Para os efectos previstos no artigo 73 da Lei 34/1998, do 7 de outubro, do sector de hidrocarburos e no artigo 11 do Regulamento xeral de servizo público de gases combustibles, aprobado por Decreto 2913/1973, do 26 de outubro, sométese á información pública o seguinte proxecto de autorización administrativa:
Peticionario: Galp Energía, S.A.U. con enderezo para efectos de notificación en r/ Anabel Segura, 16, eEdificio Vega Norte 1 (Arroyo de la Vega) 28108 Alcobendas (Madrid).
Obxecto da petición: autorización administrativa para a construción e explotación das instalacións de gas propano canalizado para a subministración ao núcleo urbano de Viana do Bolo, provincia de Ourense, de conformidade co proxecto presentado para o efecto.
Descrición das instalacións:
* Centro de almacenamento:
Dous depósitos aéreos de 33,6 m de capacidade por depósito.
Capacidade total de almacenaxe: 67,2 m.
Equipamento de transvasamento: non se contempla.
Equipamento de vaporación: non se contempla.
Equipamento de regulación: 750 kg/h.
Presión de entrada: 20 bar.
Presión de saída: 1,75 bar.
* Rede de distribución (soterrada):
Lonxitude: 5.031 m.
Diámetros: 110, 90, 63, 40 e 32 mm.
Material: Polietileno SDR-11, segundo UNE 53.333.
Presión máxima de servizo efectiva: 1,75 bar.
Área de autorización: a solicitude de autorización administrativa afecta o núcleo urbano de Viana do Bolo, provincia de Ourense.
Orzamento: trescentos oitenta e seis mil novecentos noventa e cinco euros con setenta e cinco céntimos (386.995,75 euros).
O que se fai público para coñecemento xeral e para que todas aquelas persoas naturais o xurídicas que se consideren prexudicadas nos seus dereitos poidan presentar as súas alegacións no prazo de 20 días a partir da data de publicación deste anuncio, que poderán examinar o proxecto de autorización administrativa na Dirección Xeral de Industria, Enerxía e Minas, Edificio San Caetano, en Santiago de Compostela, así coma na Delegación Provincial da Consellería de Innovación e Industria, Curros Enríquez, 1, 4º, de Ourense.
Anxo R. Calvo Silvosa
Director xeral de Industria, Enerxía e Minas
