Para os efectos previstos na Lei 54/1997, do 27 de novembro (BOE nº 285), do sector eléctrico, e

no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese á información pública a petición de autorización administrativa e aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T. en Mazote, nº 34.

Situación: Ares.

Características técnicas: liña de media tensión subterránea, a 15 kV, cunha lonxitude de 0,009 m, coa orixe e final na L.M.T.S. existente VDC 705-Ares, entre o C.T. praia Ares e o C.T. 15CRN1 r/ María-Ares, e condutor tipo R.H.Z.

Centro de transformación non prefabricado, cunha potencia de 400 kVA e relación de transformación de 15.000/400-230 V. Concello de Ares.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta delegación provincial, sita no edificio administrativo de Monelos, s/n, 15071, A Coruña, no prazo de vinte días, a partir da última publicación.

A Coruña, 31 de agosto de 2006.

José Luis Barcia Picos

Delegado provincial da Coruña