Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 80/2004 por instancia de Sergy Rykunov contra o Instituto Social da Mariña e outros sobre incapacidade, nos que recaeu sentenza con data do 27 de xullo de 2006 que copiada nos particulares necesarios di así:

Que desestimando a demanda formulada por Sergy Rukunov absolvo desta os demandados Instituto Social da Mariña, Tesouraría Xeral da Seguridade Social, Mutual Cyclops, Pesquería Vinagre, S.L. e AXA Aurora Ibérica, S.A. de Seguros y Reaseguros.

Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ao da súa notificación.

Así, por esta miña sentenza, da que se unirá certificación aos autos orixinais para a súa notificación e cumprimento, xulgando, pronúncioo, mándoo e asínoo.

E para que conste, para os efectos da súa publicación no Diario Oficial de Galicia co fin de que sirva de notificación en forma á empresa DTT Noroeste e Alice Navegation LTD, expido e asino a presente cédula na Coruña o 1 de setembro de 2006.

O secretario xudicial

Rubricado