En cumprimento do disposto no artigo 2.4º do Decreto 327/1991, do 4 de outubro, de avaliación dos efectos ambientais para Galicia (Diario Oficial de Galicia nº 199, do 15 de outubro), en relación co artigo 86.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, durante o prazo de vinte días hábiles, someterase o estudo de efectos ambientais ao trámite de información pública, mediante anuncio no Diario Oficial de Galicia. Na súa virtude,

RESOLVO:

Someter a información pública, por un prazo de vinte días hábiles, contados desde o seguinte ao da publicación desta resolución, o estudo de efectos ambientais e o plan de restauración do proxecto de concesión de explotación derivada de permiso de investigación Pedra Pais 01 fracción I nº 2938, situa

do en terreos do concello de Fornelos de Montes, provincia de Pontevedra, e solicitado por Pedra Pais 01, S.L.

Para os efectos informativos porase á disposición dos administrados que a soliciten a documentación correspondente ao proxecto para consulta nas oficinas desta Dirección Xeral de Industria, Enerxía e Minas, así como nas dependencias das delegacións provinciais das consellerías de Innovación e Industria e de Medio Ambiente e Desenvolvemnento Sostible en Pontevedra, así como no concello de Fornelos de Montes, e as posibles alegacións presentaranse durante o prazo sinalado, dirixidas ao director xeral de Industria, Enerxía e Minas, en calquera das oficinas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 25 de agosto de 2006.

Anxo R. Calvo Silvosa

Director xeral de Industria, Enerxía e Minas