Con data do 27 de abril de 2006, o delegado provincial da Consellería de Traballo de Lugo ditou a resolución pola que se acorda a procedencia de reintegro da axuda concedida a José Antonio da Silva Fernández, con número de expediente 341D 2003/237.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo e o establecido no artigo 61 do mesmo texto
legal, notifícaselle ao interesado o contido da resolución que figura como anexo, para que poida ter coñecemento desta.
Así mesmo, fáiselle saber o dereito que o asiste para interpoñer o recurso contencioso-administrativo no prazo de dous meses, que comezará a contar a partir do día seguinte ao da publicación desta cédula no Diario Oficial de Galicia, ante a Sala do Contencioso-Administrativo do Tribunal Superior de Xustiza de Galicia, así como, con anterioridade e con carácter potestativo, poderá interpoñer recurso de reposición no prazo dun mes, que comezará a contar a partir do día seguinte ao desta publicación, ante esta delegación provincial, todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 30/1992, do 26 de novembro, de réxime xurídico das administracións públicas e do procedemento administrativo común.
Lémbraselle tamén o seu dereito a consultar o expediente, depositado nas dependencias desta delegación provincial, sitas na Rolda da Muralla, nº 70 baixo, en Lugo, e a obter, de ser o caso, copia deste acordo, segundo o previsto na letra a) do artigo 35 da Lei 30/1992, do 26 de novembro.
Lugo, 28 de agosto de 2006.
José Miguel Vázquez Calvo
Delegado provincial de Lugo
ANEXO
Nº de expediente: 341D 2003/237.
Nome ou razón social: José Antonio da Silva Fernández.
DNI/NIF: 34265369-S.
Último enderezo coñecido: San Mamede-Fiolleda, Monforte de Lemos (Lugo).
Feito imputado: non realizar a actividade que fundamenta a concesión da axuda durante un tempo mínimo de tres anos.
Precepto infrinxido: o artigo 11º b) da Orde do 16 de maio de 2003 pola que se establecen os programas para a promoción do emprego autónomo.
Contido da resolución: acordo da procedencia de reintegro da axuda.