Dentro das actividades programadas para o ano 2006 e conforme as funcións atribuídas pola Lei 1/2005, do 4 de xaneiro, do Centro de Estudos Xudiciais e Seguridade Pública de Galicia, anúnciase a realización dun curso sobre fotografía dixital, que deberá desenvolverse conforme as seguintes bases:

Obxectivos.

-Dotar os membros dos corpos de seguridade dos coñecementos fundamentais para levar a cabo as tarefas máis importantes no campo da fotografía dixi

tal aplicada á función policial, especialmente os atestados por accidentes de tráfico.

Destinatarios.

O curso vai dirixido aos membros dos corpos de Policía Local de Galicia e aos membros da unidade do CNP adscrita á Comunidade Autónoma de Galicia.

Os participantes deberán posuír necesariamente coñecementos de informática no nivel usuario.

Inscrición.

A inscrición dos participantes será totalmente gratuíta.

Prazas.

20 prazas.

Solicitudes.

1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.

2. O prazo para a presentación de instancias rematará o día 17 de outubro ás 14.00 horas.

3. As instancias deberán enviárselle ao Centro de Estudos Xudiciais e Seguridade Pública de Galicia, sito na avenida da Cultura, s/n, 36680 A Estrada; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Datas.

O curso realizarase en datas do 25 ao 27 de outubro.

O horario será das 9.30 ás 14.00 h e das 15.30 ás 19.00 horas, excepto o día 27 que será das 10.00 ás 14.00 h.

Contido.

* Fotografía dixital.

-As cámaras dixitais: manexo e posibilidades.

-O tratamento de imaxes.

-A súa crecente utilización na operativa policial.

Relación de admitidos.

A relación de admitidos farase pública o día 20 de outubro a partir das 14.00 horas, no taboleiro de anuncios do Centro de Estudos Xudiciais e Seguridade Pública de Galicia, ou ben poden coñecer e confirmar a súa asistencia chamando aos teléfonos 986 59 02 42/43/44 (Cexesga) e na páxina web http://cexesga.xunta.es.

Lugar.

O curso desenvolverase no Centro de Estudos Xudiciais e Seguridade Pública de Galicia, sito na avenida da Cultura, s/n, no concello da Estrada.

Certificado de asistencia.

Ao remate do curso entregaráselles un certificado de asistencia a aquelas persoas que acrediten a súa participación continuada nel.

Modificacións.

O Centro de Estudos Xudiciais e Seguridade Pública de Galicia poderá modificar o desenvolvemento normal do curso para adaptalo ás necesidades da Administración e ás continxencias que poidan xurdir.

A Estrada, 12 de setembro de 2006.

Carlos Suárez-Mira Rodríguez

Director xeral do Centro de Estudos Xudiciais e

Seguridade Pública de Galicia