Intentada a notificación persoal e devolta polo servizo de correos ao resultar imposible a súa práctica, de conformidade co establecido no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (LRX-PAC), mediante esta resolución ponse en coñecemento de Tweed World, S.L., titular do expediente AF001.2001.1.321,

relativo a axuda para os programas de apoio á continuidade e mellora competitiva da PEME galega (Resolución do 11 de marzo de 2005, DOG nº 58, do 28 de marzo), que o 12 de xuño de 2006 o director xeral do Igape acordou iniciar o procedemento de incumprimento total das condicións de concesión da axuda outorgada, co obxecto de determinar o alcance deste, que podería dar lugar á revogación da axuda concedida.

Os actos obxecto deste anuncio non se publican na súa integridade en virtude da cautela prevista no artigo 61 da LRX-PAC. Concédeselle un prazo de quince días hábiles desde a publicación desta resolución no Diario Oficial de Galicia para presentar alegacións co fin de xustificar a non procedencia deste presunto incumprimento. O expediente ponse de manifesto á entidade neste centro directivo sito en Santiago de Compostela, complexo administrativo San Lázaro, s/n.

Santiago de Compostela, 4 de setembro de 2006.

José Antonio Delgado Arce

Director xeral do Instituto Galego

de Promoción Económica