Convocada a provisión, polo sistema de libre designación, de varios postos de traballo vacantes nesta consellería, por Orde do 11 de xullo de 2006 (Diario Oficial de Galicia nº 141, do 21 de xullo), de conformidade co disposto no artigo 27.2º da Lei 4/1988, do 26 de maio, da función pública de Galicia, na súa nova redacción dada pola Lei 3/1995, do 10 de abril, e nos artigos 16 e 17 do Decreto 93/1991, do 20 de marzo, e no uso das facultades conferidas polo artigo 15.4º da referida lei, esta consellería

DISPÓN:

Primeiro.-Resolver parcialmente a convocatoria pública para a provisión, polo sistema de libre designación de varios postos de traballo vacantes nesta consellería, anunciada pola Orde do 11 de xullo de 2006 (Diario Oficial de Galicia nº 141, do 21 de xullo).

Segundo.-Adxudicar destino nos postos de traballo que se indican e seleccionar o persoal que se relaciona no anexo da presente orde.

Declarar deserto o seguinte posto de traballo:

Denominación: Servizo de Estudos e Planificación Técnica de Transportes.

Código do posto de traballo: OT.C05.00.000.15770.030.

Terceiro.-O cesamento no destino actual do persoal que obtivo praza producirase no prazo de tres días, contados a partir do seguinte á data de publicación desta orde no Diario Oficial de Galicia.

O prazo para a toma de posesión do novo destino será de tres días a partir do seguinte ao do cesamento, de tratarse da mesma localidade onde actualmente o persoal preste servizos, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e o disposto na base sétima da convocatoria.

O cómputo de prazos de posesión iniciarase cando rematen os permisos ou licenzas, que, no seu caso, lle fosen concedidas ao citado persoal. Nos supostos de baixa temporal ou transitoria iniciarase a partir da correspondente alta.

Cuarto.-O xefe do centro no que cause baixa o persoal, así como o daquel no que obteña destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión.

Quinto.-Contra esta orde, que lle pon fin á vía administrativa, os/as interesados/as poderán interpoñer recurso potestativo de reposición perante a conselleira de Política Territorial, Obras Públicas e Transportes, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 20 de setembro de 2006.

María José Caride Estévez

Conselleira de Política Territorial,

Obras Públicas e Transportes

ANEXO

Apelidos e nome: Nimo Mayo, María Elena.

N.R.P.: 3323933202 A2060.

Grupo: A.

Denominación do posto de traballo: Servizo de Estudos e Planificación Económica.

Código do posto de traballo: OT.C05.00.000.15770.040.

Centro directivo: Dirección Xeral de Transportes.

Localidade: Santiago de Compostela.

Corpo/escala: A1 Administración xeral.

Nivel: 28.

Complemento específico: 12.029,16 A.

Apelidos e nome: Prado Veiga, Elena.

N.R.P.: 3330991157 A2051.

Grupo: B.

Denominación do posto de traballo: Servizo de Inspección.

Código do posto de traballo: OT.C05.00.002.15770.012.

Centro directivo: Dirección Xeral de Transportes.

Localidade: Santiago de Compostela.

Corpo/escala: A1 Administración xeral.

Nivel: 28.

Complemento específico: 12.029,16 A.