Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se cita:
Solicitante: Hidroeléctrica do Arnego, S.L.
Domicilio social: R. Maior 18, 36520 Agolada.
Denominación: L.M.T., C.T., R.B.T.
Situación: concello de Agolada.
Características técnicas: L.M.T. Axiaz-Buxán de 20 kV con condutor LA-56 con 576 m de lonxitude, con orixe L.M.T. existente e fin no C.T. proxectado. C.T. de 50 kVA sobre apoio metálico. Tramos R.B.T. de 300 m en Axiaz, R.B.T. de 700 m en Buxán e R.B.T. de 940 m en Lamas. Situado no concello de Agolada.
Todas aquelas persoas ou entidades que se consideren afectadas poderán presentar as súas alegacións, nesta delegación provincial, rúa Eduardo Pondal 64, 36071 Pontevedra, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 8 de agosto de 2006.
Montserrat Prado Cores
Delegada provincial de Pontevedra