A Lei 9/2002, do 30 de decembro, de ordenación urbanística e protección do medio rural de Galicia, prevé, no seu artigo 232, na versión dada pola Lei 15/2004, do 29 de decembro, a creación do Xurado de Expropiación de Galicia, como órgano colexiado permanente da nosa comunidade autónoma especializado nos procedementos para a fixación do prezo xusto na expropiación forzosa, cando a Administración expropiante sexa a Comunidade Autónoma ou as entidades locais do seu ámbito territorial.

O referido precepto dispón, entre outros extremos, a composición do xurado, sendo desenvolvido mediante o Regulamento de organización e funcionamento do Xurado de Expropiación de Galicia, aprobado mediante o Decreto 223/2005, do 16 de xuño.

O artigo 4 do referido Regulamento establece na letra d) do seu nº 2 como vogal deste órgano colexiado un técnico facultativo superior, do grupo A, designado pola Federación Galega de Municipios e Provincias.

A este respecto e de conformidade, así mesmo, co disposto no parágrafo 2ª do nº 8 do mencionado artigo 4, a Federación Galega de Municipios e Provincias comunica á Presidencia do Xurado de Expropiación de Galicia, mediante escrito do 15 de setembro de 2006, os vogais designados en representación del.

Cómpre, pois, agora, proceder ao seu nomeamento formal segundo o disposto no nº 7 do artigo 4 do

citado regulamento; deixando sen efecto a designación e consecuente nomeamento efectuado no seu día na referida representación.

Por todo iso,

DISPOÑO:

Artigo único.-Noméanse vogais do Xurado de Expropiación de Galicia en representación da Federación Galega de Municipios e Provincias as seguintes persoas:

Titular: Joaquín López Menéndez.

Suplente: César López Arriíbas.

Disposición derrogatoria

Quedan derrogadas todas as disposicións de igual ou inferior rango no que se opoñan ao disposto na presente orde e, en particular, o establecido na letra b) do anexo da orde desta consellería do 2 de febreiro de 2006, pola que se nomean vogais do Xurado de Expropiación de Galicia (DOG nº 30, do 13 de febreiro).

Disposición derradeira

A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 18 de setembro de 2006.

María José Caride Estévez

Conselleira de Política Territorial, Obras Públicas e Transportes