Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se cita:
Solicitante: Eléctrica de Catoira, S.A.
Domicilio social: cño. Gondar 5, 36612 Catoira.
Denominación: reforma L.M.T. de C.T. Dimo a C.T. Coaxe.
Situación: concello de Catoira.
Características técnicas: L.M.T. aérea a 20 kV con condutor LA-56 de 1.279 m de lonxitude, con orixe no C.T. Dimo e final no C.T. Coaxe. A instalación está situada nos lugares do Dimo e Coaxe, concello de Catoira.
Todas aquelas persoas ou entidades que se consideren afectadas poderán presentar as súas alegacións, nesta delegación provincial, rúa Eduardo Pondal 64, 36071 Pontevedra, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 18 de setembro de 2006.
Montserrat Prado Cores
Delegada provincial de Pontevedra