia das bolsas predoutorais (1ª prórroga) correspondentes á convocatoria do ano 2005 (anexo V)

ANEXO III

59 axudas para a transformación en contratos predoutorais de formación de doutores en organismos públicos de investigación da CCAA de Galicia das bolsas predoutorais (2ª prórroga) correspondentes á convocatoria do ano 2004 (anexo VI)