Pola presente resolución e en cumprimento do establecido no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro e, por ser devolta polo servizo de correos, notifí
caselle ao interesado que ten os datos persoais e último domicilio coñecido que figuran no anexo, a parte dispositiva da resolución do recurso de alzada interposto por Andrés Botana Noya, contra o acordo da zona de concentración parcelaria de Santa María de Leira (Ordes-A Coruña).
Santiago de Compostela, 18 de setembro de 2006.
Xosé Carballido Presas
Director xeral de Estruturas e Infraestruturas
Agrarias
ANEXO
Destinatario: Gumersindo Mosquera Botana.
Enderezo: lugar Mesón do Vento-Ardemil, 15685 Ordes (A Coruña).
Texto:
«Estimar en parte, o recurso de alzada presentado por Andrés Botana Noya, propietario nº 948, contra o acordo de concentración parcelaria da zona de Sta. María de Leira (Ordes-A Coruña), no senso de:
Modificar a configuración dos seguintes predios:
O predio nº 863 atribuído a Andrés Botana Noya, propietario nº 948 queda cunha superficie de 3.662 m e un valor de 2.164,05 puntos e o predio nº 864 atribuído a Gumersindo Mosquera Botana e outro, propietario nº 969, queda cunha superficie de 3.955 m e un valor de 2.460,15 puntos.
Contra esta resolución que pon fin á vía administrativa, poderá o interesado interpoñer o recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados a partir do día seguinte ao da súa notificación, de conformidade cos artigos 43 da Lei de contratación parcelaria para Galicia, 115.3º da Lei de réxime xurídico das administracións públicas e do procedemento administrativo común, e 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de que os interesados poidan exercer calquera outro que coiden pertinente.
Notifíqueselles aos interesados consonte o disposto na lexislación vixente, achegando copia parcial dos planos e fichas atribucións modificadas».
